Ore i mexü̃ ga Luca ümatüxü̃ 19:44 - Tupanaarü Ore

⁴⁴ Rü tá nagu napogüe ya perü ĩane, rü tá pexü̃ nadai. Rü taxucütama ya nuta ngextá nügüxétü nanugüxüra i perü ĩanearü poxeguxü̃tápü̱x. Rü ngẽmaãcü tá pexü̃ naxüpetü, yerü tama nüxü̃ pecua̱xgüchaü̃ ga yexguma Tupana pexü̃ íyada̱u̱xgu —ñanagürü.

Ore i mexü̃ ga Luca ümatüxü̃ 19:44 Referans Kwoze

Ore i mexü̃ ga Luca ümatüxü̃ 21:6

—Rü nawa tá nangu i ngunexü̃gü i guxü̃netama ya daa Tupanapata ya nüxü̃ pedauxü̃ne, rü tá nagu napogüe. Rü naxtapü̱xarü nutagü rü taxucütama nügüétü naxüxüra, rü bai ya wüxi —ñanagürü.

Auxexü̃chiga 1:8

Yerucharéü̃arü duü̃xü̃gü rü poraãcü chixexü̃ naxügü, rü yemaca̱x ga yema togü ga nachixü̃anegü rü düxwa nüxü̃ naxoe. Rü yema nachixü̃anegü ga ü̃pa Yerucharéü̃maxã taãẽgüxü̃ rü ñu̱xma rü nüxü̃ naxoe, erü nüxü̃ nadaugü nax poraãcü chixexü̃gu nanguxü̃. Rü ngẽmaca̱x i ñu̱xma i ngẽma norü duü̃xü̃gü rü naxauxe rü naxãnee, rü ngẽma togü i nachixü̃anecüã̱xgüna naxãca̱xwe̱xgümare.

Nüxíraxü̃xü̃ ga popera ga Pedru ümatüxü̃ 2:12

Rü name nixĩ i mea pemaxẽ nape̱xewa i ngẽma duü̃xü̃gü i tama Tupanaxü̃ cua̱xgüxü̃. Rü woo ñu̱xma chixri pechiga yadexagügu, natürü tá nüxü̃ nadaugü i ngẽma mexü̃ i pexügüxü̃, rü tá Tupanaxü̃ nicua̱xüü̃gü i ngẽma ngunexü̃ i nagu Tupana guxãxü̃ma icagüxü̃gu.

Ore i mexü̃ ga Luca ümatüxü̃ 19:42

Rü ñanagürü: —Pa Yerucharéü̃cüã̱xgü, chierüx ñoma i ngunexü̃gu nüxü̃ pecua̱xgu nax texé aixcüma taãxẽ pexna ãxü̃. Natürü ngẽma rü pexca̱x naxẽxü̃gu i ñu̱xma, rü taxuacüma nüxü̃ pecua̱x.

Ore i mexü̃ ga Luca ümatüxü̃ 1:68

Rü ñanagürü: “Namecümaxüchi ya tórü Cori ga tórü o̱xi ga Iraéarü Tupana. Erü núma tatanüwa nangu nax tüxü̃ nangü̃xẽẽxü̃ca̱x i yixema i norü duü̃xü̃gü nax ixĩgüxü̃.

Ore i mexü̃ ga Matéu ümatüxü̃ 24:2

Natürü Ngechuchu rü ñanagürü: —¿Nüxü̃ pedauxü̃ ya guxü̃nema ya yima ĩpatagü? Natürü pemaxã nüxü̃ chixu rü aixcüma guxü̃nema ya daa ĩpatagü rü tá nagu napogüe. Rü naxtapü̱xarü nutagü rü taxucütama nügüétü naxüxüra, rü bai ya wüxi —ñanagürü.

Danié 9:24

Rü 70 i yüxügü ngupetüguwena rü yima curü ĩane ya üünene ya Yerucharéü̃ rü ngẽma curü duü̃xü̃gü i Iraétanüxü̃ rü düxwa tá inayarüxo i norü chixexü̃ i naxügüxü̃ rü tá Tupanaga naxĩnüe. Rü Tupana tá nüxü̃́ inanaxoxẽxẽ i ngẽma norü chixexü̃gü, rü tá nüxü̃́ nüxü̃ inarüngüma i ngẽma norü chixexü̃. Rü tá ningucuchi ya yimá aixcüma mecü nax guxü̃guma norü duü̃xü̃gümaxã mea inacuáxü̃ca̱x. Rü ngẽmaãcü tá ningu ga yema Tupana cuxü̃ wéxü̃. Rü wena tá nanamexẽxẽ ya yima napata ya üünene.

