Ore i mexü̃ ga Luca ümatüxü̃ 20:7 - Tupanaarü Ore

⁷ Rü Ngechuchuxü̃ nangãxü̃gü rü ñanagürügü: —Tama nüxü̃ tacua̱x nax texé núma namuxü̃ ga Cuáü̃ ga baiü̃ẽẽruxü̃ —ñanagürügü.

Ore i mexü̃ ga Luca ümatüxü̃ 20:7 Referans Kwoze

Norü taxre ga popera ga Pedru ümatüxü̃ 3:3

Natürü guxü̃arü yexera chanaxwa̱xe i nagu perüxĩnüe i ñaa ore i pemaxã tá nüxü̃ chixuxü̃. Rü ngẽxguma nagúxchaü̃gu i ñoma i naane, rü tá ínangugü i duü̃xü̃gü i nagu ĩxü̃ i naxü̃nearü ngúchaü̃gü. Rü nümagü rü tá nacugüeãcüma ñanagürügü: “Dücax, Cristu inaxuneta nax wena núma naxũxü̃. ¿Rü ta̱xacü namaxã nangupetü i ñu̱xma nax tama ínanguxü̃? Rü marü düxwa nayue ga tanatügü, natürü noxri naane üxgumama rü nanaxairügumaraü̃echa i guxü̃ma”, ñanagürügü tá.

Ore i mexü̃ ga Cuáü̃ ümatüxü̃ 9:39

Rü yexguma ga Ngechuchu rü ñanagürü: —Ñoma i naanewa chaxũ nax chayadexechixü̃ca̱x i chorü duü̃xü̃gü nüxna i ngẽma tama choxrü ixĩgüxü̃. Rü nua chaxũ nax ngẽma ngexetügüxü̃ nayadauuchigüxü̃ rü ngẽma idauuchixetügüxü̃ rü ngexetügüxü̃rüxü̃ nax yixĩgüxü̃ —ñanagürü.

Chacaría 11:17

¡Rü nügümaxã nangechaü̃ i ngẽma carnéruarü dauruxü̃ i tama mea norü carnérugüna dauxü̃ rü tüxü̃ ngéma wogümarexü̃! Rü norü poxcu tá nixĩ nax tara i taxrewa ãmaguxü̃maxã nacachacüüxü̃ rü nacaxetüxü̃ i norü tügünexetüwa! Rü tá ninachacüxü rü norü tügünexetüwa rü tá nangexetü. ¡Rü ngẽmaãcü ya nachacüxü rü tá nipamare rü tá nangexetü i norü tügünexetüwa! —ñanagürü.

Chacaría 11:15

Rü Cori rü choxü̃ ñanagürü: —¡Ñu̱xma rü yema carnérugüarü dauruxü̃ ga tama mea norü carnérugüna dauxü̃ãcü cugü ixĩxẽxẽ.

Ichaía 44:18

Rü ngẽma duü̃xü̃gü i ngẽma ügüxü̃ rü tama naãẽxü̃ nicua̱x. Rü ñoma yangexetüxü̃rüxü̃ nixĩgü. Rü ñoma nawãxtaxü̃rüxü̃ nixĩ i norü cua̱x erü tama Cori ya Tupanaga naxĩnüechaü̃.

Ichaía 41:28

Rü ichadawenü rü taxuxü̃ma rü aixcüma tupanagü nixĩ, rü taxuxü̃ma ga ucu̱xẽ ixãxü̃xü̃ chadau. Rü taxuxü̃ma choxü̃ nangãxü̃ ga yema naxca̱x íchaca̱xaxü̃.

Ichaía 29:14

Rü ngẽmaca̱x i choma rü taxü̃ i cua̱xruü̃gü i chorü poramaxã chaxüxü̃ tá ñaa duü̃xü̃güxü̃ ichawe̱x nax ngẽmamaxã íchanaba̱i̱xgüexü̃ca̱x. Rü ngẽma norü ucu̱xẽruü̃gü i cua̱x nüxü̃́ ngẽxmagüxü̃ rü tá nüxü̃́ inarüxomare i norü cua̱x —ñanagürü ya Tupana.

Ichaía 26:11

Rü cumax, Pa Corix, rü marü naxca̱x icunamexẽxẽ i ngẽma norü poxcu, natürü i nümagü rü tama nüxü̃ nacua̱xgüéga. Natürü ngẽxguma nüxü̃ nadaugügu i ngẽma curü ngechaü̃ i taxü̃ naxca̱x i curü duü̃xü̃gü i mea maxẽxü̃, rü tá naxãnee. ¡Chierüx cuma rü curü nuarü üxüemamaxã cunadaixgu i ngẽma curü uanügü!

Ore i mexü̃ ga Luca ümatüxü̃ 20:6

Rü ngẽxguma chi ñagügu: “Yatügümare nua nanamu”, ñagügu, rü nüma i duü̃xü̃gü chi nutamaxã tüxü̃ ínamuxũchigü rü tüxü̃ chi nadai. Erü guxü̃ma i duü̃xü̃gü rü nüxü̃ nacua̱xgü nax Tupana yixĩxü̃ ga Cuáü̃xü̃ mucü —ñanagürügü

Ore i mexü̃ ga Luca ümatüxü̃ 20:8

Rü yexguma ga Ngechuchu rü ñanagürü nüxü̃: —Choma rü ta taxũtáma pemaxã nüxü̃ chixu nax texé choxü̃ muxü̃ nax chanaxüxü̃ca̱x i ngẽma choxna naxca̱x pecaxü̃ —ñanagürü.