Ore i mexü̃ ga Luca ümatüxü̃ 19:43 - Tupanaarü Ore

⁴³ Rü tá guxchaxü̃gü pexü̃ naxüpetü. Rü perü uanügü rü perü ĩanearü guxü̃cüwawa tá nanagünagüane nax nawa nachopetüxü̃ca̱x i naxtapü̱x. Rü norü churaragü tá perü ĩanexü̃ ínachomaeguãchi, rü guxü̃cüwawa tá pexca̱x nichocu.

Ore i mexü̃ ga Luca ümatüxü̃ 19:43 Referans Kwoze

Echequié 26:8

Rü ngẽma duü̃xü̃gü i curü ĩanexacügüwa ngẽxmagüxü̃ rü tá taramaxã nanadai. Rü curü guxü̃cüwawa tá nanachixẽxẽgü i norü poxü̃ruü̃gü. Rü tá curü poxeguxü̃tápü̱xwa nanagünagü i waixü̃mü nax ngẽmawa cugu nachocuxü̃ca̱x i norü churaragü i poxü̃ruxü̃ã́xü̃.

Echequié 4:2

¡Rü ngẽmawena rü yima ĩanechicüna̱xãcüwagu naxüxchicüna̱xã i churaragü rü naxnegü i dairuxü̃ ixĩgüxü̃! ¡Rü naxüxchicüna̱xã i norü poxeguxü̃ i norü guxü̃cüwawa! ¡Rü naxüxchicüna̱xã i wüxi ya toxṍõne nax ngẽmaãcü yima ĩane ya ípoxegunewa dauxü̃ naxĩgüxü̃ca̱x i ngẽma churaragü!

Ichaía 37:33

Rü ñaa nixĩ ya Cori ya Tupanaarü ore i Achíriaanearü ãẽ̱xgacüchiga, rü ñanagürü: —Taxũtáma Yerucharéü̃gu naxücu rü bai tá wüxi i naxne tá inamaxü̃. Rü norü churaragü rü taxũtáma norü poxü̃ruü̃maxã naxca̱x ínayaxüãchi rü taxũtáma yima ĩanearü poxeguxü̃gütapü̱xwa waixü̃mü nügüca̱x nagünagü nax ngẽmawa nachocuxü̃ca̱x.

Ore i mexü̃ ga Matéu ümatüxü̃ 22:7

Rü yexguma ga gumá ãẽ̱xgacü rü poraãcü nanu. Rü norü churaragüxü̃ yéma namugü nax yadaiãxü̃ca̱x ga yema duü̃xü̃gü ga máetagüxü̃, rü nax yagugüãxü̃ca̱x ga gumá norü ĩane.

Ngu̱xẽẽtaeruü̃arü ore 9:14

Rü nayexma ga wüxi ga ĩanexacü ga íxrane ga ñuxretama ga duü̃xü̃gü nagu ãpatagüne. Rü wüxi ga ãẽ̱xgacü ga poraxüchicü naxca̱x ínayagoõchi, rü norü máquinagü ga dairuxü̃ namaxã ínanuegu ga guma ĩanexacü.

Ore i mexü̃ ga Luca ümatüxü̃ 19:42

Rü ñanagürü: —Pa Yerucharéü̃cüã̱xgü, chierüx ñoma i ngunexü̃gu nüxü̃ pecua̱xgu nax texé aixcüma taãxẽ pexna ãxü̃. Natürü ngẽma rü pexca̱x naxẽxü̃gu i ñu̱xma, rü taxuacüma nüxü̃ pecua̱x.