Ore i mexü̃ ga Luca ümatüxü̃ 2:8 - Tupanaarü Ore

⁸ Rü Beréü̃arü ngaicamana nayexmagü ga ñuxre ga carnérugüarü dauruü̃gü ga chütacü nachitaxü̃wa norü carnérugüna ídaugüxü̃.

Ore i mexü̃ ga Luca ümatüxü̃ 2:8 Referans Kwoze

Echequié 34:8

Rü choma ya Cori ya Tupana rü chauégagu pemaxã nüxü̃ chixu rü muxü̃ma ga naeü̃gü ga idüraexü̃ rü marü naxca̱x nangĩ̱xgü rü nanangõ̱xcu ga chorü carnérugü, yerü nangearü dauruxü̃ã̱xgü. Rü pema i norü dauruü̃gü rü tama naxca̱x peyadaugü. Rü pema rü pegünaxicatama pedaugü rü tama chorü carnérugüna pedaugü.

Ore i mexü̃ ga Luca ümatüxü̃ 2:7

Rü yexma nabu ga nüxíraü̃cü ga ngĩne. Rü naxchápenüxü̃maxã inanuque. Rü wüxi ga wocaarü chibüchicagu inacanagüxẽxẽ, yerü guma ĩanearü pegüpataü̃ rü naxããcu.

Ore i mexü̃ ga Luca ümatüxü̃ 2:9

Rü ngürüãchi yema carnérugüarü dauruü̃güca̱x nango̱x ga wüxi ga daxũcüã̱x ga Cori ya Tupanaarü orearü ngeruxü̃. Rü Tupanaarü üünemaxã guxü̃wama nangóone. Rü yema carnérugüarü dauruü̃gü rü poraãcü namuü̃e.