Ore i mexü̃ ga Luca ümatüxü̃ 21:18 - Tupanaarü Ore

¹⁸ Natürü woo ta̱xacü pexü̃ üpetügu rü Tupaname̱xẽwa tá pengẽxmagü, rü nüma tá pexü̃ ínapoxü̃ rü bai i wüxi i peyae tá inayarütaxu.

Ore i mexü̃ ga Luca ümatüxü̃ 21:18 Referans Kwoze

Ore i mexü̃ ga Matéu ümatüxü̃ 10:30

Rü woo i peyae rü Tupana nayaxugü i wüxichigü, rü nüxü̃ nacua̱x nax ñuxre ngẽxmaxü̃.

1 Chamué 14:45

Natürü nüma ga Iraétanüxü̃ ga duü̃xü̃gü rü Chaúxü̃ nangãxü̃gü rü ñanagürügü: —¿Ta̱xacüca̱x chixarü i Yonatáü̃ i nayuxü̃ erü nüma nixĩ i tórü uanüxü̃ tüxü̃ naporamaexẽẽxü̃? ¡Taxũtáma ngẽmaãcü nixĩ! Rü Cori ya Tupanaégagu cumaxã nüxü̃ tixu rü taxuxü̃táma i wüxi i nayae waixü̃mügu nangu, rü bai i wüxi i nayae i naeruwa ngẽxmaxü̃. Rü ngẽma ñu̱xma naxüxü̃, rü Cori ya Tupanaarü ngü̃xẽẽmaxã nixĩ i naxüaxü̃ —ñanagürügü. Rü yemaacü ga duü̃xü̃gü rü yuwa Yonatáü̃xü̃ ínapoxü̃gü.

Ngechuchuarü ngúexü̃gü ga yamugüxü̃arü puracüchiga 27:34

Rü ñu̱xma rü pemaxã nüxü̃ chixu nax pechibüexü̃ nax peporaexü̃ca̱x, rü taxuxü̃ma pexü̃ üpetüxü̃ca̱x. Erü taxúetama itayarütaxu rü bai i wüxi i peyaexüra inayarütaxu —ñanagürü.

Ore i mexü̃ ga Luca ümatüxü̃ 12:7

Rü woo i peyaegü rü Tupana nüxü̃ nacua̱x nax ñuxre i peyae ngẽxmaxü̃. Rü ngẽmaca̱x, ¡taxṹ i pexoegaãẽgüxü̃! Erü pema rü muxü̃ma i weriacügüarü yexeraxüchi pexü̃ nangechaü̃ ya Tupana.

2 Chamué 14:11

Natürü ga ngĩma rü nüxna iyacachigüama rü ngĩgürügü: —Cuxna naxca̱x chaca, Pa Ãẽ̱xgacüx, nax curü Cori ya Tupanana cucaxü̃ nax tama chaunexü̃ yamáxü̃ i ngẽma chautanüxü̃ i naxütanüchaü̃xü̃ ya yimá chaune ya yucü. Erü ngẽxguma yamáagu ya yimá nai ya chaune rü tá nayexera i ngẽma guxchaxü̃ —ngĩgürügü. Rü nüma ga ãẽ̱xgacü rü aixcüma ngĩmaxã nüxü̃ nixu rü ñanagürü: —Cori ya Tupanape̱xewa cumaxã nüxü̃ chixu rü bai tá i wüxi i nayae i waixü̃mügu nguxü̃ ya yima cune —ñanagürü.

1 Chamué 25:29

Rü ngẽxguma curü uanü cuwe ingẽchigügu rü cuxü̃ yamáxchaü̃gu rü Cori ya Tupana tá cuxna nadau nax taxuxü̃táma cuxü̃ üpetüxü̃. Rü ngẽma curü uanügü rü Tupana tá yea nanawogü ñoma wüxi i nutaxacü i wüxi i maxgütaeruü̃maxã yea imaxü̃xü̃rüxü̃.

Ore i mexü̃ ga Luca ümatüxü̃ 21:17

Rü guxü̃ i naanewa rü duü̃xü̃gü tá pexchi naxaie nagagu nax chorü duü̃xü̃gü pixĩgüxü̃.