Ore i mexü̃ ga Luca ümatüxü̃ 20:21 - Tupanaarü Ore

²¹ Rü yemaca̱x Ngechuchuna nacagü rü ñanagürügü: —Pa Ngúexẽxẽruxü̃, toma nüxü̃ tacua̱x rü aixcüma nixĩ i ngẽma nüxü̃ quixuxü̃ rü ngẽma namaxã cungúexẽẽtaexü̃. Rü tama duü̃xü̃arü düxétüxü̃negu cudawenü erü nacüma nixĩ i cungugüxü̃. Rü aixcüma cunangúexẽxẽ i duü̃xü̃gü nax Tupana naxwa̱xexü̃ãcüma namaxẽxü̃ca̱x.

Ore i mexü̃ ga Luca ümatüxü̃ 20:21 Referans Kwoze

Ore i mexü̃ ga Matéu ümatüxü̃ 22:16

Rü yemaca̱x Ngechuchuxü̃tawa nanamugü ga ñuxre ga norü duü̃xü̃gü wüxigu namaxã ga ñuxre ga Eródearü duü̃xü̃gü nax Ngechuchumaxã nüxü̃ yanaxugüexü̃ca̱x ga ore, rü ñanagürügü: —Pa Ngúexẽxẽruxü̃x, nüxü̃ tacua̱x rü aixcüma nixĩ i ngẽma nüxü̃ quixuxü̃. Rü aixcüma cunangúexẽxẽ i duü̃xü̃gü nax Tupana naxwa̱xexü̃ãcüma namaxẽxü̃ca̱x. Rü tama duü̃xü̃gügamare cuxĩnü, erü tama norü düxétüxü̃negu cudawenü, natürü nacüma nixĩ i cungugüxü̃.

Gálatas 1:10

Rü choma rü tama naxca̱x chadau nax duü̃xü̃gü chomaxã taãẽgüxü̃, natürü Tupana chomaxã taãẽxü̃ca̱x nixĩ i chadauxü̃. Erü ngẽxguma chi duü̃xü̃güxü̃ chataãẽxẽẽchaü̃gu, rü taxũchima Cristuarü puracütanüxü̃ chixĩ.

2 Corintios 2:17

Rü toma rü tama Tupanaarü oregu diẽru ngĩxü̃ tayaxu ngẽma muxü̃ma i togü naxügüxü̃rüxü̃. Natürü Tupanape̱xewa rü aixcüma mea nüxü̃ tixu i ngẽma norü ore, erü nüma toxü̃ nimugü rü Cristuarü tixĩgü.

Ore i mexü̃ ga Cuáü̃ ümatüxü̃ 3:2

Rü gumá Nicodému rü Ngechuchuxü̃tagu nanaxũane ga chütacü. Rü ñanagürü nüxü̃: —Pa Ngúexẽxẽruxü̃, toma nüxü̃ tacua̱x nax aixcüma Tupana núma cuxü̃ muxü̃ nax toxü̃ cungúexẽẽxü̃ca̱x. Erü taxucürüwa texé cuxrüxü̃ tanaxü i ngẽma taxü̃ i mexü̃gü i Tupanaarü poramaxã üxü̃, ega tama Tupana tümaxü̃tawa ngẽxmagu —ñanagürü.

Ore i mexü̃ ga Márcu ümatüxü̃ 12:14

Rü nümagü rü naxü̃tawa naxĩ, rü ñanagürügü nüxü̃: —Pa Ngúexẽxẽruxü̃, nüxü̃ tacua̱x rü aixcüma nixĩ i ngẽma nüxü̃ quixuxü̃ i ore. Rü tama duü̃xü̃gügamare cuxĩnü, erü tama norü düxétüxü̃negu cudawenü, natürü nacüma nixĩ i cungugüxü̃. Rü aixcüma cunangúexẽxẽ i duü̃xü̃gü nax Tupana naxwa̱xexü̃ãcüma namaxẽxü̃ca̱x. ¡Tomaxã nüxü̃ ixu! Rü ngẽma diẽru ya ãẽ̱xgacü ya Rómacüã̱x totanüwa ngĩxü̃ yaxucü ¿rü namexü̃ yixĩxü̃ nax nüxna ngĩxü̃ taxãxü̃, rü ẽ̱xna tama? —ñanagürügü.

