Ore i mexü̃ ga Luca ümatüxü̃ 20:28 - Tupanaarü Ore

²⁸ —Pa Ngúexẽxẽruxü̃, Moichéarü mugüwa rü ñanagürü: “Ngẽxguma wüxi ya yatü naxma̱x ngexacüyane nayu̱xgu, rü name nixĩ i naenexẽtama ngĩmaxã naxãxma̱x i ngẽma yutecü i naxüma̱x, nax ngẽmaãcü naxãxacüxü̃ca̱x nüxü̃́ ya naenexẽ ya marü yucü”, —ñanagürü i ngẽma ore.

Ore i mexü̃ ga Luca ümatüxü̃ 20:28 Referans Kwoze

Naanearü ügüchiga 38:8

Rü yemaca̱x ga Yudá rü nane ga Onáü̃xü̃ ñanagürü: —¡Cuenexẽ ya yucü naxma̱xmaxã naxãxma̱x nax ngẽmaãcü cugagu naxãtaxaxü̃ca̱x ya cuenexẽ ya yucü! —ñanagürü.

Naanearü ügüchiga 38:26

Rü yexguma nüxü̃ nada̱u̱xgu ga Yudá nax noxrü yixĩxü̃ ga yema yemaxü̃gü rü ñanagürü: —Ñaa ngecü rü mexü̃ ixü. Rü chomawaxi nixĩ i chixexü̃ ngĩmaxã chaxüxü̃, erü tama chaune ya Cherámaxã ngĩxü̃ chaxüte —ñanagürü. Rü yemawena ga Yudá rü taguma wenaxarü ngĩmaxã ínape.

Naanearü ügüchiga 38:11

Rü yexguma ga Yudá, rü naneã̱x ga Tamáramaxã ñanagürü: —Pa Ngecü Iyutecüx, ¡rü cunatüpatawa naxũ, rü ngéma nangexma ñu̱xmatáta naya ya chaune ya Cherá! —ñanagürü. Yerü nüma ga Yudá rü nagu narüxĩnü ga nane ga Cherá rü tá ta nayuxü̃ naenexẽgürüxü̃. Rü yemaacü ga Tamára, rü ngĩnatüpataca̱x itaegu rü yéma iyexma.

Ore i mexü̃ ga Luca ümatüxü̃ 20:29

Rü ñanagürügü ta ga Chaduchéugü: —Nayexma ga 7 ga nügüenexẽ. Rü naxãxma̱x ga gumá yacü, natürü tauta naxãxacüyane nayu.