Ore i mexü̃ ga Luca ümatüxü̃ 22:12 - Tupanaarü Ore

¹² Rü tá pexü̃ nüxü̃ nadauxẽxẽ i wüxi i ucapu i taxü̃ i marü mexẽẽxü̃ i norü daxũchiü̃wa ngẽxmaxü̃. ¡Rü ngẽmawa tá penamexẽxẽ i ngẽma õna i Üpetüchigaca̱x ixĩxü̃! —ñanagürü nüxü̃.

Ore i mexü̃ ga Luca ümatüxü̃ 22:12 Referans Kwoze

Ngechuchuarü ngúexü̃gü ga yamugüxü̃arü puracüchiga 1:13

Rü yexguma Yerucharéü̃arü ĩanewa nangugügu, rü nagu nachocu ga gumá ĩ ga nagu napegüne. Rü dauxna naxĩgü naxca̱x ga yema ucapu ga taxü̃ ga nagu napegüxü̃. Rü nümagü nixĩ ga Pedru, rü Cuáü̃, rü Chantiágu, rü André, rü Ferípe, rü Tumáchi, rü Barturumé, rü Matéu, rü Chantiágu ga Arupéu nane, rü Chimóü̃ ga Iporaãẽcüücü, rü Yúda ga Chantiágu naenexẽ.

Ore i mexü̃ ga Cuáü̃ ümatüxü̃ 2:25

Rü yemaca̱x ga nüma rü taxuca̱xma texé namaxã nüxü̃ tixu nax ta̱xacügu naxĩnüexü̃ ga yema duü̃xü̃gü. Yerü nümatama marü nüxü̃ nacua̱x nax ta̱xacügu naxĩnüexü̃ ga naãxẽwa ga wüxichigü.

Ngechuchuarü ngúexü̃gü ga yamugüxü̃arü puracüchiga 20:8

Rü guma ĩpataarü tomaepü̱xchiü̃wa yexmaxü̃ ga ucapuwa tangutaque̱xegü. Rü namu ga omü ga yéma naigüxü̃. Rü nayexma ga wüxi ga ngextü̱xücü ga Eutícu ga naéga. Rü yéma wüxi ga beü̃tánawa narüto. Natürü ga Pauruarü dexa, rü poraãcü nama̱x. Rü yemaca̱x ga gumá ngextü̱xücü rü poraãcü nayaxta, rü düxwa nipeãchi rü gumá ĩpataarü tomaepü̱xchiü̃wa yexmaxü̃ ga ucapuarü beü̃tánawa narüngu, rü ñaxtüanegu nangu. Rü yéma yucüma nanayauxgü.

Ore i mexü̃ ga Cuáü̃ ümatüxü̃ 21:17

Rü norü tomaepü̱xcüna Pedruna naca, rü ñanagürü: —Pa Chimóü̃ Pa Cuáü̃ Nanex, ¿aixcümaxü̃chi yixĩxü̃ i choxü̃ cungechaü̃xü̃? —ñanagürü. Rü yexguma ga Pedru rü nangechaü̃, yerü norü tomaepü̱xcüna Ngechuchu nüxna naca rü aixcüma nüxü̃ nangechaü̃. Rü ñanagürü ga Pedru: —Pa Corix, cuma nüxü̃ cucua̱x i guxü̃ma. Rü cuma nüxü̃ cucua̱x nax aixcümaxü̃chi cuxü̃ changechaü̃xü̃ —ñanagürü. Rü Ngechuchu ñanagürü nüxü̃: —Ẽcü, ¡nüxna nadau i chorü duü̃xü̃gü i ñoma carnérugürüxü̃ ixĩgüxü̃!

Ore i mexü̃ ga Luca ümatüxü̃ 22:11

¡Rü yimá ĩpata ya nagu yaxücune ya yimá yatü, rü yimá ĩarü yoramaxã nüxü̃ pixu rü ñapegügü nüxü̃: “Torü ngúexẽẽruxü̃ rü nüxü̃ nacuáxchaü̃ nax ngexü̃rüüxü̃ yixĩxü̃ i ngẽma ucapu i norü ngúexü̃gümaxã tá nawa nachibüxü̃ i Üpetüchigaarü õnaca̱x”, ñapegügü nüxü̃!

Ore i mexü̃ ga Luca ümatüxü̃ 22:13

Rü yéma naxĩ ga nümagü rü nüxü̃ inayangaugü ga guxü̃ma yema Ngechuchu namaxã nüxü̃ ixuxü̃rüxü̃. Rü yéma nanamexẽẽgü ga õna ga Üpetüchigaca̱x ixĩxü̃.