Ore i mexü̃ ga Luca ümatüxü̃ 2:47 - Tupanaarü Ore

⁴⁷ Rü guxü̃ma ga yema duü̃xü̃gü ga Ngechuchuxü̃ ĩnüexü̃, rü namaxã naba̱i̱xãchiãẽgü ga norü cua̱x rü norü ngãxü̃ga.

Ore i mexü̃ ga Luca ümatüxü̃ 2:47 Referans Kwoze

Ore i mexü̃ ga Matéu ümatüxü̃ 7:28

Rü yexguma yagúegagu ga Ngechuchu, rü duü̃xü̃gü rü naba̱i̱xãchiãẽgü namaxã ga norü ngúexẽẽtae.

Ore i mexü̃ ga Luca ümatüxü̃ 4:32

Rü duü̃xü̃gü rü naba̱i̱xãchiãẽgü namaxã ga norü ngu̱xẽẽtae, yerü Tupanaarü poramaxã nidexa.

Wiyaegü 119:99

Rü guxü̃ma i chorü ngu̱xẽẽruü̃güarü yexera nüxü̃ chacua̱x, erü poraãcü nagu charüxĩnü i ngẽma curü mugü.

Ore i mexü̃ ga Cuáü̃ ümatüxü̃ 7:15

Rü yema Yudíugüarü ãẽ̱xgacügü, rü naba̱i̱xãchie namaxã ga yema ore ga Ngechuchu nüxü̃ ixuxü̃. Rü ñanagürügü: —¿Ñuxãcü i ngẽmaãcü poraãcü nüxü̃ nacuáxü̃, rü taguma ngextá nangu̱x? —ñanagürügü.

Ore i mexü̃ ga Márcu ümatüxü̃ 1:22

Rü duü̃xü̃gü rü naba̱i̱xãchiãẽgü namaxã ga norü ngu̱xẽẽtae, yerü aixcüma Tupanaarü poramaxã mea nanangúexẽxẽ rü tama ngúexẽẽruü̃gü ga Moichéarü mugüwa ngu̱xẽẽtaegüxü̃rüxü̃ nixĩ.

Ore i mexü̃ ga Cuáü̃ ümatüxü̃ 7:46

Rü yema purichíagü rü nanangãxü̃gü rü ñanagürügü: —Taguma texé tidexa i ngẽma yatü idexaxü̃rüxü̃ —ñanagürügü.

Ore i mexü̃ ga Luca ümatüxü̃ 4:22

Rü guxü̃ma ga duü̃xü̃gü rü mea Ngechuchuchiga nidexagü. Rü naba̱i̱xãchiãẽgü namaxã ga yema ore ga mexü̃ ga namaxã nüxü̃ yaxuxü̃. Rü nügüna nacagü rü ñanagürügü: “¿Taux ẽ̱xna daa yixĩxü̃ ya Yúche nane?” ñanagürügü.

Ore i mexü̃ ga Matéu ümatüxü̃ 13:54

Rü guma ĩane ga nawa nayaxü̃ne ga Nacharétuwa naxũ. Rü guma ĩanearü ngutaque̱xepataü̃gu naxücu rü yéma nanangúexẽxẽ ga duü̃xü̃gü. Rü yema duü̃xü̃gü rü naba̱i̱xãchiãẽgü namaxã ga norü ore. Rü ñanagürügü: —¿Ngextá nüxü̃ nacua̱x i ngẽma ngu̱xẽẽtae? ¿Rü ñuxãcü nüxü̃ nacua̱x nax naxüaxü̃ i ngẽma mexü̃gü i taxü̃gü i Tupanaarü poramaxã naxüxü̃?

Ore i mexü̃ ga Matéu ümatüxü̃ 22:33

Rü yexguma yemaxü̃ naxĩnüegu ga duü̃xü̃gü, rü guxü̃ma naba̱i̱xãchiãẽgü namaxã ga norü ngu̱xẽẽtae ga Ngechuchu.

Ore i mexü̃ ga Márcu ümatüxü̃ 6:2

Rü yexguma ngü̃xchigaarü ngunexü̃wa nanguxgu rü inanaxügü nax nangúexẽẽtaexü̃ ga ngutaque̱xepataü̃wa. Rü yema muxü̃ma ga duü̃xü̃gü ga yéma irüxĩnüexü̃, rü naba̱i̱xãchiãẽgü. Rü nügüna nacagüe rü ñanagürügü: —¿Ngextá naxca̱x nangu̱x i guxü̃ma i ngẽma ngu̱xẽẽtae? ¿Rü ngextá nanayaxu i ngẽma cua̱x? ¿Rü ñuxãcü nanaxü i ngẽma mexü̃gü i taxü̃gü i naxüxü̃?

Ore i mexü̃ ga Márcu ümatüxü̃ 11:18

Natürü yexguma yemaxü̃ naxĩnüegu ga chacherdótegüarü ãẽ̱xgacügü rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü inanaxügüe ga naxca̱x nax nadaugüxü̃ ga ñuxãcü Ngechuchuxü̃ nax yama̱xgüxü̃. Natürü duü̃xü̃güxü̃ namuü̃e, rü yemaca̱x taxucürüwama duü̃xü̃güpe̱xegu nayayauxgü. Yerü nüma ga duü̃xü̃gü rü namaxã nataãẽgü ga yema Ngechuchuarü ngu̱xẽẽtae.

Ore i mexü̃ ga Luca ümatüxü̃ 2:46

Rü tomaepü̱x ga ngunexü̃guwena Ngechuchuxü̃ itayangaugü ga Tupanapata ga taxü̃negu. Rü yéma narüto natanüwa ga yema ngúexẽẽruü̃gü ga Tupanaarü mugüwa ngu̱xẽẽtaegüxü̃, rü inarüxĩnü ga norü ngu̱xẽẽtae, rü nüxna nicachigü.

Ore i mexü̃ ga Luca ümatüxü̃ 2:18

Rü guxü̃ma ga duü̃xü̃gü ga nüxü̃ ĩnüexü̃ ga yema carnérugüarü dauruü̃güarü ore rü namaxã naba̱i̱xãchiãẽgü.