Ore i mexü̃ ga Luca ümatüxü̃ 2:44 - Tupanaarü Ore

⁴⁴ Rü tüma nüxü̃ tacua̱xgügu rü yema muxü̃ ga duü̃xü̃gü ga tümaweama ne ixĩxü̃tanügu naxã ga Ngechuchu. Rü yemaacü marü itaxĩ ga wüxi ga ngunexü̃. Natürü yexguma naxca̱x tadaugügu tümatanüxü̃tanügu rü yéma tüxü̃ cua̱xgüxü̃tanügu rü tama nüxü̃ itayangaugü.

Ore i mexü̃ ga Luca ümatüxü̃ 2:44 Referans Kwoze

Ichaía 2:3

Rü muxü̃tama i duü̃xü̃gü tá ínangugü rü ñanagürügü tá: —¡Ngĩxã, rü yima ma̱xpǘne i Cori ya Tupana íngexmaxü̃gu taxĩgü rü yima Acóbuarü Tupanapata ya taxü̃nena tangaicamagü nax nüma ngéma tüxü̃ nangúexẽẽxü̃ca̱x i norü ngúchaü̃ rü ngẽmaãcü nüma nanaxwa̱xexü̃ãcüma imaxẽxü̃ca̱x! —ñanagürügü tá. Erü yima ma̱xpǘne ya Chióü̃wa tá nango̱x i Cori ya Tupanaarü ngu̱xẽẽtae rü Yerucharéü̃wa tá ínaxũxũ i norü ore.

Wiyaegü 42:4

Rü ngẽxguma ngẽmagu charüxĩnügu rü marü tama yáxna namaxã chaxĩnü i ngẽma nax chaxaxuxü̃. Rü nüxna chacua̱xãchi ga yexguma Tupanapatawa chanagagügu ga yema muxü̃ma ga duü̃xü̃gü. Rü taãẽãcü moxẽ nüxna taxã rü tanatachigaxẽxẽ.

Ore i mexü̃ ga Luca ümatüxü̃ 2:43

Rü yexguma yagúechigagu ga Üpetüchigaarü peta, rü tümachiü̃ca̱x tawoegu ga nanatü rü naé. Natürü ga Ngechuchu rü tümaechita tüxna Yerucharéü̃gu narüxã̱ũ̱x.

Ore i mexü̃ ga Luca ümatüxü̃ 2:45

Rü yemaca̱x wenaxarü Yerucharéü̃ca̱x tawoegu nax yexma naxca̱x tayadaugüxü̃ca̱x.

Ore i mexü̃ ga Luca ümatüxü̃ 23:49

Natürü guxü̃ma ga yema duü̃xü̃gü ga Ngechuchuxü̃ cua̱xgüxü̃ rü yáxü̃watama nüxü̃ narüdaunü ga yema ngupetüxü̃. Rü yema duü̃xü̃gütanüwa iyexmagü ga yema ngecügü ga Ngechuchuwe rüxĩcü ga yexguma Gariréaanewa ne naxũxgu.