Ore i mexü̃ ga Luca ümatüxü̃ 20:20 - Tupanaarü Ore20 Rü yema chacherdótegüarü ãẽ̱xgacügü rü Ngechuchuxü̃tawa nanamugü ga ñuxre ga norü duü̃xü̃gü nax mexü̃ ga duü̃xü̃gürüxü̃ yéma iyanaxĩnüẽxü̃ca̱x ga norü ngu̱xẽẽtae, natürü naxca̱x nax nadaugüxü̃ca̱x nax norü ngu̱xẽẽtaegagu nachixü̃anearü ãẽ̱xgacüxü̃tawa Ngechuchuxü̃ ínaxuaxü̃güxü̃ca̱x. Gade chapit la |
Rü noxri ga choma rü taxuguma charüxĩnü ñoma wüxi i carnéruxacü i norü ma̱xchicawa nagagüxü̃rüxü̃ rü tama nüxü̃ chacua̱x nax wüxi i chixexü̃ cha̱u̱xca̱x ínamexẽẽgüxü̃. Rü yema uanügü rü chauchiga nidexagü rü nügümaxã ñanagürügü: —Ngĩxã tayadaxüchi i ngẽma nai i nanetü i baxcaxüchixü̃, rü wüxicana tayanaxoxẽxẽ natanüwa i ngẽma ñoma i naanewa maxẽxü̃ nax ngẽmaãcü taxúema nüxna cua̱xãchixü̃ca̱x —ñanagürügü.
Rü ngẽma ngu̱xẽẽruü̃netagü rü diẽruguxicatama narüxĩnüe, rü ngẽmaca̱x i ngẽma norü ngu̱xẽẽtae i doramare ixĩxü̃, rü tá pemaxã nanaxãtanü nax ngẽmaãcü petanüwa ngĩxü̃ nayauxgüxü̃ca̱x i perü diẽru. Natürü tá napoxcue i ngẽma duü̃xü̃gü, rü taxũtáma nibuxmü. Erü Tupana rü woetama nũxcümama poxcu namaxã naxuegu.
Rü nüxü̃ chaxĩnü nax duü̃xü̃gü rü cugüãcüma chauchiga yadexagüxü̃. Rü guxü̃wama choxü̃ naxãxũnegüxü̃ i duü̃xü̃gü rü ngẽmaca̱x chamuü̃. Rü nügümaxã ñanagürügü: “Ngĩxã ítanaxuaxü̃gü”, ñanagürügü. Rü woo i ngẽma chomücügü rü ínanangu̱xẽẽgü nax ngürüãchi ta̱xacürü chixexü̃ chaxüxü̃. Rü ñanagürügü: “Rü nügü tátama nixĩ i chixexü̃gu nanguxẽẽxü̃, rü ngẽxguma i yixema rü tá tayayauxgü rü yixema inaxwa̱xexü̃ tá namaxã taxü”, ñanagürügü.
Rü yema duü̃xü̃gü rü ñanagürügü: —Ngĩxã nagu tarüxĩnüe i ta̱xacü namaxã taxü i Yeremía nax nüxü̃ naxoxü̃ca̱x nax guxchaxü̃chiga tamaxã yaxuxü̃. Erü tagutáma nataxu i togü i chacherdótegü i tüxü̃ ngúexẽẽxü̃, rü tagutáma nataxu i togü i yatügü i nüxü̃ icuáxü̃ i tüxü̃ ucu̱xẽgüxü̃, rü tagutáma nataxu i togü i orearü uruü̃gü i Tupanaarü orexü̃ tamaxã ixugüxü̃. Ngĩxã ãẽ̱xgacüpe̱xewa ítanaxuaxü̃ nax ngẽmaãcü yama̱xgüãxü̃ca̱x. Rü taxũtáma naga taxĩnüe i ngẽma nüxü̃ yaxuxü̃ —ñanagürügü.
Rü yemaca̱x Ngechuchuna nacagü rü ñanagürügü: —Pa Ngúexẽxẽruxü̃, toma nüxü̃ tacua̱x rü aixcüma nixĩ i ngẽma nüxü̃ quixuxü̃ rü ngẽma namaxã cungúexẽẽtaexü̃. Rü tama duü̃xü̃arü düxétüxü̃negu cudawenü erü nacüma nixĩ i cungugüxü̃. Rü aixcüma cunangúexẽxẽ i duü̃xü̃gü nax Tupana naxwa̱xexü̃ãcüma namaxẽxü̃ca̱x.