Ore i mexü̃ ga Luca ümatüxü̃ 21:34 - Tupanaarü Ore

³⁴ ¡Pexũãxẽgü nax tama ta̱xacürü chixexü̃gagu düxwa nüxü̃ perüxoexü̃ nax peyaxõgüxü̃! Rü ngẽmaca̱x penaxwa̱xe nax pegüna pedaugüxü̃ nax tama pengãxẽxü̃ rüẽ̱xna ñoma i naanearü ngúchaü̃gu perüxĩnüexü̃. Erü ngürüãchi ngẽmagu íperüxĩnüeyane tá íchangu.

Ore i mexü̃ ga Luca ümatüxü̃ 21:34 Referans Kwoze

Ore i mexü̃ ga Luca ümatüxü̃ 12:40

Rü pema rü ta penaxwa̱xe nax ípememarexü̃. Erü ngürüãchi tama nagu íperüxĩnüeyane tá ínangu ya Tupana Nane ya duü̃xü̃xü̃ ixĩcü —ñanagürü ga Ngechuchu.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:3

¡Rü nüxna nacua̱xãchi ga yema ngu̱xẽẽtae ga mexü̃ ga noxri nüxü̃ cuxĩnüxü̃ rü cuyaxuxü̃, rü nagu ixũ! ¡Rü nüxü̃ rüxo i ngẽma chixexü̃ i cuxüxü̃ rü Tupanaca̱x nataegu! Natürü ngẽxguma tama nüxü̃ curüxoxgu i curü chixexü̃, rü ñoma wüxi i ngĩ́ta̱xáxü̃ i ngürüãchi ínguxü̃rüxü̃ tá cuxü̃tawa chaxũ. Rü taxũtáma nüxü̃ cucua̱x nax ñuxguacü yixĩxü̃.

Norü taxre ga popera ga Pedru ümatüxü̃ 3:14

Rü ngẽmaca̱x, Pa Chauenexẽgü ya Pexü̃ Changechaü̃güxe, rü ñu̱xma nax ípenangu̱xẽẽxü̃ i ngẽma, rü name nixĩ i pora pexüe nax Tupanape̱xewa taxuwama nachixexü̃ca̱x i perü maxü̃ rü Tupanamaxã petaãẽgüxü̃ca̱x i ngẽxguma wena núma naxũxgu.

Gálatas 5:20

Rü tupananetachicüna̱xãgüxü̃ nicua̱xüü̃gü, rü yuüca̱x nangúe, rü aigu narüxĩnüe, rü nachoxü̃gawa̱xegü, rü ta̱xacü ninuxü̃wa̱xegü, rü nanuxwa̱xegü, rü duü̃xü̃güxü̃ naxucu̱xẽgü nax tama wüxigu naxĩnüexü̃ca̱x. Rü nayatoye i duü̃xü̃gü, rü nügü nixüxchimüü̃gü.

1 Corintios 5:11

Natürü yexguma pemaxã nüxü̃ chixuxgu nax tama namaxã pexãmücügüxü̃ i ngẽma duü̃xü̃gü i chixexü̃gu maxẽxü̃, rü nachiga chidexa i ngẽma duü̃xü̃ i nügü ixuxü̃ nax peenexẽgü i yaxõxü̃ nax yixĩxü̃, natürü nai i ngexü̃maxã maxü̃xü̃, rüe̱xna aüxü̃, rüe̱xna tupananetachicüna̱xãxü̃ icua̱xüü̃xü̃, rüe̱xna oregüta̱a̱xü̃, rüe̱xna ngãxẽwa̱xexü̃, rüe̱xna ngĩ́ta̱xaxü̃. Rü ngẽma duü̃xü̃gü nixĩ i pemaxã nüxü̃ chixuxü̃ nax tama namexü̃ nax namaxã pexãmücügüxü̃ rü bai i namaxã nax pechibüexü̃.

Ore i mexü̃ ga Matéu ümatüxü̃ 13:22

Rü gumá triguchire ga tuxunecügu yixü̃nerüxü̃ nixĩ i ngẽma duü̃xü̃gü i Tupanaarü orexü̃ ĩnüexü̃ rü yaxõgüxü̃. Natürü ñoma i naanearü ngẽmaxü̃güca̱x nadaugü, rü ngẽmaguama narüxĩnüe, rü ngẽmaca̱x düxwa nüxü̃ inarüngümae i ngẽma ore. Rü guxü̃ma i ngẽma rü Tupanaarü orexü̃ nüxü̃ narüxoxẽxẽ nax tama aixcüma mea Tupanawe naxĩxü̃ca̱x i ngẽma duü̃xü̃gü.

