Ore i mexü̃ ga Luca ümatüxü̃ 20:11 - Tupanaarü Ore

¹¹ Rü yexguma ga gumá yatü rü wenaxarü to ga norü duü̃xü̃ yéma ta namu. Natürü ga yema puracütanüxü̃ rü chixexü̃ namaxã nixugüe, rü nanacua̱i̱xgü, rü taxuxü̃ma ga úba nüxna naxãgü. Rü yemaacü ínayamugü.

Ore i mexü̃ ga Luca ümatüxü̃ 20:11 Referans Kwoze

1 Tesalonicenses 2:2

Rü pema marü nüxü̃ pecua̱x rü naxü̃pa ga pexü̃tawa nax tangugüxü̃ rü chixri tomaxã nachopetü ga Pirípucüã̱xgü rü tomaxã naguxchigagü. Natürü Tupana toxü̃ narüngü̃xẽxẽ nax pemaxã nüxü̃ tixuxü̃ca̱x ga norü ore i tüxü̃ maxẽxẽẽxü̃. Rü yemaca̱x tama tamuü̃eãcüma pemaxã nüxü̃ tixu ga yema ore woo ga torü uanügü rü poraãcü toxü̃́ nax naguxchaxẽẽgüãxü̃.

Ngechuchuarü ngúexü̃gü ga yamugüxü̃arü puracüchiga 7:52

Rü perü o̱xigü rü chixri namaxã inacua̱xgü ga guxü̃ma ga Tupanaarü orearü uruü̃gü. Rü nanadai ga yema orearü uruü̃gü ga nüxü̃ ixuchigagüxü̃ nax núma tá naxũxü̃ ga gumá mecü ya Ngechuchu. Rü yexguma ínanguxgu ga gumá Ngechuchu rü pema rü Pirátupe̱xewa ípenaxuaxü̃ rü peyama̱x.

Ochéa 10:1

Rü Ochéa rü ñanagürü: —Ngẽma Iraéanecüã̱xgü rü ñoma úba i muarü oṍxü̃rüxü̃ nixĩgü. Natürü yexguma Tupana yexera nüxü̃ rüngü̃xẽẽgu ga yema Iraéanecüã̱xgü, rü yexera norü tupananetagüca̱x ãmarearü guruxü̃ naxügü. Rü yexguma yexera namexgu ga nachixü̃ane rü yexera nanamexẽẽgü ga guma nutagü ga namaxã natupanaã̱xgücü.

Ore i mexü̃ ga Márcu ümatüxü̃ 12:4

Rü yexguma ga gumá yatü rü to ga norü duü̃xü̃ yéma namu. Natürü ga yema puracütanüxü̃ rü nayama̱xerugü, rü namaxã naguxchigagü.

Ore i mexü̃ ga Luca ümatüxü̃ 20:10

Rü yexguma nawa nanguxgu nax yadauxü̃ ga yema úbagü, rü gumá yatü rü yema puracütanüxü̃xü̃tawa nanamu ga wüxi ga norü duü̃xü̃ nax naxca̱x íyaca̱xaxü̃ca̱x ga yema úbagü ga nüxna üxü̃. Natürü yema puracütanüxü̃ rü nanacua̱i̱xgü ga gumá yatüarü duü̃xü̃, rü taxuxü̃ma ga úba nüxna naxãgü. Rü yemaacü ínayamugü.

Ore i mexü̃ ga Luca ümatüxü̃ 20:12

Rü wenaxarü to ga norü duü̃xü̃ yéma namu ga gumá yatü. Natürü ga yema puracütanüxü̃ rü nanapi̱xẽxẽ, rü ínanata̱xüchigü ga yema naanewa.