Ore i mexü̃ ga Luca ümatüxü̃ 19:8 - Tupanaarü Ore

⁸ Rü yexguma ga Chaquéu rü inachi rü ñanagürü Ngechuchuxü̃: —Dücax, Pa Corix, choma rü ngẽma ngearü diẽruã̱xgüxü̃na tá chanaxã i ngãxü̃gu i guxü̃ma i chorü ngẽmaxü̃gü. Rü ngẽxguma chi texé tüxü̃ chawomüxẽẽãcüma tüxü̃́ changíxgu, rü ãgümücüe̱xpü̱xcüna tá tüxü̃́ ngĩxü̃ chatáeguxẽxẽ i ngẽma tümaarü diẽru —ñanagürü.

Ore i mexü̃ ga Luca ümatüxü̃ 19:8 Referans Kwoze

2 Chamué 12:6

Rü 4 e̱xpü̱xcüna tá tüxü̃ naxütanü ya yíxema carnéruxacü, erü tama nüxü̃́ tangechaxü̃tümüxü̃ãcüma nanaxü i ngẽma —ñanagürü.

Iraétanüxü̃arü muxchiga 5:7

Rü ngẽma duü̃xü̃ i chixexü̃ üxü̃ rü name nax nüxü̃ yaxuxü̃ i ngẽma norü chixexü̃. Rü nanaxwa̱xe nax naxütanüãxü̃ i ngẽma naxca̱x nangĩ́xü̃. Rü ngẽmaétü tá tanaxütanü i wüxi i norü 5 arü yauxye i ngẽma naxca̱x nangĩ́xü̃.

Ucu̱xẽgüchiga 6:31

Natürü ngẽxguma chi texé íyanguéxü̃gu nax nangĩ́xü̃ rü nanaxwa̱xe nax 7 e̱xpü̱xcüna natáeguxẽẽxü̃ i ngẽma naxca̱x nangĩ́xü̃, rü naétü rü ta guxü̃ma i nüxü̃́ ngẽxmaxü̃maxã nanaxütanü.

Ore i mexü̃ ga Luca ümatüxü̃ 12:33

¡Rü namaxã petaxe i perü ngẽmaxü̃gü i pexü̃́ ngẽmagüxü̃, rü togü i duü̃xü̃gü i nüxü̃́ nataxuxü̃na penaxã i ngẽma diẽru! Rü ngẽmaãcü tá pegüxü̃́ penangexmaxẽxẽ i perü ngẽmaxü̃gü i taguma pexü̃́ ngauxü̃ rü taguma gúxü̃ i daxũguxü̃ i naanewa i ngextá ngĩ́ta̱xagüxü̃ tama íyaxücuxü̃wa rü naweane tama ínachixexẽẽxü̃wa.

Ore i mexü̃ ga Luca ümatüxü̃ 16:9

Rü pemaxã nüxü̃ chixu rü ngẽma diẽru i tama aixcüma mexü̃ i ñoma i naanewa pexü̃́ ngẽxmaxü̃ rü name nixĩ i ngẽmamaxã nüxü̃́ penangúchaü̃xẽxẽ i duü̃xü̃gü nax Tupanaxü̃tawa nangugüxü̃. Rü ngẽmaãcü i ngẽxguma nagu̱xgu i ngẽma ñoma i naanewa pexü̃́ ngẽxmaxü̃ rü peyuegu, rü tá pexü̃́ nangẽxma ya pemücügü ya pexü̃ yaxugüxü̃ i daxũguxü̃ i naanewa.

1 Chamué 12:3

Rü ñu̱xma rü daxe chixĩ. Ega ngẽxguma chi texéarü wocaca̱x rüe̱xna búruca̱x changĩ̱xgux, rüe̱xna texé chi chaxaixgu, rü chixri tümamaxã ichacua̱xgu rüe̱xna chanayauxtanügu ga ta̱xacürü guxchaxü̃ chamexẽẽ̱xgu, rü marü name i Cori ya Tupanape̱xewa rü nape̱xewa ya yimá ãẽ̱xgacü ya Tupana nüxü̃ unetacü, rü choxü̃ ípexuaxü̃. Rü choma rü tá chanaxütanü i ngẽma pexü̃́ changetanüxü̃ —ñanagürü.

Ore i mexü̃ ga Luca ümatüxü̃ 11:41

Rü name nixĩ i curü diẽruwa ngẽma ngearü diẽruã̱xgüxü̃na penaxã. Rü ngẽmaãcü tá pime i guxü̃wama.

Ore i mexü̃ ga Luca ümatüxü̃ 7:13

Rü yexguma Cori ga Ngechuchu gumá yucüarü mamaxü̃ da̱u̱xgu, rü nüxü̃́ ingechaü̃tümüxü̃. Rü ñanagürü ngĩxü̃: —¡Taxṹ i cuxaxuxü̃! —ñanagürü.

Wiyaegü 41:1

Rü nüma ya Cori ya Tupana rü tümamaxã nataãxẽ ya yíxema nüxü̃ rüngü̃xexẽ́xẽ i tümamücü i nüxü̃́ nataxuxü̃ i pora. Rü nüma ya Cori ya Tupana rü tá tüxü̃ ínanguxuchixẽxẽ i ngẽxguma guxchaxü̃ tümaca̱x ínguxgu.

Ínachoxü̃xü̃chiga 20:16

¡Rü taxũtáma doraxü̃ quixu i cumücüchiga!

Ore i mexü̃ ga Luca ümatüxü̃ 7:19

Rü Ngechuchuxü̃tawa nanamugü. Rü Cuáü̃ rü ñanagürü nüxü̃: —¡Ngéma pexĩ rü Ngechuchuna peca rü ñapegügü nüxü̃: “¿Cuma yixĩxü̃ i Cristu i cuxü̃ ítanangu̱xẽẽxü̃, rü ẽ̱xna to tá yixĩxü̃ i Cristu?” —ñapegügü nüxü̃!

Ore i mexü̃ ga Luca ümatüxü̃ 19:7

Rü yexguma yemaxü̃ nadaugügu ga duü̃xü̃gü, rü guxü̃ma inanaxügüe ga chixri Ngechuchuchiga nax yadexagüxü̃. Rü ñanagürügü: —¿Ñuxãcü i nüma rü wüxi i duü̃xü̃ i pecaduã́xü̃patawa nangu? —ñanagürügü.