Ore i mexü̃ ga Luca ümatüxü̃ 20:22 - Tupanaarü Ore

²² Rü dücax, ngẽma diẽru i ãẽ̱xgacü ya Rómacüã̱x naxwa̱xexü̃ nax tanaxütanüxü̃, ¿rü namexü̃ yixĩxü̃ nax nüxü̃́ tanaxütanüxü̃ rü ẽ̱xna tama? —ñanagürügü.

Ore i mexü̃ ga Luca ümatüxü̃ 20:22 Referans Kwoze

Neemía 9:37

Rü guxãma i tomax, rü torü wocagü, rü tonetügü rü ñu̱xma rü torü chixexü̃gügagu torü uanügü i ãẽ̱xgacügüme̱xẽwa tangexmagü, rü nüma nanaxwa̱xexü̃ãcü tomaxã inacua̱x. Rü ngẽmaca̱x i ñu̱xma rü poraãcü tanaxĩ̱xãchiãẽtanü —ñanagürü ga Édra norü yumüxẽwa.

Ngechuchuarü ngúexü̃gü ga yamugüxü̃arü puracüchiga 5:37

Rü yixcüra yexguma tachiü̃anearü ãẽ̱xgacü duü̃xü̃güxü̃ ixugügu, rü Yúda ga Gariréaanecüã̱x rü ãẽ̱xgacüxü̃ nügü ningucuchixẽẽchaü̃. Rü duü̃xü̃güxü̃ nixucu̱xẽgü, rü nümaxü̃ ga duü̃xü̃gü rü nawe narüxĩ. Natürü yemaxü̃ rü ta nima̱xgü rü nayu. Rü guxü̃ma ga yema nawe rüxĩxü̃ rü nangĩãchi.

Ore i mexü̃ ga Matéu ümatüxü̃ 17:25

Rü Pedru nanangãxü̃, rü ñanagürü: —Ngẽmáacü nanaxütanü —ñanagürü. Rü yixcama ga yexguma ĩxgu naxücu̱xgu ga Pedru, rü Ngechuchuxíra Pedrumaxã nidexa, rü ñanagürü nüxü̃: —¿Ñuxũ ñacuxü̃ i cumax, Pa Chimóü̃x, rü ngextá nixĩ i nayauxgüãxü̃ i norü diẽru i guxü̃ i nachixü̃anegüarü ãẽ̱xgacügü? ¿Cuxca̱x i nügütanüwatama rü ẽ̱xna togü i duü̃xü̃gütanüwa? —ñanagürü.

Neemía 5:4

Rü nayexma ga duü̃xü̃gü ga nüxü̃ ixugüexü̃ nax taxucürüwa naxütanügüãxü̃ ga yema diẽru ga ãẽ̱xgacü ngĩgu unetacü nax guxü̃ma ga duü̃xü̃gü ngĩxü̃ ixãgüxü̃ca̱x. Rü yemaca̱x düxwa norü naanegüégagu rü norü úbanecügüégagu natanüxü̃na diẽruca̱x nacagüe nax yema diẽrumaxã naxütanügüãxü̃ca̱x ga yema diẽru ga ãẽ̱xgacü ngĩgu unetacü.

Édra 9:7

Rü nũxcümacürüwa ga torü o̱xigü rü chixexü̃gu namaxẽx rü ñomaxü̃cüxü i toma rü ta nagu ítamaxẽ. Rü ngẽma torü chixexü̃gagu rü toma rü torü ãẽ̱xgacügü rü torü chacherdótegü rü naxme̱xgu tayi i ngẽma to i nachixü̃anecüã̱xgüarü ãẽ̱xgacügü i tama cuxü̃́ yaxõgüxü̃. Rü nümagü rü toxü̃ ínayauxü̃ rü toxca̱x nangĩ̱xgü rü duü̃xü̃güpe̱xewa toxü̃ nacugüe. Rü ngẽmatama nixĩ i ñu̱xma toxü̃ ngupetüxü̃.

