Ore i mexü̃ ga Luca ümatüxü̃ 19:41 - Tupanaarü Ore

⁴¹ Rü yexguma Yerucharéü̃arü ngaicamana nanguxgu ga Ngechuchu, rü gumá ĩaneca̱x naxaxu.

Ore i mexü̃ ga Luca ümatüxü̃ 19:41 Referans Kwoze

Ore i mexü̃ ga Cuáü̃ ümatüxü̃ 11:35

Rü naxaxu ga Ngechuchu.

Yeremía 17:16

Natürü i choma rü tama cuxna naxca̱x chaca nax curü duü̃xü̃güca̱x ícunanguxẽẽxü̃ i wüxi i taxü̃ i guxchaxü̃, rü bai nax chanaxwa̱xexü̃ nax guxchaxü̃gü naxca̱x íngugüxü̃. Cuma rü meama nüxü̃ cucua̱x ga yema nüxü̃ chixuxü̃, yerü cupe̱xewa nixĩ ga nüxü̃ chixuxü̃ ga yema.

Wiyaegü 119:158

Rü tama yáxna namaxã chaxĩnü i ngẽma taechitawa̱xegüxü̃ i tama naga ĩnüexü̃ i curü mugü.

Wiyaegü 119:136

Rü poraãcü chaxaxu erü ngẽma togü rü tama naga naxĩnüe i curü mugü. -18-

Yeremía 13:17

Rü ngẽxguma taxũtáma ipexĩnüegu i ngẽma pemaxã nüxü̃ chixuxü̃, rü choma rü chaxica tátama chaxaxu nagagu nax pegü picua̱xüü̃güxü̃. Rü chauxetüwa tá inarüyaegü i ngẽma chauxgüxü̃etü, erü perü uanügü rü tá pexü̃ ínayauxü̃ rü tá pexü̃ nigagü i pemax nax Cori ya Tupanaarü duü̃xü̃gü pixĩgüxü̃ —ñanagürü ga Yeremía.

Yeremía 9:1

Choma rü ngunecü rü chütacü naxca̱x chaxauxecha i ngẽma chorü duü̃xü̃gü i yuexü̃. Rü chierü ñoma wüxi i dexá i íchuxchuechaxü̃rüxü̃ yixĩxgu i chauxgüxü̃etü.

Wiyaegü 119:53

Rü ngẽma duü̃xü̃gü i chixri maxẽxü̃ rü nüxü̃ oexü̃ i curü ngu̱xẽẽtae, rü choma rü poraãcü namaxã chanu.

Ochéa 11:8

Natürü taxucürüwa pexna chixũgachi, Pa Efraíü̃tanüxü̃x. Rü taxucürüwa pexü̃ íchawogü, Pa Iraéanecüã̱xgüx. Rü taxucürüwa pexü̃ chadai yexgumarüxü̃ ga yema Axmácüã̱xgüxü̃ chadaixgurüxü̃. Rü taxucürüwama pexü̃ charüxoxẽxẽ guma ĩane ga Cheboíü̃xü̃ charüxoxẽẽxü̃rüxü̃. Erü daa chorü maxü̃newa rü pexü̃ changechaü̃ rü íchamemare nax choxü̃́ pengechaü̃tümüxü̃güxü̃.

Norü taxre ga popera ga ãẽ̱xgacügüchiga 8:11

Rü ñu̱xũchi nüma ga Erichéu rü meama Achaéxü̃ nadawenüecha, rü yemaca̱x nüma ga Achaé rü naba̱i̱xãchiãxẽ. Rü nüma ga Tupanaarü orearü uruxü̃ ga Erichéu rü naxaxu.

Ichaía 22:4

Rü ngẽmaca̱x i choma rü pemaxã nüxü̃ chixu rü ñachagürü: “¡Choxna pixĩgachitanü, erü chorü ngechaü̃maxã tá chaxaxu nagagu i ngẽma taxü̃ i guxchaxü̃ i chorü ĩanemaxã ngupetüxü̃! Rü tama chanaxwa̱xe nax texé choxü̃ taãẽxẽẽxü̃”, ñachagürü.

Ichaía 28:21

Rü nüma ya Cori ya Tupana rü tá inanawe̱x i norü pora yema ma̱xpǘne ga Perachíü̃wa nawéãgurüxü̃. Rü tá nanango̱xẽxẽ i norü nu yema Gabaóü̃arü doxonexü̃wa nango̱xẽẽãgurüxü̃. Rü ngẽmaãcü tá paxa nayanguxẽxẽ i norü puracü i nüxicatama nüxü̃ nacuáxü̃.

Ore i mexü̃ ga Luca ümatüxü̃ 19:42

Rü ñanagürü: —Pa Yerucharéü̃cüã̱xgü, chierüx ñoma i ngunexü̃gu nüxü̃ pecua̱xgu nax texé aixcüma taãxẽ pexna ãxü̃. Natürü ngẽma rü pexca̱x naxẽxü̃gu i ñu̱xma, rü taxuacüma nüxü̃ pecua̱x.