Ore i mexü̃ ga Luca ümatüxü̃ 2:41 - Tupanaarü Ore

⁴¹ Nanatü rü naé rü gucü ga taunecügu Yerucharéü̃wa taxĩĩxü̃ naxca̱x ga Üpetüchigaarü peta.

Ore i mexü̃ ga Luca ümatüxü̃ 2:41 Referans Kwoze

Wenaxarü naxümatü ga Tupanaarü mugü 12:18

Rü guxü̃ma i ngẽma Tupanaarü ãmaregü rü penaxwa̱xe i nape̱xewa penangõ̱x nawa i ngẽma nachica i nüma nüxü̃ naxunetaxü̃. Rü ngéma perü Cori ya Tupanape̱xewa rü tá penangõ̱x wüxigu namaxã i pexacügü rü perü puracütanüxü̃ rü ngẽma Lebítanüxü̃ i petanüwa ngẽxmagüxü̃. Rü ngéma chope̱xewa tá petaãẽgü namaxã i ngẽma õna i perü puracüwa peyaxuxü̃.

Ore i mexü̃ ga Cuáü̃ ümatüxü̃ 2:13

Rü marü ningaica ga Yudíugüarü peta ga Üpetüchiga. Rü yemaca̱x ga Ngechuchu rü Yerucharéü̃wa naxũ.

1 Chamué 1:21

Rü gumá nai ga taunecügu rü nüma ga Ercaná rü naxma̱x ga Peninámaxã rü guxü̃ma ga naxacügümaxã rü ĩane ga Chilówa naxĩ nax Tupanana yéma yaxããxü̃ca̱x ga norü ãmaregü, rü nüxü̃ yanacua̱xüü̃güxü̃ca̱x yema guxcüma ga taunecügu naxüüüxü̃rüxü̃.

1 Chamué 1:3

Rü guxcüma ga taunecügu rü nüma ga Ercaná rü wüxigu naxma̱xgümaxã guma ĩane ga Chilówa naxũũxü̃ nax Tupana ya Guxãétüwa Ngẽxmacüxü̃ yanacua̱xüü̃xü̃ca̱x, rü naxca̱x yaguãxü̃ca̱x ga norü ãmare. Rü gumá ĩanewa nayexma ga chacherdóte ga Erí ga taxre ga nanegü nüxü̃́ yexmacü. Rü nümagü rü ta chacherdótegü nixĩgü. Rü wüxi rü Oní nixĩ ga naéga, rü yema to rü Fineéx nixĩ ga naéga.

Wenaxarü naxümatü ga Tupanaarü mugü 16:16

Rü guxü̃ma i yatüxü̃gü rü wüxichigü ya taunecügu rü name nax tomaepü̱xcüna Cori ya perü Tupanape̱xewa naxĩxü̃ nawa i ngẽma nachica i nüma nüxü̃ naxunetaxü̃. Rü ñaagü nixĩ i ngẽma petagü i nagu Tupanape̱xewa naxĩxü̃: Paũ i Ngearü Pu̱xẽẽruü̃ã́xü̃, rü Nanetüarü Buxgüchiga, rü Düxenügüchiga. Rü ngẽma petachigagügu rü tama name nax texé ngẽãcume̱xẽãcüma Cori ya Tupanape̱xewa taxuxü̃.

Wenaxarü naxümatü ga Tupanaarü mugü 12:11

Rü ngẽxguma ngẽma naanewa pengẽxmagügu rü nüma ya Cori ya Tupana rü tá nüxü̃ naxuneta i wüxi i nachica i nüma tá nawa nangẽxmaxü̃. Rü ngéma tá naxca̱x peyadai rü ípenagu i perü ãmaregü i naxü̃nagü. Rü ngéma tá penange i perü diẽru i diésmugü, rü ngẽma diẽru i Tupanaarü puracüca̱x ipexãxü̃, rü ngẽma perü nanetüarü o i rümemaegüxü̃ i pexueguxü̃ nax Tupanana penaxãxü̃.

Iraétanüxü̃arü muxchiga 28:16

Rü wüxichigü ya taunecüarü nüxíraü̃cü ya tauemacüarü 14 gu rü tá chauégagu penaxüchiga i ngẽma Üpetüchiga.

Lebítanüxü̃arü puracüchiga 23:5

Rü yimá nüxíraü̃cü ya tauemacüarü 14 arü yáuanecü, rü tá chauégagu penaxüchiga i ngẽma Üpetüchiga.

Ínachoxü̃xü̃chiga 34:23

Rü choma ya Iraétanüxü̃arü Tupana nax chixĩxü̃ rü chanaxwa̱xe i wüxichigü ya taunecügu tomaepü̱xcüna cha̱u̱xca̱x naxĩ i guxü̃ma i yatügü.

Ínachoxü̃xü̃chiga 12:14

Rü pema rü guxcüma ya taunecügu tá Cori ya Tupanaca̱x penaxüchiga i ñaa ngunexü̃ nax ngẽmaãcü pema rü petaagü nüxna pecua̱xãchiexü̃ca̱x i ngẽma tá pexca̱x chaxüxü̃.

Ore i mexü̃ ga Cuáü̃ ümatüxü̃ 13:1

Rü marü íxraxü̃ nataxu nax nawa nanguxü̃ ga yema Yudíugüarü peta ga Üpetüchiga. Rü Ngechuchu nüxü̃ nacua̱x nax marü nawa nanguxü̃ nax ñoma ga naanewa yaxũxü̃ rü wenaxarü Nanatüxü̃tawa nax naxũxü̃. Rü nüma rü guxü̃guma tüxü̃ nangechaü̃ ga guxema noxrü ixĩgüxe ga ñoma i naanewa ngẽxmagüxe.

Ore i mexü̃ ga Cuáü̃ ümatüxü̃ 11:55

Rü marü ningaica ga yema Yudíugüarü peta ga Üpetüchiga. Rü yemaca̱x muxü̃ma ga duü̃xü̃gü ga nai ga ĩanecüã̱x rü Yerucharéü̃wa naxĩ nax Tupanaca̱x nügü yamexẽẽgüxü̃ca̱x naxü̃pa ga yema peta.

Ore i mexü̃ ga Cuáü̃ ümatüxü̃ 6:4

Rü marü ningaica ga yema Yudíugüarü peta ga Üpetüchiga.

Ínachoxü̃xü̃chiga 12:11

Rü ngẽxguma penangõ̱xgu rü tá peyange ya perü naixmena̱xã, rü meama penga̱xãẽgüãcüma rü pechapatuã̱xgüãcüma tá pepaxaãxẽ nax penangõ̱xgüxü̃ i ngẽma namachi. Rü ngẽma chütaxü̃ rü Coriarü Üpetüchiga tá nixĩ i naéga.

Ore i mexü̃ ga Luca ümatüxü̃ 2:42

Rü yexguma Ngechuchu 12 ga taunecü nüxü̃́ yexmagu, rü wüxigu nanatümaxã rü naémaxã Yerucharéü̃wa naxĩ, yerü yema nixĩ ga nacüma naxca̱x ga Üpetüchigaarü peta.