Ore i mexü̃ ga Luca ümatüxü̃ 2:36 - Tupanaarü Ore

³⁶ Rü yéma ta iyexma ga wüxi ga ngecü ga Tupanaarü orearü uruxü̃. Rü Ána nixĩ ga ngĩéga. Rü Penuéxacü iyixĩ, rü Achétücumüwa ixü. Rü marü yaxguã̱xü̃chi iyixĩ. Rü yexguma napaxüchigutama ixãte. Natürü 7 ga taunecüguxicatama ngĩtexü̃tawa iyexma, yerü nayu ga ngĩte.

Ore i mexü̃ ga Luca ümatüxü̃ 2:36 Referans Kwoze

Ngechuchuarü ngúexü̃gü ga yamugüxü̃arü puracüchiga 21:9

Rü nüma nüxü̃́ iyexma ga ãgümücü ga naxacügü ga taguma ixãtecü ga Tupanaarü orexü̃ ixugüecü.

Ínachoxü̃xü̃chiga 15:20

Rü yexguma ngĩma ga María ga Aróü̃eya̱x ga Tupana ngĩmaxã idexacü rü inayaxu ga wüxi ga panderu rü ipaxeta rü iwiyae. Rü yexgumarüxü̃ ta ga yema naigü ga ngecügü rü inapaxgü ga panderugü rü íyaxü̃ãchitanüxü̃.

1 Corintios 12:1

Pa Chauenexẽgüx, chanaxwa̱xe i nüxü̃ pecua̱x nax ñuxãcü yixĩxü̃ i ngẽma cua̱x rü ngẽma tauxcha i Tupanaãxẽ ya Üünecü tüxna ãxü̃.

Ngechuchuarü ngúexü̃gü ga yamugüxü̃arü puracüchiga 2:18

Rü ngẽma ngunexü̃gügu rü chorü duü̃xü̃gütanüwa tá chanamu i Chauãxẽ ya Üünecü, rü nümagü tá nüxü̃ nixugügü i chorü ore.

Wiyaegü 92:14

Rü woo ngẽxguma nayaegu rü tá nixãxacüetanüama rü guxü̃gutáma naporae.

Yox 5:26

Rü ngẽxguma o̱xiwa cunguxgu rü tá cuporaama rü ñoma wüxi i triguya̱xa i natanüwa dauxü̃rüxü̃ tá quixĩ.

Norü taxre ga popera ga ãẽ̱xgacügüchiga 22:14

Rü nüma ga Irichía, rü Aicáü̃, rü Abúru, rü Chapáü̃, rü Achaía rü ngĩxü̃tawa naxĩ ga yema orearü uruxü̃ ga Úda ga Charúü̃ naxma̱x. Rü nüma ga Charúü̃ rü Tibá nane nixĩ rü Arátaxa nixĩ. Rü nüma ga Ará rü chacherdótegüchiruarü dauruxü̃ nixĩ. Rü ngĩma ga Úda rü Yerucharéü̃wa yema yexwaca̱xü̃ ga ĩanegu ĩ̱xãchiü̃.

Ãẽ̱xgacügü ga guxchaxü̃güarü mexẽxẽruü̃gü 4:4

Rü yexgumaxü̃cüü rü wüxi ga nge ga Déboragu ãégacü iyixĩ ga Iraétanüxü̃maxã icua̱xcü. Rü ngĩma rü Tupanaarü orearü uruxü̃ iyixĩ rü Lapidóx nixĩ ga ngĩte.

Yochué 19:24

Yema norü wüxime̱e̱xpü̱x ga naane ga sortéuãcü iyanuxü̃ rü Achétücumüarü duü̃xü̃güna naxǘ.

1 Chamué 1:2

Rü gumá Ercaná rü nüxü̃́ iyexma ga taxre ga naxma̱x. Rü wüxi ga naxma̱x rü Ána nixĩ ga ngĩéga, rü yema nai ga naxma̱x rü Peniná nixĩ ga ngĩéga. Rü yema naxma̱x ga Peniná rü ixãxacü, natürü ga yema naxma̱x ga Ána rü ingexacü.

Echequié 13:17

Rü nüma ga Cori ya Tupana rü ñanagürü choxü̃: —Rü ñu̱xma, Pa Yatüx, ¡natanüwa naxũ i ngẽma curü ĩanecüã̱x i ngexü̃gü i chauégagu nüxü̃ ixugüxü̃ i ore i nügüxãẽwatama nayauxgüxü̃ nax ta̱xacü tá ngupetüxü̃!

Ore i mexü̃ ga Luca ümatüxü̃ 2:35

Rü nüma tá nanango̱xẽxẽãma i ngẽma naãxẽwa nagu naxĩnüexü̃ i muxü̃ma i duü̃xü̃gü. Natürü ngẽma nüxü̃ tá ngupetüxü̃gagu rü ngúxü̃ tá quinge, Pa Maríax, ñoma wüxi i tara i curü maxü̃newa yarüwáxü̃rüxü̃”, ñanagürü.

Ore i mexü̃ ga Luca ümatüxü̃ 2:38

Rü yexguma Chimeóü̃ idexayane, rü yéma ingu ga Ána, rü Tupanana moxẽ ixã. Rü iinaxügü ga bucü ga Ngechuchuchiga nax yadexaxü̃ nape̱xewa ga guxü̃ma ga yema duü̃xü̃gü ga ínangu̱xuxẽẽgüxü̃ nax norü uanüme̱xẽwa ínanguxuchixü̃ ga Yerucharéü̃.

1 Corintios 11:5

Natürü ngẽxguma chi wüxi i ngecü ngutaque̱xewa yumüxẽgu rü ẽ̱xna Tupanaarü orexü̃ yaxuxgu, rü chi tama ngĩgü natüerugu, rü ngẽma rü wüxi i chixexü̃ nixĩ i ngĩtepe̱xewa naxüxü̃. Rü ñoma ngĩgü yadüeruxü̃rüxü̃ iyixĩ.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:2

Rü yíxema yaxõgüxü̃arü ãẽ̱xgacü rü tanaxwa̱xe nax aixcüma mecü tixĩxü̃ nax taxúema tümachiga chixri idexaxü̃ca̱x. Rü tanaxwa̱xe i wüxixicatama tixĩ ya tümama̱x, rü aixcüma mea tamaxü̃, rü mexü̃gu tarüxĩnü, rü duü̃xü̃gü rü tüxü̃ nangechaü̃gü rü tümaga naxĩnüe. Rü tanaxwa̱xe i ítamemare nax duü̃xü̃güxü̃ tayaxuxü̃ i tümapatawa, rü ngẽxgumarüxü̃ ta ítamemare nax duü̃xü̃güxü̃ tangúexẽẽxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:9

Rü ngẽxguma chi wüxi i ngexü̃ i yutexü̃ naxca̱x ícaxgu nax ngẽma yaxõgüxü̃ ngĩxü̃ rüngü̃xẽẽgüxü̃ca̱x rü tanaxwa̱xe i 60 ya taunecüarü yexera ngĩxü̃́ nangẽxma rü wüxitama nixĩ ga ngĩte.