Ore i mexü̃ ga Luca ümatüxü̃ 2:20 - Tupanaarü Ore

²⁰ Rü nawoegu ga yema carnérugüarü dauruü̃gü. Rü taãẽãcüma Tupanaxü̃ nicua̱xüü̃gü naxca̱x ga guxü̃ma ga yema nüxü̃ naxĩnüexü̃ rü nüxü̃ nadaugüxü̃, yerü guxü̃ma ga yema orearü ngeruü̃gü ga daxũcüã̱x namaxã nüxü̃ ixuxü̃ãcüma nüxü̃ nadaugü.

Ore i mexü̃ ga Luca ümatüxü̃ 2:20 Referans Kwoze

Ichaía 29:19

Rü ngẽma iraxü̃ nüxü̃́ ngẽxmagüxü̃ rü Cori ya Tupanamaxã tá nataãẽgü. Rü woo i ngẽma ngearü diẽruã̱xgüxü̃ rü tá Iraétanüxü̃arü Tupana ya üünecümaxã nataãẽgü.

Wiyaegü 106:48

¡Guxü̃guma namexẽchi ya yimá tórü Cori ya Iraétanüxü̃arü Tupana! Rü name nixĩ i guxü̃ma i duü̃xü̃gü rü ñanagürügü: —Ngẽmaãcü yixĩ —ñanagürügü. ¡Rü ngĩxã tórü Cori ya Tupanaxü̃ ticua̱xüü̃gü!

Ngechuchuarü ngúexü̃gü ga yamugüxü̃arü puracüchiga 11:18

Rü yexguma yema orexü̃ naxĩnüegu ga yema yaxõgüxü̃ ga Yerucharéü̃cüã̱x, rü nachianegümare. Rü Tupanaxü̃ nicua̱xüü̃gü. Rü ñanagürügü: —Rü ngẽmawa nüxü̃ tacua̱x nax Tupana tüxü̃ dexü̃ ya yíxema woo tama Yudíugü ixĩgüxe. Rü ngẽxguma nüxü̃ tarüxoegu i tümaarü chixexü̃ rü Tupanaca̱x tadaugügu, rü nüma tüxna nanaxã i maxü̃ i taguma gúxü̃ —ñanagürügü.

Ore i mexü̃ ga Luca ümatüxü̃ 18:43

Rü yexgumatama nidauuchi ga gumá ngexetücü, rü Ngechuchuwe narüxũ, rü Tupanaxü̃ nicua̱xüxü̃chigü. Rü guxü̃ma ga duü̃xü̃gü ga nüxü̃ daugüxü̃ ga yema ngupetüxü̃, rü yexgumarüxü̃ ta Tupanaxü̃ nicua̱xüü̃gü.

Ore i mexü̃ ga Matéu ümatüxü̃ 9:8

Rü yexguma yemaxü̃ nadaugügu ga duü̃xü̃gü, rü poraãcü namuü̃e. Rü Tupanaxü̃ nicua̱xüü̃gü, rü ñanagürügü: —Moxẽ, Pa Tupanax, erü cunaporaxẽxẽ i ñaa yatü nax ngẽmaãcü mexü̃ toxca̱x naxüxü̃ca̱x —ñanagürügü.

Wiyaegü 107:21

Rü name nixĩ i Cori ya Tupanana moxẽ pexãgü naxca̱x i norü ngechaü̃ rü norü ngü̃xẽxẽ i pexna naxãxü̃.

Wiyaegü 107:15

Rü name nixĩ i Cori ya Tupanana moxẽ pexãgü naxca̱x i norü ngechaü̃ rü norü ngü̃xẽxẽ i pexna naxãxü̃.

Wiyaegü 107:8

Rü name nixĩ i Cori ya Tupanana moxẽ naxãgü naxca̱x i norü ngechaü̃ rü norü ngü̃xẽxẽ i nüxna naxãxü̃.

Ore i mexü̃ ga Márcu ümatüxü̃ 1:7

Rü Cuáü̃ rü yema nüxü̃ yaxuxü̃ ga orewa, rü ñanagürü: —Choweama tá ínangu ya wüxi ya poraãcü choxü̃ rüyexeracü. Rü choma rü taxuwama chame rü bai nax ichayarümaxãchixü̃ nax íchayawẽxü̃ca̱x i norü chapatucunügü.