Ore i mexü̃ ga Luca ümatüxü̃ 22:17 - Tupanaarü Ore

¹⁷ Rü yexguma nanayaxu ga wüxi ga copu ga bínumaxã ããcuxü̃. Rü Tupanana moxẽ naxã, rü ñu̱xũchi ñanagürü nüxü̃ ga norü ngúexü̃gü: —¡Peyaxaxü ya daa bínu, rü pegümaxã pengau!

Ore i mexü̃ ga Luca ümatüxü̃ 22:17 Referans Kwoze

Ore i mexü̃ ga Luca ümatüxü̃ 22:19

Rü nanayaxu ta ga paũ, rü Tupanana moxẽ naxca̱x naxã. Rü ñu̱xũchi inanabücu, rü norü ngúexü̃güna nanaxã. Rü ñanagürü nüxü̃: —Ñaa paũ rü chaxune i pexca̱x yuxü̃chiga nixĩ. ¡Rü ñaawena rü ñaãcü tá penaxü nax choxna pecua̱xãchiexü̃ca̱x! —ñanagürü.

Wiyaegü 116:13

Rü nape̱xewa tá chanange i chorü ãmare i bínuchíü rü tá nüxü̃ chicua̱xüxü̃ yerü yuwa choxü̃ ínapoxü̃.

Romanos 14:6

Rü yíxema duü̃xẽ ya ta̱xacürü ngunexü̃ Tupanaca̱x íxüxüchixe, rü ngẽmaãcü tanaxü nax ngẽma ngunexü̃gu tórü Corixü̃ ticua̱xüü̃xü̃ca̱x. Rü yíxema guxü̃ i õna ngṍxe, rü ngẽmaãcü tanangõ̱x nax tórü Corixü̃ ticua̱xüü̃xü̃ca̱x, rü Tupanana moxẽ taxã naxca̱x i ngẽma tangṍxü̃. Rü yíxema tama guxü̃ i õna ngṍxe, rü ngẽmaãcü tanaxü nax tórü Corixü̃ ticua̱xüü̃xü̃ca̱x, rü tüma rü ta Tupanana moxẽ taxã naxca̱x i ngẽma tangṍxü̃.

Ore i mexü̃ ga Luca ümatüxü̃ 9:16

Rü yexguma ga Ngechuchu rü nanade ga yema wüxime̱e̱xpü̱x ga paũ rü yema taxre ga choxni. Rü daxũgu nadawenüãcüma Tupanana moxẽ naxã, rü ñu̱xũchi inanabücu ga yema paũ rü choxni. Rü norü ngúexü̃güna nanaxã nax nüxü̃ yanuaxü̃ca̱x ga yema duü̃xü̃gü.

Yeremía 16:7

Rü taxúetama texé i taxü̃ i õna taxü naxca̱x i natanüxü̃ i ngẽma yuexü̃, nax ngẽmaãcü nataãẽgüxü̃ca̱x. Rü woo ngẽxguma nanatü rüe̱xna naé yu̱xgu rü taxúetama tanataãẽxẽẽgü i tümatanüxü̃.

Wenaxarü naxümatü ga Tupanaarü mugü 8:10

Natürü ngẽxguma pechibüeguwena rü pengãxpütüwegügu, rü name nax nüxü̃ picua̱xüü̃xü̃ ya Cori ya Tupana naxca̱x i ngẽma mexü̃ i naane i pexna naxãxü̃.

Wiyaegü 23:5

Rü mexü̃ i õna cha̱u̱xca̱x cumexẽxẽ nape̱xewa i chorü uanügü, rü pumaramaxã choxü̃ cubaeru. Rü ngẽma chorü taãxẽ i choxna cuxãxü̃ rü ñoma copa i ããcuxüchixü̃rüxü̃ nixĩ.

1 Chamué 9:13

Rü ngẽxguma nawa pengugügu ya yima ĩane ¡rü paxa naxca̱x peda̱u̱x naxü̃pa nax ngutaque̱xechicawa naxũxü̃ naxca̱x i ngẽma õna! Rü ngẽma duü̃xü̃gü rü taxũtáma nachibüe ñu̱xmata nüma ngéma nanguxgu. Erü nüma tá namaxã nayumüxẽ i ngẽma Tupanaarü ãmare i yagugüxü̃. Rü ngẽmawena tá nixĩ i nachibüexü̃ i ngẽma duü̃xü̃gü i nüxna naxuxü̃. ¡Rü ngẽmaca̱x paxãma ngéma pexĩ i ñu̱xmax! Rü tá ngẽxma nüxü̃ ipeyangau —ngĩgürügügü.

Ore i mexü̃ ga Matéu ümatüxü̃ 14:19

Rü yexguma ga Ngechuchu rü duü̃xü̃güxü̃ namu nax maxẽte̱xewa natogüxü̃ca̱x. Rü ñu̱xũchi nanade ga yema wüxime̱e̱xpü̱x ga paũ rü yema taxre ga choxnigü. Rü daxũgu nadawenüãcüma Tupanana moxẽ naxã, rü ñu̱xũchi inanabücu ga yema paũgü. Rü norü ngúexü̃güna nanana, rü nümagü rü duü̃xü̃güxü̃ nayanu.

Ore i mexü̃ ga Matéu ümatüxü̃ 15:36

Rü nanade ga yema 7 ga paũ rü yema choxnigü. Rü Tupanana moxẽ naxã. Rü ñu̱xũchi inanabücu. Rü norü ngúexü̃güna nanana nax duü̃xü̃güxü̃ yanuaxü̃ca̱x.

Ore i mexü̃ ga Matéu ümatüxü̃ 26:26

Rü yexguma ínachibüeyane rü Ngechuchu nanayaxu ga wüxi ga paũ. Rü Tupanana moxẽ naxã, rü inanabücu, rü norü ngúexü̃güxü̃ nayanu. Rü ñanagürü: —¡Penayaxu rü penangṍ! Ñaa rü chaxune nixĩ —ñanagürü.

Ore i mexü̃ ga Márcu ümatüxü̃ 14:22

Rü yexguma ínachibüeyane, rü Ngechuchu nanayaxu ga paũ. Rü Tupanana moxẽ naxã, rü inanabücu, rü norü ngúexü̃güxü̃ nayanu. Rü ñanagürü nüxü̃: —¡Penayaxu̱x i ñaa paũ! Rü ngẽma rü chaxunechiga nixĩ —ñanagürü.

1 Corintios 10:16

Rü ngẽxguma õna i üünexü̃ca̱x ingutaque̱xegügu, rü yaxaxgügu ya yimá bínu ya üünecü rü moxẽ naxca̱x ixãgügu, rü ngẽmaãcü yigü tawe̱x nax Cristu ya nagü taxca̱x ibacüwe rüxĩxü̃. Rü ngẽxguma nangõ̱xgügu i ngẽma paũ i ibücuxü̃, rü ngẽmaãcü yigü tawe̱x nax nawe rüxĩxü̃ ya Cristu ya naxü̃ne taxca̱x ixãcü.

1 Corintios 11:23

Rü ngẽma ngu̱xẽẽtae i pemaxã nüxü̃ chixuxü̃ rü tórü Corixü̃tawatama chanayaxu. Rü yexguma tórü Cori ga Ngechuchuxü̃ ínaxuaxü̃gu, rü yematama chütaxü̃gu rü nüma rü nanayaxu ga wüxi ga paũ.