Ore i mexü̃ ga Luca ümatüxü̃ 22:27 - Tupanaarü Ore

²⁷ ¿Rü ñoma i naanewa rü texé tixĩ ya yexera ixĩxẽ? ¿Rü ngẽma mechawa rütoxü̃ nax nachibüxü̃ca̱x rüe̱xna ngẽma ixüwemüxü̃? ¿Rü tama ẽ̱xna ngẽma mechawa rütoxü̃ nixĩ? Natürü tatanüwa rü tama ngẽmaãcü nixĩ, erü choma i perü cori nax chixĩxü̃ rü perü ngü̃xẽẽruxü̃ chixĩ.

Ore i mexü̃ ga Luca ümatüxü̃ 22:27 Referans Kwoze

Ore i mexü̃ ga Matéu ümatüxü̃ 20:28

Yerü Tupana Nane ya duü̃xü̃xü̃ ixĩcü rü tama nüxü̃ nangü̃xẽẽgüxü̃ca̱x núma naxũ. Natürü núma naxũ nax duü̃xü̃güxü̃ yanangü̃xẽẽxü̃ca̱x rü naxca̱x inaxããxü̃ca̱x i norü maxü̃, nax ngẽmaãcü muxü̃ma i duü̃xü̃güarü maxü̃ naxütanüxü̃ca̱x —ñanagürü.

Ore i mexü̃ ga Luca ümatüxü̃ 12:37

Rü nataãẽgü i ngẽma duü̃xü̃gü i idauexü̃ íyanguéxü̃gu i ngẽxguma ínanguxgu i norü cori. Rü pemaxã nüxü̃ chixu rü ngẽma cori rü norü mechawa tátama nanatogüxẽxẽ i ngẽma norü duü̃xü̃gü i nüxü̃ ínangu̱xuxẽẽgüxü̃. Rü nüma tátama ngẽma norü duü̃xü̃güxü̃ inaxüwemü.

2 Corintios 8:9

Erü pema rü marü nüxü̃ pecua̱x nax ñuxãcü tamaxã namecümaxü̃ ga tórü Cori ya Ngechuchu ya Cristu. Rü woo nüxü̃́ nayexma ga guxü̃ma, natürü ñoma wüxi ga ngearü diẽruã́xü̃rüxü̃ pexca̱x nügü nixĩxẽxẽ nax ngẽmaãcü pexü̃́ nangẽxmaxü̃ca̱x i taxü̃ i Tupanaarü ngü̃xẽxẽ.