28 Rü pema nixĩ ga guxü̃guma pechauxü̃tagugüxü̃ ga yexguma guxchaxü̃wa chayexmagu rü ngúxü̃ chingexgu.
Rü nüma ya Ngechuchu ya torü poxü̃ruxü̃ ya chacherdótearü ãẽ̱xgacü ixĩcü rü nüxü̃ nacua̱x nax tüxü̃ ínapoxü̃xü̃ i ngẽxguma Chataná tüxna ĩnügu, yerü nüma ga Chataná rü nüxna rü ta naxĩnü ngẽma tüxna nax naxĩnüxü̃rüxü̃. Natürü nüma ga Ngechuchu rü taguma pecadu naxü.
Rü yema nümatama ngúxü̃ nax yangexü̃ ga yexguma Chataná nüxna ĩnügu, rü ngẽmaca̱x i ñu̱xma rü nüxü̃́ natauxcha nax tüxü̃ nangü̃xẽẽxü̃ ya yíxema Chataná tüxna ĩnüxe.
Rü yexguma ga Ngechuchu rü ñanagürü nüxü̃ ga yema Yudíugü ga nüxü̃́ yaxõgüxü̃: —Ngẽxguma pema meama peyaxõgüechagu i ngẽma pemaxã nüxü̃ chixuxü̃, rü aixcümaxü̃chi tá chorü ngúexü̃gü pixĩgü.
Natürü yíxema naétüwa mea Tupanaaxü̃́ yaxõõmáxẽ rü yíxema tá tixĩ ya aixcüma nayaxúxe i maxü̃ i taguma gúxü̃.