Ore i mexü̃ ga Luca ümatüxü̃ 2:12 - Tupanaarü Ore

¹² Rü ñaa tá nixĩ i perü cua̱xruxü̃. Rü tá nüxü̃ ipeyangau ya wüxi ya bucü ya naxchápenüxü̃maxã nuquecü ya wocaarü chibüchicagu cacü —ñanagürü.

Ore i mexü̃ ga Luca ümatüxü̃ 2:12 Referans Kwoze

Ichaía 7:14

Rü nümatama ya Cori ya Tupana rü tá pexü̃ nüxü̃ nadauxẽxẽ i wüxi i cua̱xruxü̃. Rü ngẽma pacü i taguma yatüxü̃ cua̱xcü rü tá ngürü ixãxacü. Rü yimá ngĩne rü tá Emanuégu inaxüéga.

Ichaía 7:11

—¡Choxna naxca̱x naca nax dauxü̃wa rüe̱xna ñoma i naanewa chanaxüxü̃ i wüxi i mexü̃ i chorü poramaxã chaxüxü̃ nax ngẽmawa nüxü̃ cucuáxü̃ca̱x nax aixcüma yixĩxü̃ i ngẽma cumaxã nüxü̃ chixuxü̃! —ñanagürü.

Wiyaegü 22:6

¿Rü ñu̱xma rü ta̱xacüca̱x tama cunangãxü̃ i chorü yumüxẽ? ¿Ẽ̱xna wüxi i õxmi chixĩ rü tama wüxi i duü̃xü̃ chixĩ? Rü duü̃xü̃gü rü choxü̃ naxoe.

Norü taxre ga popera ga ãẽ̱xgacügüchiga 20:8

Rü nüma ga Echequía rü Ichaíana naca rü ñanagürü: —¿Ta̱xacürü cua̱xruü̃wa tá nixĩ i nüxü̃ chacuáxü̃ nax Cori ya Tupana cha̱u̱xca̱x yataanexẽxẽxü̃, rü tomaepü̱x i ngunexü̃guwena rü napata ya taxü̃newa tá nax chaxũxü̃? —ñanagürü.

Norü taxre ga popera ga ãẽ̱xgacügüchiga 19:29

Rü yemawena ga Ichaía rü Echequíaxü̃ ñanagürü: —Cuxna tá chanaxã i wüxi i cua̱xruxü̃ nax ngẽmawa nüxü̃ cucuáxü̃ca̱x nax ta̱xacü tá ngupetüxü̃. Rü doma taunecügu rü yimá nai ya taunecügu rü pema rü tá penangõ̱x i ngẽma trigu i nüechamatama rüxügüxü̃. Natürü yimá norü tomaepü̱x ya taunecügu rü tá name nax pitoegüxü̃ rü peyabuxgüxü̃ i penetüarü o. Rü tá name nax úbamaxã pitoegüxü̃ rü penangṍxü̃ i norü o.

1 Chamué 2:34

Rü wüxi i curü cua̱xruxü̃ tá nixĩ i ngẽma taxre i cune i Oní rü Fineéxü̃ ngupetüxü̃, erü ngẽma taxre rü ngẽmatama i ngunexü̃gu tá nayue.

Ínachoxü̃xü̃chiga 3:12

Rü nüma ga Tupana rü nanangãxü̃, rü ñanagürü: —Choma rü tá chacuxü̃tagu. Rü ñaa tá nixĩ i cua̱xruxü̃ nax chomatama cuxü̃ ngéma chamuxü̃. Rü ngẽxguma tá Equítuanewa marü ícunanguxü̃ẽẽgu i chorü duü̃xü̃gü, rü guxãma i pema rü daa ma̱xpǘnewa tá choxü̃ peyarücua̱xüü̃gü —ñanagürü.

Ore i mexü̃ ga Luca ümatüxü̃ 2:7

Rü yexma nabu ga nüxíraü̃cü ga ngĩne. Rü naxchápenüxü̃maxã inanuque. Rü wüxi ga wocaarü chibüchicagu inacanagüxẽxẽ, yerü guma ĩanearü pegüpataü̃ rü naxããcu.

Ore i mexü̃ ga Luca ümatüxü̃ 2:13

Rü ngürüãchi yema daxũcüã̱x ga orearü ngeruü̃xü̃tawa nango̱x ga muxü̃ma ga togü ga daxũcüã̱x ga orearü ngeruü̃gü. Rü Tupanaxü̃ nicua̱xüü̃gü, rü ñanagürügü: