Ore i mexü̃ ga Luca ümatüxü̃ 21:8 - Tupanaarü Ore

⁸ Rü Ngechuchu rü ñanagürü: —¡Pexũãxẽgü nax taxuxü̃táma pexü̃ womüxẽẽxü̃ca̱x! Erü muxũchixü̃ tá chauégagu ínangugü rü ñanagürügü tá: “Choma nixĩ i Cristu, rü paxa tá nagu̱x i naane”, ñanagürügü tá. ¡Natürü taxũtáma nüxü̃́ peyaxõgü!

Ore i mexü̃ ga Luca ümatüxü̃ 21:8 Referans Kwoze

Nüxíraxü̃xü̃ ga popera ga Cuáü̃ ümatüxü̃ 4:1

Pa Chauenexẽgü ya Pexü̃ Changechaü̃güxe, ¡Taxṹ i nüxü̃́ peyaxõgüxü̃ i guxü̃ma i ngẽma nügü ixugügüxü̃ nax Tupanaarü orearü uruü̃gü yixĩgüxü̃! Rü name nixĩ i penangugü i norü ore nax nüxü̃ pecuáxü̃ca̱x rü aixcüma Tupanaãxẽ yixĩxü̃ i nawa idexaxü̃, rüe̱xna tama. Erü guxü̃wama i ñoma i naanewa rü nangẽxma i muxü̃ma idorata̱a̱xgüxü̃ i nügü ixugüxü̃ nax Tupanaarü orearü uruü̃gü yixĩgüxü̃.

2 Tesalonicenses 2:3

¡Rü taũtáma naga pexĩnüe i ngẽma duü̃xü̃gü i ngẽmaãcü pexü̃ womüxẽẽgüchaü̃xü̃! Erü naxü̃pa nax Ngechuchu núma ũxü̃ rü tá ínangu i ngẽma yatü i Tupanaarü uanü ixĩxü̃, rü tá nananuexẽxẽ i muxü̃ma i duü̃xü̃gü i yaxõgüchiréxü̃. Natürü Tupana marü ngẽma yatümaxã nanaxuegu rü tá nax napoxcuxü̃.

Efesios 5:6

¡Rü ngẽxguma texé ta̱xacürü ngu̱xẽẽtae i taxuwama mexü̃maxã pexü̃ womüxẽxẽchaü̃gu rü taxṹ i naga pexĩnüexü̃! Erü ngẽma ngu̱xẽẽtae i taxuwama mexü̃gagu tá nixĩ ya Tupana poraãcü napoxcuexü̃ i ngẽma duü̃xü̃gü i tama naga ĩnüexü̃.

Ore i mexü̃ ga Matéu ümatüxü̃ 24:11

Rü muxũchixü̃ i orearü uruü̃güneta tá ínangugü. Rü tá nüxü̃ nixugügü nax Tupana yixĩxü̃ ya núma namugücü nax nüxü̃ yaxugüxü̃ca̱x i ore. Rü ngẽmaãcü tá muxũchixü̃ i duü̃xü̃güxü̃ nawomüxẽẽgü.

Norü taxre ga popera ga Timutéuca̱x naxümatüxü̃ ga Pauru 3:13

Natürü ngẽma yatügü i chixexü̃gu maxẽxü̃ rü ngẽma idorata̱a̱xgüxü̃ rü yexeraxü̃ i chixexü̃ tá naxügü. Erü nümagü rü tá togüxü̃ nawomüxẽẽgü, rü ngẽxgumarüxü̃ ta i ngẽma togü rü tá nayawomüxẽxẽgü.

Yeremía 29:8

Rü choma ya Cori ya perü Tupana ya Guxãétüwa Ngẽxmacü, rü pexü̃ chaxucu̱xẽ rü ñachagürü pexü̃: ‘Tama chanaxwa̱xe nax pegü penawomüxẽẽgüxẽẽxü̃ i ngẽma orearü urüü̃güneta rü ngẽma iyuüexü̃ i petanüwa ngẽxmagüxü̃. ¡Rü taxṹ i naga pexĩnüexü̃ ega pemaxã nüxü̃ yaxuxgu i ngẽma nanegügü!

Norü taxre ga popera ga Cuáü̃ ümatüxü̃ 1:7

Guxü̃wama i ñoma i naanewa rü nanaxĩane i muxü̃ma i womüxẽẽwa̱xegüxü̃. Rü tama nayaxõgü nax Ngechuchu ya Cristu rü duü̃xü̃xü̃ yaxĩxü̃. Rü ngẽma ngẽmaãcü idexaxü̃, rü wüxi i womüxẽẽruxü̃ nixĩ, rü Cristuarü uanü nixĩ.

Ore i mexü̃ ga Luca ümatüxü̃ 17:23

Rü duü̃xü̃gü rü tá ñanagürügü pexü̃: “Daa nixĩ ya Cristu”, rüe̱xna, “Gua nixĩ ya Cristu”, ñanagürügü tá. Natürü i pemax ¡rü taxũtáma nüxü̃́ peyaxõgü, rü taxũtáma nawe perüxĩ!

Yema Cuáü̃ nüxü̃ dauxü̃ i yixcüra tá ngupetüxü̃chiga 12:9

Rü ínata̱xüchi ga daxũguxü̃ ga naanewa ga yema coya ga yema nũxcümaü̃xü̃ ga ãxtape. Rü nüma rü Ngo̱xogu rü Chatanágu naxãéga. Rü nüma nixĩ i guxü̃ma i ñoma i naanecüã̱x i duü̃xü̃güxü̃ nawomüxẽẽxü̃. Rü nüma rü norü orearü ngeruü̃gümaxã ñoma ga naanegu narüwoü̃.

