Ore i mexü̃ ga Luca ümatüxü̃ 20:17 - Tupanaarü Ore

¹⁷ Natürü Ngechuchu rü nüxü̃ nadawenü, rü ñanagürü nüxü̃: —¿Natürü ñuxũ ñaxü̃chiga nixĩ i ngẽma Tupanaarü ore i ümatüxü̃ i ñaxü̃?: “Yimá nuta ya ĩarü üruü̃gü nüxü̃ oechirécü, rü ñu̱xma rü yimátama nuta nixĩ ya nüxíra yaxǘcuchigüãcü i ngẽma ĩpataarü üruü̃gü”, —ñaxü̃.

Ore i mexü̃ ga Luca ümatüxü̃ 20:17 Referans Kwoze

Wiyaegü 118:22

Rü yimá nuta ya ĩpataarü üruü̃gü nüxü̃ oecü rü yima nixĩ ya ñu̱xma nüxíra yaxǘcuchigüãcü.

Ichaía 28:16

Rü ngẽmaca̱x ya Cori ya Tupana rü ñanagürü: —Chióü̃gu tá chanaxǘ ya wüxi ya nuta ya chomatama ichaxunetacü ya mexẽchicü. Rü yimáwa tá nixĩ inaxügüxü̃ i guxü̃ma i ngẽma chaxüxü̃. Rü yíxema nagu iyauxãchíxe rü taxuca̱xma taxoegaãxẽ.

Ngechuchuarü ngúexü̃gü ga yamugüxü̃arü puracüchiga 4:11

Rü gumátama Ngechuchu nixĩ ga pema nüxü̃ pexoecü. Natürü ga Tupana rü nayamucuchi nax guxü̃arü ãẽ̱xgacü yixĩxü̃ca̱x.

Ore i mexü̃ ga Matéu ümatüxü̃ 21:42

Rü Ngechuchu rü ñanagürü nüxü̃: —¿Taguma ẽ̱xna nawa pengúe i Tupanaarü ore i ümatüxü̃? Erü ngẽmawa rü ñanagürü: “Yimá nuta ya ĩpataarü üruü̃gü nüxü̃ oecü rü ñu̱xma rü yimá nuta nixĩ ya nüxíra ixücuchicü nax namaxã inaxügüãxü̃ca̱x ya ĩpata. Rü tórü Cori ya Tupana nixĩ ga naxücü ga yema, rü ñu̱xma rü taxca̱x namexẽchi”, ñanagürü i ngẽma ore.

Ore i mexü̃ ga Márcu ümatüxü̃ 12:10

¿Taguma ẽ̱xna nawa pengúe i Tupanaarü ore i ümatüxü̃? Erü ngẽmawa rü ñanagürü: “Yimá nuta ya ĩpataarü üruü̃gü nüxü̃ oecü, rü ñu̱xma rü yimátama nixĩ ya nüxíra ixücuchicü nax namaxã inaxügüãxü̃ca̱x ya ĩpata.

Chacaría 3:9

Rü chomax rü Yochuépe̱xegu chanaxǘ ya wüxi ya nuta ya 7 i nacüwa nüxü̃́ ngẽxmacü. Rü chomatátama yima nutagu chanaxümatü i ore. Rü ñu̱xũchi i choma rü wüxitatama i ngunexü̃gu nüxna chanayaxu i norü pecadu i ñaa nachixü̃ane.

Ore i mexü̃ ga Luca ümatüxü̃ 22:37

Erü pemaxã nüxü̃ chixu rü chowa tá ningu i ngẽma Tupanaarü ore i ümatüxü̃ i ñaxü̃: “Wüxi i máetaxü̃rüxü̃ tá namaxã inacua̱xgü”, ñaxü̃. Erü guxü̃ma i ngẽma chauchiga ümatüxü̃ i Tupanaarü ore i ümatüxü̃wa rü aixcüma tá ningu —ñanagürü.

Ore i mexü̃ ga Cuáü̃ ümatüxü̃ 15:25

Natürü ngẽma nangupetü nax yanguxü̃ca̱x i ngẽma ore i norü mugüpanegu ümatüxü̃ i ñaxü̃: “Chauxchi naxaie woo taxuxü̃ma i chixexü̃ chaxüxgu”, ñaxü̃.

