Ore i mexü̃ ga Luca ümatüxü̃ 2:43 - Tupanaarü Ore

⁴³ Rü yexguma yagúechigagu ga Üpetüchigaarü peta, rü tümachiü̃ca̱x tawoegu ga nanatü rü naé. Natürü ga Ngechuchu rü tümaechita tüxna Yerucharéü̃gu narüxã̱ũ̱x.

Ore i mexü̃ ga Luca ümatüxü̃ 2:43 Referans Kwoze

Ínachoxü̃xü̃chiga 12:15

Rü ngẽma Üpetüchiga rü 7 i ngunexü̃ tá penaxüchiga. Rü guxü̃ma i ngẽma 7 i ngunexü̃gu rü paũ i ngearü pu̱xẽẽruü̃ã́xü̃xicatama tá pengõ̱xgü. Rü ngẽmaca̱x i guxü̃ma i ngẽma 7 i ngunexü̃gu rü tama penaxwa̱xe nax pepatawa pexü̃́ nangẽxmaxü̃ i ngẽma paũarü pu̱xẽẽruxü̃. Rü yíxema paũ i pu̱xẽẽruü̃ã́xü̃ ngṍxe i ngẽma 7 i ngunexü̃gu rü yíxema rü tá Iraétanüwa tüxü̃ ípeta̱xüchi.

Norü taxre ga to ga popera ga ãẽ̱xgacügüchiga ümatüxü̃ 25:17

Natürü nüma ga Amachía ga Yudáanearü ãẽ̱xgacü rü tama inaxĩnü̃chaü̃, rü norü uxcuxẽruü̃güarü ucu̱xẽgu nixũama. Rü yemaca̱x norü duü̃xü̃güxü̃ namu nax Iraéanearü ãẽ̱xgacü ga Yoá ga Yoacá nane ga Yeútaamaxã nüxü̃ yanaxugüxü̃ca̱x ga ñaa ore: —¡Ẽcü ñu̱xma nua naxũ rü yigü tadauxchiwegü! —ñanagürü.

Ore i mexü̃ ga Luca ümatüxü̃ 2:42

Rü yexguma Ngechuchu 12 ga taunecü nüxü̃́ yexmagu, rü wüxigu nanatümaxã rü naémaxã Yerucharéü̃wa naxĩ, yerü yema nixĩ ga nacüma naxca̱x ga Üpetüchigaarü peta.

Ore i mexü̃ ga Luca ümatüxü̃ 2:44

Rü tüma nüxü̃ tacua̱xgügu rü yema muxü̃ ga duü̃xü̃gü ga tümaweama ne ixĩxü̃tanügu naxã ga Ngechuchu. Rü yemaacü marü itaxĩ ga wüxi ga ngunexü̃. Natürü yexguma naxca̱x tadaugügu tümatanüxü̃tanügu rü yéma tüxü̃ cua̱xgüxü̃tanügu rü tama nüxü̃ itayangaugü.