Ore i mexü̃ ga Luca ümatüxü̃ 20:14 - Tupanaarü Ore

¹⁴ Natürü ga yema puracütanüxü̃ rü yexguma gumá yatü nanexü̃ nadaugügu, rü nügümaxã ñanagürügü: “Ñaaarü tá nixĩ i ñaa naane i yixcama. ¡Rü ngĩxã tayama̱xgü nax tóxrü nax yixĩxü̃ca̱x!” ñanagürügü.

Ore i mexü̃ ga Luca ümatüxü̃ 20:14 Referans Kwoze

Romanos 8:17

Rü yixema nax Tupanaxacügü ixĩgüxü̃, rü nüxü̃ tacua̱x rü daxũguxü̃ i naanewa tá tanayaxu i ngẽma mexü̃gü ya Tupana tá tüxna ãxü̃. Rü aixcüma Cristurüxü̃ tá tanayaxu i ngẽma mexü̃gü, erü naxrüxü̃ ngúxü̃ tingegü nax wüxigu nüma ínangexmaxü̃wa ingexmagüxü̃ca̱x.

Popera ga Yudíugü ga yaxõgüxü̃ca̱x ümatüxü̃ 1:2

Natürü i ñomaü̃cüxü ya Tupana rü Nanewatama nixĩ i tamaxã yadexaxü̃. Rü Nanemaxã nixĩ ga naxüaxü̃ ga ñoma ga naane rü daxũguxü̃ ga naane rü üa̱xcü rü tauemacü rü woramacurigü. Rü ñu̱xũchi gumá Nanena nanana ga guxü̃ma ga yema nax noxrü yixĩxü̃ca̱x.

Ngechuchuarü ngúexü̃gü ga yamugüxü̃arü puracüchiga 3:15

Rü yemaacü pematama peyama̱xgü ga gumá Ngechuchu ya tüxü̃ maxẽxẽẽcü. Natürü ga Tupana rü wena nanamaxẽxẽ. Rü toma nixĩ ga nüxü̃ tadaugüxü̃ ga wena nax namaxü̃xü̃.

Ngechuchuarü ngúexü̃gü ga yamugüxü̃arü puracüchiga 2:23

Rü Tupana pexna nanamu ga gumá Ngechuchu, yerü yema nixĩ ga nagu naxĩnüxü̃. Rü nüma ga Tupana rü woetama nüxü̃ nacua̱x nax pecaduca̱x tá nayuxü̃. Rü pema rü penamu ga yatügü ga tama yaxõgüxü̃ nax curuchawa yapotagüãxü̃ca̱x. Rü yemaacü peyama̱xgü.

Ore i mexü̃ ga Luca ümatüxü̃ 22:2

Rü ga chacherdótegüarü ãẽ̱xgacügü rü ngúexẽẽruü̃gü ga Moichéarü mugüwa ngu̱xẽẽtaegüxü̃ rü naxca̱x nadaugü nax ñuxãcü duü̃xü̃güechita Ngechuchuxü̃ yama̱xgüxü̃, yerü duü̃xü̃güxü̃ namuü̃e.

Ore i mexü̃ ga Luca ümatüxü̃ 20:19

Rü nüma ga yema chacherdótegüarü ãẽ̱xgacügü rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü yexgumatama Ngechuchuxü̃ niyauxgüchaü̃. Yerü nüxü̃ nacua̱xgü ga nachiga nax yixĩxü̃ ga yema ore ga cua̱xruxü̃ ga nüxü̃ yaxuxü̃. Natürü tama nayayauxgü, yerü duü̃xü̃güxü̃ namuü̃e.

Ore i mexü̃ ga Luca ümatüxü̃ 20:5

Rü yexguma ga yema nüxna cagüxü̃ rü inanaxügüe ga nügümaxã nax yaporagatanücüüxü̃. Rü nügümaxãtama ñanagürügü: —¿Ñuxũ ñagügüxü̃ tá? Erü ngẽxguma chi: “Tupana núma nanamu”, ñagügu, rü nüma rü chi ñanagürü tüxü̃: “¿Rü tü̱xcüü̃ ga tama nüxü̃́ peyaxõgüxü̃?” ñanagürü chi tüxü̃.

Ore i mexü̃ ga Luca ümatüxü̃ 19:47

Rü guxü̃ ga ngunexü̃gu rü Tupanapata ga taxü̃newa nayanguxẽẽtae ga Ngechuchu. Natürü yema chacherdótegüarü ãẽ̱xgacügü, rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü Yerucharéü̃arü ãẽ̱xgacügü, rü naxca̱x nadaugü nax ñuxãcü tá yama̱xgüãxü̃.

Ore i mexü̃ ga Matéu ümatüxü̃ 16:7

Rü yema norü ngúexü̃gü rü inanaxügüe nax nügümaxã ñagüxü̃: —Ngẽma ñanagürü tüxü̃, erü tama paũ ítingegü —ñanagürügü.

Wiyaegü 89:27

Rü choma rü ñoma chaune ya yacürüxü̃ tá namaxã chixĩ. Rü guxü̃ma i nachixü̃anegüarü ãẽ̱xgacügüétüwa tá chanangexmaxẽxẽ.

Wiyaegü 2:8

¡Rü choxna naxca̱x naca nax cuxme̱xwa chanangexmagüxẽxẽxü̃ca̱x i guxü̃ma i nachixü̃anegü i ñoma i naanewa ngẽxmagüxü̃ nax cuxrü yixĩxü̃ca̱x! Rü choma rü tá cuxna chanaxã.

Ore i mexü̃ ga Matéu ümatüxü̃ 21:34

Rü yexguma úbaarü buxgüwa nanguxgu, rü yema naanearü yora rü yéma nanamugü ga ñuxre ga norü duü̃xü̃gü nax yema puracütanüxü̃na ngĩxca̱x yaca̱xaxü̃ca̱x ga yema úbatanü ga norü yorana ücü.

Ore i mexü̃ ga Luca ümatüxü̃ 20:13

Rü düxwa ñanagürü ga gumá naanearü yora: “¿Ta̱xacü tá chaxüxü̃ i ñu̱xmax? Rü name nixĩ i chaune ya nüxü̃ changechaü̃cü ngéma chanamu. Rü ngẽxguma nüxü̃ nadaugügu rü bexmana naga tá naxĩnüe”, ñanagürü.

Ore i mexü̃ ga Luca ümatüxü̃ 20:15

Rü ínanata̱xüchigü ga yema naanewa, rü nayama̱xgü —ñanagürü ga Ngechuchu. Rü yexguma ga Ngechuchu rü duü̃xü̃güna naca, rü ñanagürü: —¿Ta̱xacü tá ngẽma puracütanüxü̃maxã naxü i ngẽma naanearü yora i ñu̱xmax?