Ochéa 4:11

Rü ngẽma nax ngexü̃ i ngĩxü̃nemaxã taxegüxü̃maxã namaxẽxü̃gagu rü ñu̱xũchi nax bínumaxã nangãxẽxü̃gagu rü chorü duü̃xü̃gü nüxü̃ inarüngümae i ngẽma mexü̃ i ĩnü.

Ichaía 28:7

Natürü nangẽxma i togü i bínuarü ngu̱xmaxã ichü̱xatanücüüxü̃ rü axexü̃ i ngúxü̃maxã itaixteparatanücüüxü̃. Rü ngẽma chacherdótegü rü orearü uruü̃gü rü axexü̃ i ngúxü̃maxã nichü̱xatanücüxü rü nitaixteparatanücüxü. Rü bínumaxã naxãũãẽgü. Rü axeü̃ i ngúxü̃gagu nitaixteparatanücüxü. Rü toxicaxü̃ nixu rü ngéma namuga i ngẽxguma nango̱xetügu. Rü ngãxãcü nanaxuegu i poxcu.

Ore i mexü̃ ga Luca ümatüxü̃ 21:8

Rü Ngechuchu rü ñanagürü: —¡Pexũãxẽgü nax taxuxü̃táma pexü̃ womüxẽẽxü̃ca̱x! Erü muxũchixü̃ tá chauégagu ínangugü rü ñanagürügü tá: “Choma nixĩ i Cristu, rü paxa tá nagu̱x i naane”, ñanagürügü tá. ¡Natürü taxũtáma nüxü̃́ peyaxõgü!

Filipenses 4:6

¡Rü taxuca̱xma penaxĩ̱xãchiãẽgü! ¡Rü perü yumüxẽwa Tupanamaxã nüxü̃ pixu i guxü̃ma i ngẽma pexü̃ ngupetüxü̃! ¡Rü naxca̱x ípeca rü moxẽ nüxna pexã!

Ore i mexü̃ ga Luca ümatüxü̃ 10:41

Natürü Ngechuchu rü ngĩxü̃ nangãxü̃, rü ñanagürü ngĩxü̃: —Pa Mártax, Pa Mártax, cuma rü poraãcü curü puracügu curüxĩnü, rü naxca̱x cuxoegaãxẽ.

Ore i mexü̃ ga Luca ümatüxü̃ 8:14

Rü gumá triguchire ga tuxunecügu yixü̃ne, rü ngẽma nixĩ i duü̃xü̃gü i Tupanaarü orexü̃ ĩnüexü̃ rü yaxõgüxü̃. Natürü norü ngẽmaxü̃güca̱x naxoegaãẽgü, rü norü diẽruguama narüxĩnüe rü tama nüxü̃ narüxoechaü̃ i ñoma i naanearü ngúchaü̃gü. Rü ngẽmagagu düxwa taxuxü̃ma Tupanaca̱x naxü.

Ore i mexü̃ ga Márcu ümatüxü̃ 13:9

¡Rü mea pegüna pedaugü! Erü ãẽ̱xgacügüpe̱xewa tá pexü̃ nagagü, rü ngutaque̱xepataü̃gügu tá pexü̃ nicua̱i̱xgü. Rü nachixü̃anegüarü ãẽ̱xgacügüpe̱xewa tá pexü̃ nagagü naxca̱x nax chorü duü̃xü̃gü pixĩgüxü̃. Natürü ngẽmaãcü tá pexü̃́ natauxcha nax ngẽma ãẽ̱xgacügümaxã nüxü̃ pixuxü̃ i chauchiga.

Ucu̱xẽgüchiga 21:4

Nangexma i tomaepü̱x i nacümagü ya Tupana tama namaxã taãẽxü̃: Ngẽma nixĩ nax yigü icua̱xüü̃xü̃, rü yigü ixuxü̃ nax togüarü yexera cua̱x tüxü̃́ ngẽxmaxü̃, rü chixexü̃gu imaxẽxü̃.

Popera ga Yudíugü ga yaxõgüxü̃ca̱x ümatüxü̃ 12:15

¡Rü pegüna pedaugü nax taxúema nüxü̃ oxü̃ca̱x i ngẽma ngü̃xẽxẽ ya Tupana norü ngechaü̃maxã pexna ãxü̃! Erü tama tanaxwa̱xe nax texé petanüwa guxchaxü̃ íngu̱xẽẽxü̃ nax ngẽmaãcü ñoma wüxi i nanetü i chixexü̃rüxü̃ toguxexü̃ tachixexẽẽxü̃ nax Cristuna tixũgachixü̃ca̱x.

