Ore i mexü̃ ga Luca ümatüxü̃ 22:19 - Tupanaarü Ore

¹⁹ Rü nanayaxu ta ga paũ, rü Tupanana moxẽ naxca̱x naxã. Rü ñu̱xũchi inanabücu, rü norü ngúexü̃güna nanaxã. Rü ñanagürü nüxü̃: —Ñaa paũ rü chaxune i pexca̱x yuxü̃chiga nixĩ. ¡Rü ñaawena rü ñaãcü tá penaxü nax choxna pecua̱xãchiexü̃ca̱x! —ñanagürü.

Ore i mexü̃ ga Luca ümatüxü̃ 22:19 Referans Kwoze

1 Corintios 10:16

Rü ngẽxguma õna i üünexü̃ca̱x ingutaque̱xegügu, rü yaxaxgügu ya yimá bínu ya üünecü rü moxẽ naxca̱x ixãgügu, rü ngẽmaãcü yigü tawe̱x nax Cristu ya nagü taxca̱x ibacüwe rüxĩxü̃. Rü ngẽxguma nangõ̱xgügu i ngẽma paũ i ibücuxü̃, rü ngẽmaãcü yigü tawe̱x nax nawe rüxĩxü̃ ya Cristu ya naxü̃ne taxca̱x ixãcü.

Ore i mexü̃ ga Luca ümatüxü̃ 22:20

Rü marü chibüwena rü nanayaxu ga copu ga bínumaxã ããcuxü̃, rü ñanagürü: —Daa bínu rü Tupanaarü uneta i ngexwacaxü̃xü̃arü cua̱xruxü̃ nixĩ. Rü chaugü ya pexca̱x ibacüwa Tupana pexü̃ nüxü̃ nadauxẽxẽ nax aixcüma yixĩxü̃ i ngẽma norü uneta.

1 Corintios 10:4

Rü guxü̃ma ga yema duü̃xü̃gü nayaxaxgü ga yema dexá ga Cristu nüxna ãxü̃. Yerü Cristu rü yema duü̃xü̃güxü̃ ínixümücü ga yema ínaxĩxü̃wa, rü nüxna nanaxã ga yema dexá ga yaxaxgüxü̃.

Wiyaegü 111:4

Rü yema mexü̃ ga naxüxü̃ rü taxucürüwama nüxü̃ itarüngümae. Erü nüma ya Cori rü namecümaxüchi rü nüxü̃́ tangechaü̃tümüxü̃.

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

Nüxíraxü̃xü̃ ga popera ga Pedru ümatüxü̃ 2:24

Rü nümatama ga Cristu rü nügüxü̃negu nayange ga tórü pecadugü ga yexguma curuchagu nayu̱xgu. Rü yemaacü nanaxü nax nüxü̃ rüxoexü̃ca̱x i tórü chixexü̃ rü naxca̱xicatama imaxẽxü̃ca̱x. Nüma rü pexca̱x nanapi̱x nax yemaacü pexü̃ nameexẽẽxü̃ca̱x.

Efesios 5:2

Rü name i pegü pengechaü̃gü yema Cristu tüxü̃ ngechaü̃xü̃rüxü̃. Rü nüma rü taxca̱x nügü inaxã rü taxca̱x nayu nax yemaacü Tupanaca̱x wüxi i ãmare i chi̱xemaxü̃ yixĩxü̃ca̱x.

Gálatas 1:4

Rü nüma ga tórü Cori ya Ngechuchu rü nügü inaxã nax tórü pecaduca̱x nayuxü̃ca̱x nax nüxna tüxü̃ ínanguxü̃xẽẽxü̃ca̱x i guxü̃ma i ñoma i naanearü chixexü̃, yerü yema nixĩ ga nanaxwa̱xexü̃ ga Tanatü ya Tupana.

Ore i mexü̃ ga Cuáü̃ ümatüxü̃ 6:51

Chomatama nixĩ i paũ i maxẽxẽxẽruxü̃ i daxũwa ne chaxũxü̃. Rü texé ya ñaa paũ ngṍxe rü guxü̃gutáma namaxecha. Erü ngẽma paũ i choma tüxna chaxãxü̃ rü chaxunetama nixĩ. Rü ichanaxã i chaxune nax namaxẽxü̃ca̱x i ñoma i naanecüã̱x i duü̃xü̃gü —ñanagürü ga Ngechuchu.

