Ore i mexü̃ ga Luca ümatüxü̃ 19:46 - Tupanaarü Ore

⁴⁶ Rü Ngechuchu rü ñanagürü nüxü̃: —Tupanaarü ore i ümatüxü̃wa rü ñanagürü: “Chopata rü yumüxẽpataxü̃ nixĩ”, ñanagürü. Natürü pema rü ngĩ́ta̱xaxgüxü̃pataxü̃ peyaxĩxẽxẽ —ñanagürü.

Ore i mexü̃ ga Luca ümatüxü̃ 19:46 Referans Kwoze

Yeremía 7:11

¿Ẽ̱xna nagu perüxĩnüegu ya daa ngutaque̱xepataxü̃ ya cha̱u̱xca̱x ixĩxü̃ne rü ngĩ́ta̱a̱xgüxü̃pataxü̃ nixĩ? Rü guxü̃ma i ngẽma chixexü̃ i pexüxü̃ rü nüxü̃ chadau i chomax. Rü chomatama ya Cori ya Tupana nixĩ i nüxü̃ chixuxü̃ i ngẽma.

Ore i mexü̃ ga Matéu ümatüxü̃ 23:13

Pa Ngúexẽẽruü̃gü i Mugüwa Ngu̱xẽẽtaegüxü̃ rü Pa Parichéugüx, pema rü duü̃xü̃güpe̱xewa mea pemaxẽneta. Rü wüxi i ngechaü̃ nixĩ i pexca̱x erü duü̃xü̃güaxü̃́ penaguxchaxẽxẽ nax Tupanaxü̃tawa nangugüxü̃ca̱x. Rü woo i pema rü taxũtáma ngẽxma pechocu, natürü nüxü̃́ penaguxchaxẽxẽ nax ngẽxma nachocuxü̃ca̱x i ngẽma togü i nüxü̃́ nangúchaü̃xü̃ nax ngẽxma nachocuxü̃.

Echequié 43:12

Rü ñaa nixĩ i ngẽma norü mugü ya chopata: Rü guxü̃ma i ngẽma naane i chopatagu íyadaeguxü̃ i ma̱xpǘnechitaeruwa ngẽxmaxü̃ rü wüxi i nachica i üünexü̃ tá nixĩ —ñanagürü.

Wiyaegü 93:5

Pa Corix, ngẽma curü mugü rü taguma naxüchicüü rü taguma inarüxo. Rü ngẽma curü üüne rü guxü̃guma yima cupata namaxã nanga̱xãẽ.

Ochéa 12:7

Rü Tupana rü Iraétanüxü̃xü̃ ñanarügü: —Pemax rü taxetanüxü̃ i womüxẽẽwa̱xegüxü̃ pixĩgü. Rü ngẽmaca̱x yimá perü yáruxü̃ ya tama mecümaxã nüxü̃́ pengĩ̱x i duü̃xü̃gü.

Ore i mexü̃ ga Matéu ümatüxü̃ 21:13

Rü ñanagürü nüxü̃ ga yema duü̃xü̃gü: —Tupanaarü ore i ümatüxü̃wa rü ñanagürü: “Chopata rü yumüxẽpataxü̃ nixĩ”. Natürü pema rü ngĩ́ta̱xaxgüxü̃pataxü̃ peyaxĩxẽxẽ —ñanagürü.

Ore i mexü̃ ga Márcu ümatüxü̃ 11:17

Rü inanaxügü nax nangúexẽẽtaexü̃, rü ñanagürü: —Tupanaarü ore i ümatüxü̃wa rü: “Chopata rü yumüxẽpataxü̃ tá nixĩ naxca̱x i guxü̃ma i nachixü̃anecüã̱xgü”, ñanagürü. Natürü i pema rü ngĩ́ta̱a̱xgüxü̃pataxü̃ peyaxĩxẽxẽ —ñanagürü.