Wiyaegü 35:8

¡Rü ẽcü ngürüãchi guxchaxü̃gu nayi̱xixẽxẽ nax ngẽma nümatama namexẽẽgüxü̃ i ãxmaxü̃gu nayi̱xixü̃ca̱x rü ngẽmaãcü nagu yanachixexü̃ca̱x!

1 Chamué 25:36

Rü yexguma ngĩma ga Abigái nataeguxgu rü nüxü̃ iyangau ga gumá ngĩte ga Nabáx ga napatawa peta ixücu. Rü taxü̃ ga õna ínaxü ñoma wüxi i ãẽ̱xgacü i réica̱x üxü̃rüxü̃. Rü nüma rü nataãxẽ rü poraãcü nangãxü̃. Rü yemaca̱x ga ngĩma rü taxuxü̃ma namaxã iyaxu ñu̱xmata moxü̃ãcüama.

Wenaxarü naxümatü ga Tupanaarü mugü 29:19

Rü nawena nax marü nüxü̃ pexĩnüexü̃ i ñaa unetaarü dexa, rü ngẽxguma chi ngexerüxe i petanüwa rü nüxü̃ ixuxgu nax taxuxü̃ma i chixexü̃ naxüxü̃ rü ñaxü̃gu naxĩnügu: “Rü guxü̃ma i ta̱xacü i chaxüxü̃wa rü mea tá choxü̃́ ínanguxuchi woo ngẽma choma chanaxwa̱xexü̃ chaxümaregu”, ñaxü̃gu naxĩnügu, rü nagagu tá nixĩ i Cori ya Tupana poxcu naxca̱x ínguxẽẽxü̃ i guxü̃ma i Iraétanüxü̃.

Norü taxre ga popera ga Pedru ümatüxü̃ 3:10

Natürü ngẽma ngunexü̃ i tórü Cori nagu ínguxü̃, rü ngürüãchimare tá ínangu ñoma wüxi i ngĩ́ta̱xaxü̃ ínguxü̃rüxü̃. Rü ñu̱xũchi guxü̃ma i ta̱xacü i daxũguxü̃ i naanewa ngẽxmagüxü̃ rü tá tagaãcü niwã̱ĩ̱xgü rü ngẽmaãcü tá üxüwa inayarütauxe. Rü yimá üa̱xcü rü tauemacü rü ẽxtagü rü woramacurigü rü tá nixae rü ngẽxma tá nayarüxogü. Rü ngẽxgumarüxü̃ ta i ñoma i naane rü tá nixa namaxã i guxü̃ma i ta̱xacü i nawa ngẽxmagüxü̃.

Ucu̱xẽgüchiga 23:20

¡Taxṹ i namaxã cuxãmücüxü̃ i ngẽma ngãxwa̱xegüxü̃ rü ngẽma taanügüxü̃ i taxü̃ i namachi ngõ̱xgüxü̃!

Ngu̱xẽẽtaeruü̃arü ore 9:12

Rü yixema rü taxúema nüxü̃ tacua̱x nax ta̱xacü tá ngürüãchi tüxü̃ ngupetüxü̃, ñoma choxnigü i püxchagu chogüxü̃rüxü̃, rü ñoma werigü i yütagügu chogüxü̃rüxü̃. Rü ngẽxgumarüxü̃ ta ya yimá yatü rü tama nüxü̃ nacua̱x i ñuxgu tá ngürüãchi chixexü̃gu nangu̱x.

Ore i mexü̃ ga Luca ümatüxü̃ 21:35

Rü ñoma wüxi ya yüta ya ngürüãchi ta̱xacü iyaxúnerüxü̃ tá nixĩ naxca̱x i guxü̃ma i duü̃xü̃gü i ñoma i naanecüã̱x i ngẽxguma wenaxarü núma chaxũxgu.

Naanearü ügüchiga 19:35

Rü yema chütaxü̃gu rü wenaxarü nanatüxü̃ bínumaxã nangãxẽẽgü. Rü yema rübumaecü rü ngĩxí ngĩnatümaxã ipe. Natürü ga ngĩnatü rü tama nüxü̃ nacua̱x nax ñuxguacü yixĩxü̃ ga yema naxacü namaxã ipexü̃, rü tama nüxü̃ nacua̱x ga yexguma pewa ínadaxgu.

Naanearü ügüchiga 27:14

Rü yexguma ga Acóbu rü nawa naxũ ga yema cabraxacügü rü naéca̱x yéma nanagagü. Rü ngĩma ga naé rü inamexẽxẽ ga õna ga idexechitanüxü̃ ga Ichaáa̱xwa chíxü̃.