Ore i mexü̃ ga Luca ümatüxü̃ 2:51 - Tupanaarü Ore

⁵¹ Rü yexguma ga Ngechuchu rü tümawe nataegu ga Nacharétuwa. Rü guxü̃guma mea tümaga naxĩnüecha. Rü naé ga María rü ngĩãẽwa nagu irüxĩnüecha ga guxü̃ma ga yema ngupetüxü̃.

Ore i mexü̃ ga Luca ümatüxü̃ 2:51 Referans Kwoze

Ore i mexü̃ ga Luca ümatüxü̃ 2:19

Natürü ga María rü inayaxu ga guxü̃ma ga yema ngupetüxü̃ rü ngĩãẽgu namaxã inguxü̃ rü nagu irüxĩnüecha.

Danié 7:28

Rü yexma nixĩ ga yacuáxü̃ ga guxü̃ma ga yema chaunegüwa nüxü̃ chadauxü̃. Rü choma i Danié rü poraãcü naxca̱x chaxoegaãxẽ rü chanachoxõchi. Natürü taxúemaxãma nüxü̃ chixu nachiga ga yema chaunegüwa Tupana choxü̃ wéxü̃ —ñanagürü ga Danié.

Naanearü ügüchiga 37:11

Rü yemaca̱x ga naenexẽgü rü yexeraãcü nixãũãchie. Natürü ga nanatü rü bexma tüxica nagu tarüxĩnü ga yema nanegü.

Ore i mexü̃ ga Márcu ümatüxü̃ 6:3

¿Taux ẽ̱xna ñaa yixĩxü̃ i corapina i Ngechuchu i María ngĩne, i Chantiágu rü Yúche rü Chimóü̃ rü Yúdaenexẽ ixĩxü̃? ¿Rü taux ẽ̱xna i naeya̱xgü i nuxma tatanügu naxãchiü̃güxü̃? —ñanagürügü. Rü yemaca̱x ga yema duü̃xü̃gü rü tama nüxü̃́ nayaxõgü.

Nüxíraxü̃xü̃ ga popera ga Pedru ümatüxü̃ 2:21

Rü ngẽma nax mexü̃ pexüxü̃gagu ngúxü̃ pingegüxü̃ca̱x nixĩ ya Tupana pexü̃ dexü̃. Yerü ga Cristu rü ta pexca̱x ngúxü̃ ninge. Rü yemaacü pexü̃ nüxü̃ nadauxẽxẽ nax naxrüxü̃ yáxna namaxã pexĩnüexü̃ i ngẽma ngúxü̃.

Ore i mexü̃ ga Matéu ümatüxü̃ 3:15

Natürü ga Ngechuchu rü ñanagürü nüxü̃: —Name nixĩ i choxü̃ ícubaiexẽẽxü̃ i ñu̱xmax. Erü name nixĩ i tayanguxẽẽxü̃ i guxü̃ma i ngẽma Tupana tüxü̃ muxü̃ —ñanagürü. Rü yexguma ga Cuáü̃ rü: —Ngü̃ —ñanagürü.

Efesios 5:21

Rü ñu̱xma nax Cristuaxü̃́ peyaxõgüxü̃ rü nüxü̃ pengechaü̃gü̃xü̃, rü name nixĩ i pegüga pexĩnüe i wüxichigü.

Ore i mexü̃ ga Luca ümatüxü̃ 2:39

Rü yexguma marü yanguxẽẽgüãgu ga guxü̃ma ga yema Tupanaarü mugü nüxü̃ ixuxü̃, rü Yúche rü María rü naxca̱x nawoegu ga norü ĩane ga Nacharétu ga Gariréaanewa yexmane.

Wiyaegü 119:11

Rü chauãẽgu namaxã changuxü̃ i curü ore nax tama cupe̱xewa chixexü̃ chaxüxü̃ca̱x.

Ore i mexü̃ ga Matéu ümatüxü̃ 12:46

Rü yexguma duü̃xü̃gümaxã íyadexayane ga Ngechuchu, rü yéma tangu ga naé rü naenexẽgü, erü Ngechuchumaxã tidexagüchaü̃. Rü ĩpataarü düxétügu tarücho.

Ore i mexü̃ ga Márcu ümatüxü̃ 1:9

Rü yema ngunexü̃gügu, rü Ngechuchu rü ínaxũxũ nawa ga guma ĩane ga Nacharétu ga Gariréaanewa yexmane. Rü Cuáü̃ rü natü ga Yudáü̃wa ínanabaiexẽxẽ.

Ore i mexü̃ ga Luca ümatüxü̃ 4:16

Rü Nacharétuwa naxũ ga Ngechuchu. Rü gumá nixĩ ga ĩane ga nanatü rü naé nawa nayaxẽẽgüne. Rü ngü̃xchigaarü ngunexü̃gu rü ngutaque̱xepataü̃gu naxücu, yerü yema nixĩ ga nacüma ga guxü̃ ga ngü̃xchigaarü ngunexü̃gu. Rü yéma inachi rü duü̃xü̃güca̱x nüxü̃ nadaumatü ga Tupanaarü ore ga ümatüxü̃.

Ore i mexü̃ ga Luca ümatüxü̃ 4:23

Rü Ngechuchu rü ñanagürü nüxü̃: —Choma nüxü̃ chacua̱x rü tá chomaxã penaxuxuchi i ngẽma ore i ñaxü̃: “Pa Dutúrux ¡Cugütama rümexẽxẽ!” ñaxü̃. Rüe̱xna tá choxü̃ ñaperügügü: “Yema mexü̃ ga taxü̃ ga nüxü̃ taxĩnüexü̃ ga Tupanaarü poramaxã cuxüxü̃ ga Capernáü̃wa, rü tanaxwa̱xe i nua curü ĩanewa rü ta nax cunaxüxü̃”, ñaperügügü tá —ñanagürü.

Ore i mexü̃ ga Luca ümatüxü̃ 18:37

Rü nanangãxü̃gü, rü ñanagürügü: —Ngechuchu ya Nacharétucüã̱x nua naxüpetü —ñanagürügü.