Ore i mexü̃ ga Luca ümatüxü̃ 20:41 - Tupanaarü Ore

⁴¹ Rü Ngechuchu rü duü̃xü̃güna naca rü ñanagürü nüxü̃: —¿Tü̱xcüü̃ duü̃xü̃gü nüxü̃ nixugüe rü Cristu rü nũxcümaü̃cü ga ãẽ̱xgacü ga Dabítaxa nixĩ?

Ore i mexü̃ ga Luca ümatüxü̃ 20:41 Referans Kwoze

Ore i mexü̃ ga Matéu ümatüxü̃ 1:1

Ñaa nixĩ ga yema nũxcümaü̃güxü̃ ga duü̃xü̃gü ga Ngechuchu ya Cristu natanüwa ngóxü̃. Rü yematanüwa rü Dabí nixĩ ga wüxi, rü Abraáü̃ nixĩ ga to.

Ngechuchuarü ngúexü̃gü ga yamugüxü̃arü puracüchiga 2:30

Natürü nüma ga Dabí rü wüxi ga Tupanaarü orearü uruxü̃ nixĩ. Rü yemaca̱x nüxü̃ nacua̱x rü wüxi ga nataxa tá nixĩ i ãẽ̱xgacü ya Cristuxü̃ ingucuchicü, yerü ga Tupana rü yemaacü namaxã inaxuneta.

Ore i mexü̃ ga Cuáü̃ ümatüxü̃ 7:42

Erü Tupanaarü ore i ümatüxü̃wa rü ñanagürü: “Cristu rü tá Dabítaxa nixĩ, rü tá nango̱x nawa ya yima ĩane ya Beréü̃ ga Dabí íbuxü̃wa”, —ñanagürügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:16

Rü choma ya Ngechuchu, rü chanamu i chorü orearü ngeruxü̃ nax guxü̃ma i ngẽma yaxõgüxü̃tücumümaxã nüxü̃ yaxuxü̃ca̱x i ngẽma chorü ore. Rü choma nixĩ i ãẽ̱xgacü ga Dabítaxa chixĩxü̃. Rü choma nixĩ ya yimá woramacuri ya pa̱xmama poraãcü nangóonexẽẽcürüxü̃ chixĩxü̃”, ñanagürü.

Yeremía 33:21

Rü ngẽxgumarüxü̃ ta taxucürüwa texé tayanaxoxẽxẽ ga yema chorü uneta ga chorü duü̃ ga Dabímaxã nüxü̃ chixuxü̃ nax guxü̃gutáma wüxi i nataxa tá nixĩ i Iraéanearü ãẽ̱xgacü yixĩxü̃. Rü ngẽxgumarüxü̃ ta taxucürüwa texé tayanaxoxẽxẽ ga yema chorü uneta nax guxü̃gutáma Lebítaagü tá nixĩ i chorü chacherdótegü ixĩgüxü̃.

Ore i mexü̃ ga Matéu ümatüxü̃ 9:27

Rü yexguma yéma ínaxũũxgu ga Ngechuchu, rü taxre ga ngexetüxü̃ nawe narüxĩ. Rü tagaãcü ñanagürügü: —Pa Ngechuchux, Pa Dabítanüxü̃x, ¡cuxü̃́ tangechaü̃tümüxü̃gü! —ñanagürügü.