Ore i mexü̃ ga Luca ümatüxü̃ 1:78

Tórü Tupana rü poraãcü nüxü̃́ tangechaü̃tümüxü̃gü. Rü ngẽmaca̱x ñoma ngexwaca̱xü̃xü̃ i ngunexü̃arü üa̱xcü ngóxü̃rüxü̃ daxũguxü̃ i naanewa taxca̱x ne nanamu i ñoma i naanearü nangóonexẽẽruxü̃ i ngexwaca̱xü̃xü̃ nax nangóonetanüxẽxẽãxü̃ca̱x i ngẽma duü̃xü̃gü i ẽanexü̃ i ãũcümaxü̃wa ngẽxmagüxü̃. Rü nüma tá tüxü̃ narüngü̃xẽxẽ nax Tupanamaxã rüngüxmüe”, ñanagürü ga Chacaría.

Ore i mexü̃ ga Márcu ümatüxü̃ 13:2

Natürü Ngechuchu nanangãxü̃, rü ñanagürü: —Pema nüxü̃ pedaugü ya guxü̃nema ya yima Tupanapataarü ĩpatagü ya taxü̃negü. Natürü pemaxã nüxü̃ chixu rü aixcüma guxü̃nema ya yima ĩpatagü rü tá nagu napogüe. Rü norü nutagü rü taxucütama nügüétü nanu, rü bai ya wüxi —ñanagürü.

Miquéa 3:12

Pa Ãẽ̱xgacügüx, pegagu rü yima ma̱xpǘne ya Chióü̃ rü wüxi i naane i ngẽxma maxẽmaxã rüxümarexü̃ tá nixĩ. Rü yima ĩane ya Yerucharéü̃ rü naxtapü̱xgüxica tá ngẽxma naxãũxchita —ñanagürü.

Wiyaegü 137:9

Rü tá nataãxẽ ya yimá curü buxü̃güxü̃ íyauxü̃cü nax nutagu yachi̱xgüãcüma nadaiaxü̃ca̱x.

Ichaía 10:3

¿Rü ta̱xacü tá pexügüxü̃ i ngẽxguma Tupana pexna caxgux naxca̱x i guxü̃ma i ngẽma chixexü̃ i pexüxü̃ rü ngẽxguma nüxü̃ peda̱u̱xgu nax yáxü̃wa pexca̱x ne naxũxü̃ i poxcu? ¿Rü texéca̱x tá pibuxmüxü̃ nax ngü̃xẽẽca̱x ípecaxü̃ca̱x? ¿Rü ngextá tá peyacu̱xgü i perü ngẽmaxü̃gü i ngẽxguma ínangugügu i perü uanügü?

Ichaía 29:3

Rü choma rü cumaxã charüxuanü, Pa Yerucharéü̃x, rü ngéma tá chanamugü i chorü churaragü nax cuxü̃ ínachomaeguãchixü̃ca̱x. Rü cucüwagu tá ichayanu i ngẽma chorü churaragü. Rü ngéma tá ichanachigüxẽxẽ ya chorü toxṍõnegü nax yimáwa cuxca̱x naxĩpetütanüxü̃ca̱x rü cuxca̱x íyaxü̃ãchixü̃ca̱x.

Yeremía 11:23

Nümagü rü tá bai i wüxi ínayaxü. Erü tá ínangu i ngunexü̃ i nagu chapoxcuexü̃ i ngẽma Anatóarü duü̃xü̃güx. Rü naxca̱x tá íchananguxẽxẽ i wüxi i taxü̃ i guxchaxü̃ i ãũcümaxü̃ —ñanagürü.

Danié 9:26

Rü ngẽma 62 i yüxüwena rü tá nayama̱xgü ya yima ãẽ̱xgacü ya mecü. Rü ngẽmawena rü tá ningucuchi i wüxi i ãẽ̱xgacü. Rü ngẽma norü duü̃xü̃gü rü tá nagu napogüe ya Yerucharéü̃ rü yima Tupanapata ya taxü̃ne. Rü ngẽma Yerucharéü̃gu nax napogüexü̃ rü ñoma wüxi ya mucü ya ngürüãchi guxü̃wama inanguanexẽẽcürüxü̃ tá nixĩ. Rü ngẽma dai rü taxũtáma ínayachaxãchi rü ñu̱xmatáta mea nagu napogüe ya yima ĩane, yerü yemaacü nanaxuegu ga Tupana.