Ore i mexü̃ ga Luca ümatüxü̃ 24:30

Rü yexguma chibüca̱x wüxiwa mechawa natogügu, rü Ngechuchu nanayaxu ga paũ. Rü Tupanana moxẽ naxca̱x naxã. Rü ñu̱xũchi inanabücu, rü wüxichigüna nanaxã.

Ore i mexü̃ ga Matéu ümatüxü̃ 14:19

Rü yexguma ga Ngechuchu rü duü̃xü̃güxü̃ namu nax maxẽte̱xewa natogüxü̃ca̱x. Rü ñu̱xũchi nanade ga yema wüxime̱e̱xpü̱x ga paũ rü yema taxre ga choxnigü. Rü daxũgu nadawenüãcüma Tupanana moxẽ naxã, rü ñu̱xũchi inanabücu ga yema paũgü. Rü norü ngúexü̃güna nanana, rü nümagü rü duü̃xü̃güxü̃ nayanu.

Ore i mexü̃ ga Cuáü̃ ümatüxü̃ 6:23

Rü yexguma yemagu ínaxĩnüeyane, rü yoxocüne ínangugü ga náigü ga ngue ga itaxü̃ne ga ĩane ga Tibériawa ne ĩxü̃ne. Rü norü ngaicamana nangugü ga yema nachica ga ngextá Ngechuchu ínachibüexẽẽxü̃wa ga yema muxü̃ma ga duü̃xü̃gü ga yexguma moxẽ inaxãxgu naxca̱x ga yema paũ.

Ore i mexü̃ ga Luca ümatüxü̃ 22:17

Rü yexguma nanayaxu ga wüxi ga copu ga bínumaxã ããcuxü̃. Rü Tupanana moxẽ naxã, rü ñu̱xũchi ñanagürü nüxü̃ ga norü ngúexü̃gü: —¡Peyaxaxü ya daa bínu, rü pegümaxã pengau!

Charumóü̃arü wiyae 1:4

¡Rü paxãma cugüxü̃tawa choxü̃ naga! ¡Pa Ãẽ̱xgacüx, curü ucapuwa choxü̃ naga! Rü ngéma rü tá wüxigu tataãẽgü. Rü curü meãxẽ rü namaxã tataãẽgü bínuarü yexera. Rü ngẽmaca̱x nixĩ i ngexü̃gü i poraãcü nüxü̃́ cungúchaü̃güxü̃.

1 Tesalonicenses 5:18

¡Rü woo ta̱xacü pexü̃ ngupetügu, rü Tupanana moxẽ pexãgü! Erü ngẽma nixĩ ya Tupana naxwa̱xexü̃ nax penaxüxü̃ i pema ya Ngechuchu ya Cristuarü duü̃xü̃gü nax pixĩgüxü̃.

Danié 2:38

Rü ngẽmaca̱x i ñu̱xma rü guxü̃ma i duü̃xü̃gümaxã rü naeü̃gümaxã rü werigümaxã icucua̱x. Erü nüma ya Tupana rü cuxme̱xwa nanangexmagüxẽxẽ. Rü cuchiga nixĩ, Pa Ãẽ̱xgacüx, i ngẽma naxchicüna̱xãeru i úirunaxca̱x.

Echequié 37:11

Rü yexguma ga Cori ya Tupana rü ñanagürü choxü̃: —Ngẽma Iraétanüxü̃ rü daa naxchina̱xãgürüxü̃ nixĩgü. Rü nügümaxã ñanagürügü: “Rü yixemagü rü ñoma naxchina̱xãgü ya ipagünerüxü̃ tixĩgü erü nataxuma i tórü ngü̃xẽẽruxü̃, rü ngẽmaca̱x tagutáma wenaxarü tachixü̃aneca̱x tawoegu”, ñanagürügü.

Ore i mexü̃ ga Matéu ümatüxü̃ 15:36

Rü nanade ga yema 7 ga paũ rü yema choxnigü. Rü Tupanana moxẽ naxã. Rü ñu̱xũchi inanabücu. Rü norü ngúexü̃güna nanana nax duü̃xü̃güxü̃ yanuaxü̃ca̱x.

Echequié 5:5

Rü nüma ya Cori ya Tupana rü ñanagürü ta choxü̃: —Dücax ya yima ĩane ya Yerucharéü̃. Rü choma nixĩ ga chanataxẽẽxü̃ natanüwa ya yima togü i nachixü̃anecüã̱xarü ĩanegü.