Ore i mexü̃ ga Luca ümatüxü̃ 20:36 - Tupanaarü Ore

³⁶ Erü ngéma rü tagutáma nayue. Rü daxũcüã̱x i Tupanaarü orearü ngeruü̃gürüxü̃ tá nixĩgü. Rü aixcüma Tupanaxacügü tá nixĩgü erü yuwa ínarüdagü.

Ore i mexü̃ ga Luca ümatüxü̃ 20:36 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 21:4

Rü nüma tá ínanapi i naxgüü̃xẽtü i guxü̃ma i ngẽma duü̃xü̃gü. Rü marü taxũtáma texé tayu, rü taxũtáma texé tümaarü ngechaü̃maxã taxaxu, rü taxũtáma texé ngúxü̃ tingegü. Erü guxü̃ma ga yema noxri yexmaxü̃ rü marü inayarüxo”, ñanagürü.

Filipenses 3:21

Rü ñaa taxü̃ne i yuxwa̱xexü̃ rü nüma ya Cristu tá nanaxüchicüxü nax naxü̃ne i üünexü̃rüxü̃ yixĩxü̃ca̱x. Rü ngẽma norü pora i namaxã guxü̃étüwa nangẽxmaxü̃maxã tá nixĩ i naxüchicüüãxü̃ i ngẽma taxü̃ne nax noxrürüxü̃ yixĩxü̃ca̱x.

Ore i mexü̃ ga Matéu ümatüxü̃ 22:30

Rü ngẽxguma yuexü̃wena maxẽgu rü taxúetama tixãxma̱xgü rüe̱xna tixãtegü. Erü daxũcüã̱x i Tupanaarü orearü ngeruü̃gürüxü̃ tá tixĩgü i ngẽxguma.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:6

Rü tataãẽgü ya yíxema tüxíra írüdagüxe erü Tupanaarü duü̃xü̃gü tixĩgü. Rü ngẽma Tupanaarü poxcu rü marü taxũtáma tümaca̱x nixĩ. Rü tá Tupanaarü rü Cristuarü ngü̃xẽẽruü̃gü i chacherdótegü tixĩgü. Rü 1,000 ya taunecü tá Cristumaxã ãẽ̱xgacügü tixĩgü.

1 Corintios 15:42

Rü ngẽxgumarüxü̃ tá ta naxüpetü namaxã i naxü̃negü i ngẽma duü̃xü̃gü i yuexü̃. Erü ngẽma naxü̃ne i noxri nüxü̃́ ngẽxmaxü̃ rü iyarüxoxwa̱xexü̃ nixĩ. Natürü ngẽma naxü̃ne i tá nüxü̃́ ngẽxmaxü̃ i ngẽxguma wena namaxẽgu, rü ngẽma rü tagutáma inayarüxo.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:9

Natürü ga nüma rü ñanagürü choxü̃: “¡Taxṹ i ngẽma cuxüxü̃! Erü choma rü ta Tupanaarü duü̃xü̃ chixĩ, ngẽxgumarüxü̃ i cuma rü cuenexẽgü i Tupanaarü orexü̃ ixugüxü̃ rü guxü̃ma i ngẽma duü̃xü̃gü i naga ĩnüexü̃ i ngẽma ore i ñaa poperagu ümatüxü̃. Rü name nixĩ i Tupanaxü̃ quicua̱xüxü̃”, ñanagürü.

1 Corintios 15:26

Rü ngẽma nawa iyacuáxü̃ i norü uanü i tá nüxü̃ naporamaexü̃, rü yu nixĩ.

Ore i mexü̃ ga Márcu ümatüxü̃ 12:25

Rü ngẽxguma yuexü̃ wena maxẽgu, rü taxúetama tixãxma̱xgü rüe̱xna tixãtegü. Erü daxũcüã̱x i Tupanaarü orearü ngeruü̃gürüxü̃ tá tixĩgü i ngẽxguma.

1 Corintios 15:49

Rü ngẽxgumarüxü̃ nax Adáü̃ ga waixü̃müwa ücürüxü̃ nax yixĩxü̃ i taxü̃ne, rü ngẽxgumarüxü̃ tá ta Cristu ya daxũwa ngẽxmacürüxü̃ nixĩ i taxü̃ne i yixcüra.

Chacaría 3:7

—Cori ya Tupana ya Guxãétüwa Ngẽxmacü rü ñanagürü cuxü̃: “¡Chaucümagu ixũ rü yanguxẽxẽ i guxü̃ma i ngẽma cumaxã nüxü̃ chixuxü̃! Rü ngẽxguma ngẽmaãcü cunaxü̱xgu, rü cuxme̱xgu tá chanaxǘ ya chopata ya taxü̃ne rü naa̱xtü nax nüxna cudauxü̃ca̱x. Rü tá cuxna chanaxã i cuchica i natanüwa i ñaa chorü duü̃xü̃gü i daxũcüã̱x i choxü̃́ puracüexü̃.

Ochéa 13:14

¿Rü pema nagu perüxĩnüegu nax pexmaxü̃wa tá pexü̃ íchanguxü̃xẽxẽxü̃? ¿Rü pema nagu perüxĩnüegu nax yuwa tá pexü̃ íchanguxü̃xẽxẽxü̃? ¿Rü cumax, Pa Yux, rü ngexü̃ nixĩ i curü pora? ¿Rü cumax, Pa Naxmaxü̃x, rü ngexü̃ nixĩ i curü pora? Rü ñu̱xmax i choma rü marü taxũtáma choxü̃́ nangechaü̃tümüxü̃gü i ñaa duü̃xü̃gü.

Ichaía 25:8

Rü nüma ya Cori ya Tupana rü noxtacüma tá inayanaxoxẽxẽ i ngẽma yu, rü tá guxẽxü̃tama ínapixetü. Rü ñu̱xũchi guxü̃ i naanewa tá inayaxoxẽxẽ i ngẽma ãne i ñu̱xma norü duü̃xü̃gü ingegüxü̃. Rü nüma ya Cori ya Tupana nixĩ i ngẽma ñacü.

Romanos 8:16

Rü ngẽmatama Naãxẽ ya Üünexü̃ nixĩ i aixcüma taãxẽwa tüxü̃ nüxü̃ cua̱xẽẽxü̃ nax Tupanaxacügü ixĩgüxü̃.