Édra 4:13

Rü cuxü̃ nüxü̃ tacua̱xẽxẽ, Pa Ãẽ̱xgacüx, ega ngẽxguma tá norü ĩane rü ñu̱xũchi ngẽma norü ĩanearü poxeguxü̃tápü̱x namexẽẽgügu rü taxũtáma cuga naxĩnüe, rü taxũtáma cuxü̃́ nanaxütanügüchaü̃ i ngẽma diẽru i cuma namaxã cuxueguxü̃ nax cuxü̃́ naxütanügüãxü̃ca̱x. Rü ngẽxguma i ngẽma diẽru i ãẽ̱xgacüca̱x ixĩxü̃ rü tá ínarüxĩ.

Wenaxarü naxümatü ga Tupanaarü mugü 17:15

Rü ngẽxguma tá nüxü̃ pexunetagu i wüxi i perü ãẽ̱xgacü i réi, rü name i nüxü̃ pexuneta i wüxi i petanüxü̃tama i Cori ya perü Tupana nüxü̃ unetaxü̃. Rü tama name i nüxü̃ pexuneta i wüxi i duü̃xü̃ i to i nachixü̃anecüã̱x i tama petanüxü̃ ixĩxü̃.

Ore i mexü̃ ga Luca ümatüxü̃ 20:21

Rü yemaca̱x Ngechuchuna nacagü rü ñanagürügü: —Pa Ngúexẽxẽruxü̃, toma nüxü̃ tacua̱x rü aixcüma nixĩ i ngẽma nüxü̃ quixuxü̃ rü ngẽma namaxã cungúexẽẽtaexü̃. Rü tama duü̃xü̃arü düxétüxü̃negu cudawenü erü nacüma nixĩ i cungugüxü̃. Rü aixcüma cunangúexẽxẽ i duü̃xü̃gü nax Tupana naxwa̱xexü̃ãcüma namaxẽxü̃ca̱x.

Ore i mexü̃ ga Luca ümatüxü̃ 20:23

Natürü Ngechuchu nüxü̃ nacua̱xama nax chixexü̃gu naxĩnüexü̃ ga yema duü̃xü̃gü, rü yemaca̱x ñanagürü nüxü̃: —¿Tü̱xcüü̃ i chixexü̃gu choxü̃ pengu̱xẽẽchaü̃?

Ore i mexü̃ ga Luca ümatüxü̃ 23:2

Rü yéma Pirátupe̱xewa inanaxügüe nax Ngechuchuxü̃ yaxugüexü̃. Rü ñanagürügü: —Ñaa yatü rü nüxü̃ itayangaugü nax nanuexẽẽãxü̃ i torü duü̃xü̃gü. Rü nüxü̃ nixu nax tama namexü̃ nax ãẽ̱xgacü ya Rómawa ngẽxmacüaxü̃́ tanaxütanüxü̃ i diẽru. Rü nügü nixu nax nüma yixĩxü̃ i torü ãẽ̱xgacü i Cristu —ñanagürügü.

Romanos 13:7

Rü wüxichigü i ngẽma ãẽ̱xgacügü, rü name nixĩ i nüxna penaxã i ngẽma nüxna üxü̃. ¡Rü nüxü̃́ penaxütanü i ngẽma diẽru i perü ãẽ̱xgacügü nagu unetaxü̃ẽ̱xpü̱x nax nüxü̃́ penaxütanüxü̃! ¡Rü penaxü̱x i ngẽma ĩanearü puracü i perü ãẽ̱xgacügü pexü̃ muxü̃ nax penaxüxü̃ca̱x! ¡Rü nüxü̃ pengechaü̃gü rü naga pexĩnüe i ngẽma perü ãẽ̱xgacügü! Erü ngẽma nixĩ i mexü̃ nax penaxüxü̃.