Ore i mexü̃ ga Matéu ümatüxü̃ 4:17

Rü yexguma nixĩ ga inaxügüãxü̃ ga Ngechuchu nax nüxü̃ yaxuxü̃ ga ore ga ñaxü̃: —¡Nüxü̃ perüxoe i pecüma i chixexü̃! Erü Tupana ya daxũwa ãẽ̱xgacü ixĩcü rü marü ningaica nax perü ãẽ̱xgacü yixĩxü̃ca̱x —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:3

Rü tataãxẽ ya yíxema nawa ngúe i ñaa Tupanaarü ore. Rü ngẽxgumarüxü̃ ta tataãẽgü ya yíxema nüxü̃ ĩnüexe rü naga ĩnüexe i ñaa ore i ümatüxü̃ nachiga i ngẽma tá ínguxü̃, erü paxa tá ningu i ngẽma nüxü̃ yaxuxü̃.

Ore i mexü̃ ga Cuáü̃ ümatüxü̃ 8:24

Rü ngẽmaca̱x pemaxã nüxü̃ chixu rü tá perü pecadugu peyue. Erü ngẽxguma tama choxü̃́ peyaxõgügu nax choma chixĩxü̃ ya Cristu, rü perü pecadugu tá peyue —ñanagürü.

Ore i mexü̃ ga Cuáü̃ ümatüxü̃ 5:43

Chaunatü ya Tupana nixĩ ga núma choxü̃ mucü, natürü i pema rü tama choxü̃ peyauxgüchaü̃. Natürü ngẽxguma chi tomare i yatü nagagutama núma ũxgu, rü ngẽma chi nixĩ i taãxẽãcüma peyauxgüxü̃.

Ore i mexü̃ ga Matéu ümatüxü̃ 3:2

Rü duü̃xü̃gümaxã nüxü̃ nixu rü ñanagürü: —¡Nüxü̃ perüxoe i pecüma i chixexü̃! Erü Tupana ya dauxü̃wa ãẽ̱xgacü ixĩcü rü marü ningaica nax perü ãẽ̱xgacü yixĩxü̃ca̱x —ñanagürü.

Ore i mexü̃ ga Luca ümatüxü̃ 21:7

Rü yexguma ga norü ngúexü̃gü rü Ngechuchuna nacagü, rü ñanagürügü: —Pa Ngúexẽẽruxü̃x, ¿ñuxgu tá nixĩ i nangupetüxü̃ i ngẽma nüxü̃ quixuxü̃? ¿Rü ta̱xacüwa tá nüxü̃ tacua̱x nax paxa tá nangupetüxü̃ i ngẽma? —ñanagürügü.

Ore i mexü̃ ga Luca ümatüxü̃ 21:9

Rü ngẽxguma tá nüxü̃ pexĩnüegu nax nügü nada̱i̱xü̃ i wüxi i nachixü̃ane to i nachixü̃anemaxã, rüe̱xna nüxü̃ pexĩnüegu nax wüxi i nachixü̃anewatama rü duü̃xü̃gü rü norü ãẽ̱xgacümaxã nügü nada̱i̱xü̃, ¡rü taxũtáma peba̱i̱xãchie! Erü ngẽmaãcü tá nangupetü i noxrix. Natürü taxũta naanearü gu̱x nixĩ i ngẽma.

Ore i mexü̃ ga Cuáü̃ ümatüxü̃ 8:28

Rü yemaca̱x ga Ngechuchu rü ñanagürü nüxü̃: —Ngẽxguma curuchawa peyapotagügu ya Tupana Nane ya duü̃xü̃xü̃ ixĩcü, rü tá nüxü̃ picua̱xãchitanü nax Cristu chixĩxü̃. Rü tá nüxü̃ pecua̱x nax taxuxü̃ma chauechamatama chaxüxü̃. Rü ngẽma Chaunatü choxü̃ ngu̱xẽẽxü̃xicatama nixĩ i nüxü̃ chixuxü̃.

1 Corintios 6:9

¿Tama ẽ̱xna nüxü̃ pecua̱x nax ngẽma duü̃xü̃gü i chixexü̃ ügüxü̃ rü nataxuxü̃táma i nachica i Tupana ãẽ̱xgacü íyixĩxü̃wa? ¡Rü tama name i pegütama pewomüxẽxẽgü! Erü Tupana ãẽ̱xgacü íyixĩxü̃wa rü nataxutama i nachica i ngẽma duü̃xü̃gü i nai i ngexü̃maxã ipexü̃, rü ngẽma duü̃xü̃gü i tupananetachicüna̱xãxü̃ icua̱xüü̃güxü̃, rü ngẽma duü̃xü̃gü i naxma̱xẽchita rüe̱xna nateechita ngeãẽxü̃, rü ngẽma yatügü i naxrüxü̃ yatüxü̃maxã ngeãẽxü̃, rü ngẽma ngexü̃gü i naxrüxü̃ ngexü̃gümaxã ngeãẽxü̃, rü ngẽma ngĩ́ta̱xagüxü̃, rü ngẽma aüwa̱xegüxü̃, rü ngẽma ngãxẽwa̱xegüxü̃, rü ngẽma oregüta̱a̱xgüxü̃, rü ngẽma womüxẽẽwa̱xegüxü̃. Rü guxü̃ma i ngẽmagü rü nataxutama i nachica i Tupana ãẽ̱xgacü íyixĩxü̃wa.