Ore i mexü̃ ga Luca ümatüxü̃ 21:17 - Tupanaarü Ore

¹⁷ Rü guxü̃ i naanewa rü duü̃xü̃gü tá pexchi naxaie nagagu nax chorü duü̃xü̃gü pixĩgüxü̃.

Ore i mexü̃ ga Luca ümatüxü̃ 21:17 Referans Kwoze

Ore i mexü̃ ga Cuáü̃ ümatüxü̃ 15:19

Rü ngẽxguma chi ñoma i naanecüã̱x i duü̃xü̃gürüxü̃ pixĩgügu, rü ñoma i naanecüã̱x i duü̃xü̃gü rü chi pexü̃ nangechaü̃gü ngẽma natanüxü̃xü̃ nax nangechaü̃güxü̃rüxü̃. Natürü choma nixĩ ga pexca̱x chadauxü̃ natanüwa ga ñoma ga naanecüã̱x ga duü̃xü̃gü. Rü ngẽmaca̱x nixĩ i pexchi naxaiexü̃, erü marü tama naxrüxü̃ pixĩgü.

Ore i mexü̃ ga Luca ümatüxü̃ 6:22

¡Rü petaãxẽgü i pemax i ngẽxguma duü̃xü̃gü pexchi aiegu, rü pexü̃ ínawoxü̃gu, rü chixexü̃ pemaxã yaxugüegu, rü Tupana Nane ya duü̃xü̃xü̃ ixĩcügagu chixri pechiga yadexagügu!

2 Corintios 12:10

Rü ngẽma nax Cristuxü̃ nax changechaü̃xü̃gagu nixĩ i yáxna namaxã chaxĩnüxü̃ ega woo chaturagu rü woo ta̱xacü chomaxã yaxugüegu i duü̃xü̃gü. Rü woo choxü̃́ nataxuxgu i chorü ngẽmaxü̃gü, rü woo duü̃xü̃gü rü chowe yangexü̃tanügu, rü woo guxchaxü̃gü choxü̃́ ngẽxmagu rü Cristuca̱x rü yáxna namaxã chaxĩnü i guxü̃ma i ngẽma. Erü ngẽxguma chaturagu, rü ngẽxguma nixĩ i yexeraãcü Cristu choxü̃ poraxẽẽxü̃.

Ore i mexü̃ ga Cuáü̃ ümatüxü̃ 15:21

Rü ngẽmaãcü ta chaugagu pexchi naxaie i ñoma i naanecüã̱x i duü̃xü̃gü erü tama nüxü̃ nacua̱xgü ya Chaunatü ga núma choxü̃ mucü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:3

Rü woo guxchaxü̃gü cuxca̱x ínguxgu, natürü cunaxüama i ngẽma puracü i cha̱u̱xca̱x cuxüxü̃. Rü woo chaugagu ngúxü̃ quinge, natürü yáxna namaxã cuxĩnü, rü tama nüxü̃ curüchau.

Filipenses 1:29

Rü ñu̱xma nax Tupana pexü̃ natauxchaxẽẽxü̃ nax Cristuaxü̃́ peyaxõgüxü̃, rü ngẽxgumarüxü̃ tá ta pexna nanaxã i pora nax Cristuca̱x ngúxü̃ pingegüxü̃.

2 Corintios 4:11

Rü ñu̱xma nax tamaxẽxü̃, rü guxü̃ i ngunexü̃gu rü Ngechuchugagu yuwa tangexmagü. Natürü ngẽmaãcü toxü̃ naxüpetü nax Ngechuchu inawéxü̃ca̱x i norü maxü̃ nawa i ñaa toxone i yuxwa̱xexü̃.

Ore i mexü̃ ga Cuáü̃ ümatüxü̃ 17:14

Choma rü marü namaxã nüxü̃ chixu i curü ore. Natürü ñoma i naanecüã̱x i duü̃xü̃gü rü naxchi naxaie, erü tama naxrüxü̃ nixĩgü, ngẽxgumarüxü̃ i choma rü tama ñoma i naanecüã̱xrüxü̃ chixĩ.