Ore i mexü̃ ga Luca ümatüxü̃ 24:44

Rü ñu̱xũchi ñanagürü nüxü̃: —Rü yema choxü̃ ngupetüxü̃ rü yema nixĩ ga pemaxã nüxü̃ chixuxü̃ ga yexguma tauta chayu̱xgu rü petanüwa chayexmagu. Yerü yexguma rü pemaxã nüxü̃ chixu rü ñacharügü: “Aixcüma tá ningu i guxü̃ma i Tupanaarü ore i chauchiga ümatüxü̃ i wiyaegüarü poperawa, rü Moiché ümatüxü̃ i mugüwa, rü ore i nũxcümaü̃güxü̃ ga Tupanaarü orearü uruü̃gü ümatüxü̃wa” —ñacharügüchire̱x pexü̃.

Ore i mexü̃ ga Luca ümatüxü̃ 22:61

Rü yexguma ga Cori ga Ngechuchu rü Pedruca̱x nügü ínidau. Rü nüma ga Pedru rü nüxna nacua̱xãchi ga yema ore ga Cori ga Ngechuchu namaxã nüxü̃ ixuxü̃ ga ñaxü̃: “Ñomatama i chütaxü̃gu naxü̃pa nax ota icaxaxü̃, rü tomaepü̱xcüna tá cugü quixã nax chorü duü̃xü̃ quixĩxü̃”, ñaxü̃.

Ore i mexü̃ ga Márcu ümatüxü̃ 10:23

Rü Ngechuchu rü nüxü̃ nidaugüãchi, rü ñanagürü norü ngúexü̃güxü̃: —Naguxchaxüchi tá nixĩ nax Tupana ãẽ̱xgacü íyixĩxü̃wa yachocuxü̃ i ngẽma diẽruã̱xü̃chigüxü̃ —ñanagürü.

Ore i mexü̃ ga Márcu ümatüxü̃ 3:5

Rü nüma ga Ngechuchu rü nuchametüãcüma nüxü̃ nadauwenü ga yema nüxü̃ íchomaeguãchixü̃. Rü nangechaü̃ yerü tama inaxĩnüechaü̃ ga yema duü̃xü̃gü. Rü gumá yatüxü̃ ñanagürü: —¡Iyanawe̱xãchixẽxẽ ya cuxme̱x! —ñanagürü. Rü yexguma ga gumá yatü rü nügü inayarüwe̱xãchime̱xẽxẽxẽ. Rü yexgumatama rü narümexme̱x.

Ore i mexü̃ ga Luca ümatüxü̃ 19:41

Rü yexguma Yerucharéü̃arü ngaicamana nanguxgu ga Ngechuchu, rü gumá ĩaneca̱x naxaxu.

Chacaría 10:4

Rü Yudátanüxü̃tanüwa tá nangóe i poraexü̃ i ãẽ̱xgacügü i chorü duü̃xü̃gümaxã tá icua̱xgüxü̃. Rü nümagü rü narüxü̃ tá nixĩgü ya yimá nuta ya nüxíra yaxǘcuchicü nax naxüaxü̃ca̱x ya wüxi ya ĩpata ya taxü̃ne. Rü ñoma norü tairuxü̃ ya yima ĩpata ya naxchirunaxca̱xrüxü̃ tá nixĩgü. Rü ñoma würa i daica̱x mexü̃rüxü̃ tá nixĩgü ya yima ãẽ̱xgacügü,

Efesios 2:20

Pema rü ñoma wüxi ya ĩpata ya mexü̃nerüxü̃ pixĩgü. Rü yima ĩpata namaxã ixügüne nixĩ i norü ngu̱xẽẽtae ga yema ngúexü̃gü ga Tupana imugüxü̃ rü yema norü orearü uruü̃gü. Rü nüma ya Cristu nixĩ ya yimá nüxíraü̃cü ya nuta ga naétüwa inaxügücü ya yimá ĩpata.

Nüxíraxü̃xü̃ ga popera ga Pedru ümatüxü̃ 2:6

Rü Tupana rü norü ore i ümatüxü̃wa rü ñanagürü: “Choma rü Chióü̃gu chanaxǘ ya wüxi ya nuta, rü yimá nixĩ ya nuta ya mexẽchicü ya chomatama chanayaxucü nax chopata namaxã ichaxügüxü̃ca̱x. Rü yíxema nüxü̃́ yaxṍxe, rü taxũtáma tüxü̃ chawomüxẽxẽ rü aixcüma tá tanayaxu i maxü̃ i taguma gúxü̃ i tümamaxã ichaxunetaxü̃”, ñanagürü.