Ore i mexü̃ ga Luca ümatüxü̃ 19:47 - Tupanaarü Ore

⁴⁷ Rü guxü̃ ga ngunexü̃gu rü Tupanapata ga taxü̃newa nayanguxẽẽtae ga Ngechuchu. Natürü yema chacherdótegüarü ãẽ̱xgacügü, rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü Yerucharéü̃arü ãẽ̱xgacügü, rü naxca̱x nadaugü nax ñuxãcü tá yama̱xgüãxü̃.

Ore i mexü̃ ga Luca ümatüxü̃ 19:47 Referans Kwoze

Ore i mexü̃ ga Márcu ümatüxü̃ 11:18

Natürü yexguma yemaxü̃ naxĩnüegu ga chacherdótegüarü ãẽ̱xgacügü rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü inanaxügüe ga naxca̱x nax nadaugüxü̃ ga ñuxãcü Ngechuchuxü̃ nax yama̱xgüxü̃. Natürü duü̃xü̃güxü̃ namuü̃e, rü yemaca̱x taxucürüwama duü̃xü̃güpe̱xegu nayayauxgü. Yerü nüma ga duü̃xü̃gü rü namaxã nataãẽgü ga yema Ngechuchuarü ngu̱xẽẽtae.

Ore i mexü̃ ga Matéu ümatüxü̃ 26:55

Rü yexguma ga Ngechuchu rü ñanagürü nüxü̃ ga yema duü̃xü̃gü: —¿Tü̱xcüü̃ taragü rü naixmena̱xãgümaxã cha̱u̱xca̱x nua pexĩ nax choxü̃ peyarüyauxgüxü̃ca̱x ñoma wüxi i ngĩ́ta̱xaxü̃rüxü̃? Rü guxü̃ ga ngunexü̃gu rü Tupanapata ya taxü̃newa changu̱xẽẽtae, natürü taguma yexma choxü̃ piyauxgü.

Ore i mexü̃ ga Cuáü̃ ümatüxü̃ 18:20

Rü Ngechuchu ñanagürü nüxü̃: —Choma rü guxü̃ ga duü̃xü̃güpe̱xewa nüxü̃ chixu ga chorü ore. Rü ngutaque̱xepataü̃güwa rü Tupanapata ya taxü̃newa i ngextá guxü̃ma i Yudíugü íngutaque̱xegüxü̃wa chanangúexẽxẽ ga duü̃xü̃gü. Rü yemaacü taxuxü̃ma ichicu̱x ga chorü ore.

Ore i mexü̃ ga Cuáü̃ ümatüxü̃ 10:39

Rü wenaxarü Ngechuchuxü̃ niyauxgüchaü̃ ga yema Yudíugü. Natürü nüma ga Ngechuchu rü na̱xcha̱xwa niña.

Ore i mexü̃ ga Cuáü̃ ümatüxü̃ 7:44

Rü ñuxre ga yema duü̃xü̃gü rü Ngechuchuxü̃ niyauxgüchaü̃, natürü taxuxü̃ma nayayauxgü.

Ore i mexü̃ ga Cuáü̃ ümatüxü̃ 7:19

¿Tama ẽ̱xna aixcüma yixĩxü̃ ga Tupanaarü mugü ga Moiché pexna ãxü̃? Natürü taxúema i pema naga pexĩnüe i ngẽma mugü. ¿Rü ñu̱xma rü tü̱xcüü̃ nixĩ i choxü̃ pima̱xgüchaü̃xü̃? —ñanagürü.

Ore i mexü̃ ga Márcu ümatüxü̃ 14:1

Rü taxre ga ngunexü̃ nataxu nax nawa nanguxü̃ ga Yudíugüarü peta ga Üpetüchiga ga nagu nangõ̱xgüãxü̃ ga paũ ga ngearü pu̱xẽẽruü̃ã́xü̃. Rü nümagü ga chacherdótegüarü ãẽ̱xgacügü rü ngúexẽẽruü̃gü ga mugüwa ngu̱xẽẽtaegüxü̃ rü naxca̱x nadaugü nax ñuxãcü bexma duü̃xü̃güechita Ngechuchuxü̃ yayauxgüxü̃ nax yama̱xgüãxü̃ca̱x.

Ore i mexü̃ ga Márcu ümatüxü̃ 12:12

Rü yexguma ga yema chacherdótegüarü ãẽ̱xgacügü, rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü Yudíugüarü ãẽ̱xgacügü, rü Ngechuchuxü̃ niyauxgüchaü̃. Yerü nüxü̃ nacua̱xgü ga nachiga nax yixĩxü̃ ga yema ore ga cua̱xruü̃gu yaxuxü̃. Natürü duü̃xü̃güxü̃ namuü̃e rü yemaca̱x taxuxü̃ma namaxã naxüe. Rü nüxna yéma ínixĩmare.

Ore i mexü̃ ga Matéu ümatüxü̃ 21:23

Rü yema ñaxguwena ga Ngechuchu rü Tupanapata ga taxü̃negu naxücu. Rü yexguma yéma ínangu̱ẽẽtaeyane rü naxca̱x naxĩ ga chacherdótegüarü ãẽ̱xgacügü rü Yudíugüarü ãẽ̱xgacügü. Rü Ngechuchuna nacagüe rü ñanagürügü: —¿Texégagu cunaxü i ngẽma nua cuxüxü̃? ¿Rü texé cuxna taxãga nax cunaxüxü̃ca̱x i ngẽma? —ñanagürügü.

Ore i mexü̃ ga Márcu ümatüxü̃ 14:49

Rü guxü̃ ga ngunexü̃gu rü petanüwa chayexma ga yexguma Tupanapata ga taxü̃newa changu̱xẽẽtaegu, rü taguma choxü̃ piyauxgü. Natürü ñaa ñu̱xma ngupetüxü̃, rü nangupetü nax yanguxü̃ca̱x i Tupanaarü ore i ümatüxü̃ —ñanagürü.

Ore i mexü̃ ga Luca ümatüxü̃ 19:48

Natürü taxucürüwa ta̱xacü namaxã naxügü, yerü guxü̃ma ga duü̃xü̃gü rü namaxã nataãẽgü, rü mea inarüxĩnüe ga norü ore.

Ore i mexü̃ ga Luca ümatüxü̃ 20:19

Rü nüma ga yema chacherdótegüarü ãẽ̱xgacügü rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü yexgumatama Ngechuchuxü̃ niyauxgüchaü̃. Yerü nüxü̃ nacua̱xgü ga nachiga nax yixĩxü̃ ga yema ore ga cua̱xruxü̃ ga nüxü̃ yaxuxü̃. Natürü tama nayayauxgü, yerü duü̃xü̃güxü̃ namuü̃e.