Wiyaegü 55:21

Rü ngẽxguma yadexagügu rü ore i mexechixü̃maxã nidexagü, natürü i norü ĩnüwa rü daigu narüxĩnüe. Rü mexẽchixü̃ i dexamaxã nidexagü, natürü ngẽma dexagü rü ñoma taragü i nachiü̃wa ituxuchigüxü̃rüxü̃ nixĩgü.

Wiyaegü 12:2

Rü nügütanüwa i duü̃xü̃gü rü nügü nawomüxẽẽgü. Rü mea nidexagüneta rü tama aixcümaxü̃ nixugü.

Yox 34:19

Natürü nüma ya Tupana rü guxãxü̃ma wüxigu narüngü̃xẽxẽ. Rü woo ãẽ̱xgacü ixĩxẽ rü woo diẽruã̱xgüxe rü woo ngearü diẽruã̱xgüxe rü Tupana rü wüxigutama guxãxü̃ narüngü̃xẽxẽ. Erü nüma ya Tupana rü guxãxü̃ma nango̱xẽxẽ.

Norü taxre ga to ga popera ga ãẽ̱xgacügüchiga ümatüxü̃ 19:7

Rü ngẽmaca̱x penaxwa̱xe nax aixcüma Cori ya Tupanaga pexĩnüexü̃. ¡Rü pexuãxẽgü i ngẽxguma guxchaxü̃gü pemexẽxẽgu! Erü nüma ya Cori ya Tupana rü tama yáxna pexuãẽgü namaxã naxĩnü i ta̱xacürü chixexü̃. Rü tama nanaxwa̱xe nax texé tümaétüwa üxü̃ ya yíxema chixexü̃ üxe, rü tama norü me nixĩ nax texé naxütanüxü̃ i guxchaxü̃arü mexẽxẽ —ñanagürü.

Gálatas 2:6

Natürü yema yaxõgüxü̃arü ãẽ̱xgacügü ga Yerucharéü̃wa yexmagüxü̃ rü yexguma nüxü̃ naxĩnüegu ga yema chorü ngu̱xẽẽtae, rü namaxã nataãẽgü rü taxuxü̃ma ga ta̱xacü ga togü ga mugü choxna naxãgü nax namaxã changúexẽẽtaexü̃ca̱x. (Natürü tama yema nax ãẽ̱xgacügü yixĩgüxü̃gu charüxĩnü, erü nüxü̃ chacua̱x nax Tupanape̱xewa rü guxãma wüxiguxü̃.)

Ore i mexü̃ ga Luca ümatüxü̃ 20:20

Rü yema chacherdótegüarü ãẽ̱xgacügü rü Ngechuchuxü̃tawa nanamugü ga ñuxre ga norü duü̃xü̃gü nax mexü̃ ga duü̃xü̃gürüxü̃ yéma iyanaxĩnüẽxü̃ca̱x ga norü ngu̱xẽẽtae, natürü naxca̱x nax nadaugüxü̃ca̱x nax norü ngu̱xẽẽtaegagu nachixü̃anearü ãẽ̱xgacüxü̃tawa Ngechuchuxü̃ ínaxuaxü̃güxü̃ca̱x.

Ore i mexü̃ ga Luca ümatüxü̃ 20:22

Rü dücax, ngẽma diẽru i ãẽ̱xgacü ya Rómacüã̱x naxwa̱xexü̃ nax tanaxütanüxü̃, ¿rü namexü̃ yixĩxü̃ nax nüxü̃́ tanaxütanüxü̃ rü ẽ̱xna tama? —ñanagürügü.