Ore i mexü̃ ga Luca ümatüxü̃ 21:37 - Tupanaarü Ore

³⁷ Rü nüma ga Ngechuchu rü guxü̃ ga ngunexü̃gügu Tupanapata ga taxü̃newa duü̃xü̃güxü̃ nangúexẽxẽ. Rü chütacü rü guma Ma̱xpǘne ga Oribunecügu ãéganegu nayapeexü̃.

Ore i mexü̃ ga Luca ümatüxü̃ 21:37 Referans Kwoze

Ore i mexü̃ ga Luca ümatüxü̃ 22:39

Rü yexguma ga Ngechuchu rü ínaxũxũ ga guma ĩanewa. Rü Oribunecüarü Ma̱xpǘnewa naxũ, yerü woetama nacüma nixĩ ga yéma nax naxũũxü̃. Rü norü ngúexü̃gü rü nawe narüxĩ.

Ore i mexü̃ ga Márcu ümatüxü̃ 11:19

Natürü yexguma marü nachütachaü̃gu, rü Ngechuchu rü norü ngúexü̃gümaxã ínachoxü̃ nawa ga guma ĩane.

Ore i mexü̃ ga Matéu ümatüxü̃ 26:55

Rü yexguma ga Ngechuchu rü ñanagürü nüxü̃ ga yema duü̃xü̃gü: —¿Tü̱xcüü̃ taragü rü naixmena̱xãgümaxã cha̱u̱xca̱x nua pexĩ nax choxü̃ peyarüyauxgüxü̃ca̱x ñoma wüxi i ngĩ́ta̱xaxü̃rüxü̃? Rü guxü̃ ga ngunexü̃gu rü Tupanapata ya taxü̃newa changu̱xẽẽtae, natürü taguma yexma choxü̃ piyauxgü.

Ore i mexü̃ ga Matéu ümatüxü̃ 21:17

Rü yexguma ga Ngechuchu rü nüxna yéma nixũ, rü ñu̱xũchi ínaxũxũ ga guma ĩanewa. Rü ĩane ga Betániawa naxũ, rü yexma nayape.

Ore i mexü̃ ga Matéu ümatüxü̃ 21:1

Rü yexguma marü yangaicagügu ga Yerucharéü̃wa nax nangugüxü̃, rü nawa nangugü ga guma ĩane ga Bexchagué ga Oribunecüarü Ma̱xpǘnewa yexmane. Rü Ngechuchu nanamu ga taxre ga norü ngúexü̃gü.

Ngechuchuarü ngúexü̃gü ga yamugüxü̃arü puracüchiga 1:12

Rü yema ngúexü̃gü ga Ngechuchu imugüxü̃ nax Tupanaarü puracü naxügüxü̃ca̱x, rü nüxna ínixĩ ga guma ma̱xpǘne ga Oribunecügu ãégane. Rü Yerucharéü̃ca̱x nawoegu. Rü guma ĩanearü yáxü̃ nüxna ga guma ma̱xpǘne rü wüxi ga quirumétru nixĩ.

Ore i mexü̃ ga Cuáü̃ ümatüxü̃ 12:1

Rü 6 ga ngunexü̃ naxü̃pa ga Üpetüchigaarü peta, rü Ngechuchu rü Betániawa naxũ. Rü guma ĩane nixĩ ga nagu naxãchiü̃ne ga Lácharo ga Ngechuchu wena namaxẽẽcü.

Ore i mexü̃ ga Luca ümatüxü̃ 19:37

Rü yexguma inaxügüãgu nax ínaxĩgüxü̃ nawa ga yema nama ga Oribunecüarü Ma̱xpǘnewa yarüdaexü̃, rü guxü̃ma ga yema duü̃xü̃gü ga nawe rüxĩxü̃ rü inanaxügü ga taãẽãcüma aita nax naxüexü̃ rü tagaãcü Tupanaxü̃ nax yacua̱xüü̃güxü̃ naxca̱x ga guxü̃ma ga yema cua̱xruü̃gü ga taxü̃ ga nüxü̃ nadaugüxü̃ ga Tupanaarü poramaxã naxüxü̃ ga Ngechuchu.

Ore i mexü̃ ga Márcu ümatüxü̃ 11:12

Rü moxü̃ãcü yexguma Betániawa inaxĩãchigu ga Ngechuchu rü nataiya.

Ore i mexü̃ ga Matéu ümatüxü̃ 26:30

Rü nawena nax nawiyaegüxü̃ ga wüxi ga Tupanaarü wiyae, rü gumá Ma̱xpǘne ga Oribunecügu ãéganewa naxĩ.

Chacaría 14:4

Rü ngẽma ngunexü̃gu rü nüma ya Cori ya Tupana rü nagu tá nachi ya yima Oribuarü Ma̱xpǘne ya Yerucharéü̃arü to̱xma̱xtawa ngẽxmane i norü éstecüwawa. Rü tá narüngüte ya yima ma̱xpǘne. Rü wüxi i norü ngãxü̃ rü tá nórtewaama naxũgachi rü ngẽma to i norü ngãxü̃ rü tá súrwaama naxũgachi. Rü ngẽmaãcü tá nango̱x i wüxi i taxü̃ i ngate i éstewaama ne daxü̃ rü oéstewaama daxü̃.

Ore i mexü̃ ga Márcu ümatüxü̃ 14:49

Rü guxü̃ ga ngunexü̃gu rü petanüwa chayexma ga yexguma Tupanapata ga taxü̃newa changu̱xẽẽtaegu, rü taguma choxü̃ piyauxgü. Natürü ñaa ñu̱xma ngupetüxü̃, rü nangupetü nax yanguxü̃ca̱x i Tupanaarü ore i ümatüxü̃ —ñanagürü.

Ore i mexü̃ ga Luca ümatüxü̃ 19:29

Rü yexguma marü nawa nangugüchaü̃gu ga gumá ĩanegü ga Bexchagué rü Betánia ga Oribunecüarü Ma̱xpǘnearü ngaicamana yexmagüne, rü Ngechuchu nanamu ga taxre ga norü ngúexü̃gü.

Ore i mexü̃ ga Luca ümatüxü̃ 19:47

Rü guxü̃ ga ngunexü̃gu rü Tupanapata ga taxü̃newa nayanguxẽẽtae ga Ngechuchu. Natürü yema chacherdótegüarü ãẽ̱xgacügü, rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü Yerucharéü̃arü ãẽ̱xgacügü, rü naxca̱x nadaugü nax ñuxãcü tá yama̱xgüãxü̃.

Ore i mexü̃ ga Cuáü̃ ümatüxü̃ 18:2

Rü Yúda ga yema bexma Ngechuchuxü̃ íyaxuaxü̃xü̃ rü nüxü̃ nacua̱x ga yema nachica, yerü Ngechuchu rü muẽ̱xpü̱xcüna yéma norü ngúexü̃gümaxã nangutaque̱xexü̃.