Ore i mexü̃ ga Luca ümatüxü̃ 2:40 - Tupanaarü Ore

⁴⁰ Rü gumá bucü rü niyachigü, rü yexeraãcü niporachigü, rü yexeraãcü nüxü̃ nicuáchigü. Rü Tupana rü namaxã nataãxẽ rü nüxü̃ narüngü̃xẽxẽ.

Ore i mexü̃ ga Luca ümatüxü̃ 2:40 Referans Kwoze

Ore i mexü̃ ga Luca ümatüxü̃ 2:52

Rü niyachigü ga Ngechuchu, rü yexeraãcü nüxü̃ nicuáchigü. Rü Tupana rü namaxã nataãxẽ, rü guxü̃ma ga duü̃xü̃gü rü ta namaxã nataãẽgü.

Ore i mexü̃ ga Luca ümatüxü̃ 1:80

Rü gumá bucü rü niyachigü rü wüxichigü ga ngunexü̃gu yexeraãcü Tupanagu narüxĩnü rü naxca̱x namaxü̃. Rü chianexü̃ ga taxúema íxãpataxü̃wa nayexma ñu̱xmata nawa nangu ga yema ngunexü̃ ga Iraétanüxü̃ca̱x nügü nango̱xẽẽxü̃.

Ore i mexü̃ ga Cuáü̃ ümatüxü̃ 1:14

Rü nüma ya yimá Nane ya Tupanaarü Oregu ãégacü rü duü̃xü̃xü̃ nügü nixĩxẽxẽ. Rü totanüwa namaxü̃ rü nüxü̃ tadaugü ga norü üüne ga Nanatüxü̃tawa nayaxuxü̃, yerü Nane ga nügümaxã wüxicacü nixĩ. Rü nüma ga Nane rü poraãcü duü̃xü̃güxü̃ nangechaxü̃ rü aixcüma nixĩ ga norü ore.

1 Chamué 2:26

Rü yoxni ga nüma ga gumá ngextü̱xücü ga Chamué rü niyachigü. Rü Cori ya Tupana rü poraãcü namaxã nataãxẽ, rü duü̃xü̃gü rü ta namaxã nataãẽgü.

1 Chamué 3:19

Rü nüma ga Chamué rü niyachigü. Rü Cori ya Tupana rü nüxü̃ narüngü̃xẽxẽ. Rü guxü̃ma ga norü uneta ga Chamuémaxã nüxü̃ yaxuxü̃ rü nayanguxẽxẽ.

Ore i mexü̃ ga Luca ümatüxü̃ 2:47

Rü guxü̃ma ga yema duü̃xü̃gü ga Ngechuchuxü̃ ĩnüexü̃, rü namaxã naba̱i̱xãchiãẽgü ga norü cua̱x rü norü ngãxü̃ga.

Wiyaegü 22:9

Natürü cumax, Pa Corix, nixĩ i chauéanüwa choxü̃ cubuxẽẽxü̃ rü chauéarü mixĩwa choxna cudau rü choxü̃ cupexẽẽxü̃.

1 Chamué 2:18

Rü nüma ga gumá bucü ga Chamué rü niyachigü rü Cori ya Tupanaaxü̃́ napuracü. Rü naxchiru rü chacherdótegüchirurüxü̃ nixĩ nax línuchinaxca̱x yixĩxü̃.

Ãẽ̱xgacügü ga guxchaxü̃güarü mexẽxẽruü̃gü 13:24

Rü yexguma nabuxgu ga yema buxü̃ rü Chanchóü̃gu nanaxüéga. Rü yexguma yayaxchigügu, rü Tupana rü poraãcü nüxü̃ narüngü̃xẽxẽ.

Norü taxre ga popera ga Timutéuca̱x naxümatüxü̃ ga Pauru 2:1

Rü ñu̱xma, Pa Chaune, Pa Timutéux, ¡rü cugü naporaxẽxẽ namaxã i ngẽma pora ya Ngechuchu ya Cristu tüxna ãxü̃!

Efesios 6:10

Rü ñu̱xmax, Pa Chauenexẽgüx, rü name nixĩ i pegü peporaexẽxẽ namaxã i ngẽma pora i tórü Coriwa ne ũxü̃.

Ngechuchuarü ngúexü̃gü ga yamugüxü̃arü puracüchiga 4:33

Rü yema ngúexü̃gü ga Ngechuchu imugüxü̃ nax Tupanaarü puracü naxügüxü̃ca̱x, rü Tupanaarü poramaxã nüxü̃ nixugüe nax wena namaxü̃xü̃ ga Cori ga Ngechuchu. Rü Tupana rü poraãcü nüxü̃ narüngü̃xẽxẽ ga guxü̃ma ga yema yaxõgüxü̃.

Wiyaegü 45:2

Rü cumax, Pa Ãẽ̱xgacüx, rü guxü̃ i yatügüxü̃ curümemae. Rü ngẽma curü dexa i cua̱xwa ixũxũxü̃ rü namexẽchi. Erü ya Tupana rü guxü̃guma cuxü̃ narüngü̃xẽxẽ.

1 Chamué 2:21

Rü nüma ga Cori ya Tupana rü Ánaxü̃ narüngü̃xẽxẽ rü yemaca̱x iyaxãxacüchigü. Rü yemaacü tomaepü̱xwa nangu ga ngĩne rü taxre ga ngĩxacü. Rü yoxni ga gumá ngĩne ga Chamué rü Tupanape̱xewa niyachigü.