Ore i mexü̃ ga Márcu ümatüxü̃ 13:13

Rü guxü̃ i duü̃xü̃gü tá pexchi naxaie naxca̱x nax chorü duü̃xü̃gü pixĩgüxü̃. Natürü yíxema ngẽmaétüwa mea Tupanaaxü̃́ yaxõõmáxẽ, rü yíxema tá tixĩ ya aixcüma nayaxúxe i maxü̃ i taguma gúxü̃.

Ore i mexü̃ ga Matéu ümatüxü̃ 24:9

Rü ngẽxguma i perü uanügü rü tá pexü̃ ínayauxü̃ nax pexü̃ yacua̱i̱xgüxü̃ca̱x rü pexü̃ nada̱i̱xü̃ca̱x. Rü guxü̃ma i duü̃xü̃gü rü tá chaugagu pexchi naxaie.

Ore i mexü̃ ga Matéu ümatüxü̃ 10:22

Rü chaugagu tá guxü̃ i duü̃xü̃gü pexchi naxaie. Natürü yíxema aixcüma yaxṍxe rü tama choxü̃ ítáxe, rü yíxema tá tixĩ ya nayaxúxe i maxü̃ i taguma gúxü̃.

Nüxíraxü̃xü̃ ga popera ga Pedru ümatüxü̃ 4:14

Rü ngẽxguma Cristuaxü̃́ nax peyaxõgüxü̃gagu texé pemaxã guxchigagu, rü name nixĩ i petaãẽgü. Erü ngẽmaãcü nüxü̃ pecua̱x nax Tupanaãxẽ ya Üünecü rü pewa nax nangẽxmaxü̃.

Ngechuchuarü ngúexü̃gü ga yamugüxü̃arü puracüchiga 9:16

Rü choma tá nüxü̃ nüxü̃ chadauxẽxẽ i ñuxre i ngúxü̃ tá cha̱u̱xca̱x yangexü̃ —ñanagürü ga Cori.

Ore i mexü̃ ga Cuáü̃ ümatüxü̃ 7:7

Ngẽma duü̃xü̃gü i ñoma i naanecüã̱x rü tama pexchi naxaie. Natürü chauxchi naxaie erü chanango̱xẽxẽ nax nachixexü̃ i ngẽma naxügüxü̃.

Ore i mexü̃ ga Matéu ümatüxü̃ 5:11

¡Petaãẽgü ngẽxguma chaugagu duü̃xü̃gü chixexü̃ pemaxã ixugüegu, rü chixri pemaxã inacua̱xgügu, rü guxü̃raxü̃xü̃ i dora pechigaxü̃ yaxugüegu!

2 Corintios 4:5

Rü toma rü tama tochigaxü̃tama nixĩ i tixugüxü̃. Natürü nüxü̃ tixu nax Ngechuchu ya Cristu rü tórü Cori yixĩxü̃, rü toma rü Ngechuchugagu perü ngü̃xẽẽruü̃gümare tixĩgüxü̃.

Ore i mexü̃ ga Luca ümatüxü̃ 21:16

Natürü i pema rü woo penatügü, rü peégü, rü peenexẽgü, rü peeya̱xgü, rü petanüxü̃, rü pemücügü rü tá napeechitaegü nax ãẽ̱xgacügüxü̃tawa pexü̃ íyaxuaxü̃güxü̃. Rü ñuxre i pemax rü tá pexü̃ nadai.

Ore i mexü̃ ga Luca ümatüxü̃ 21:18

Natürü woo ta̱xacü pexü̃ üpetügu rü Tupaname̱xẽwa tá pengẽxmagü, rü nüma tá pexü̃ ínapoxü̃ rü bai i wüxi i peyae tá inayarütaxu.