Ore i mexü̃ ga Luca ümatüxü̃ 19:29 - Tupanaarü Ore

²⁹ Rü yexguma marü nawa nangugüchaü̃gu ga gumá ĩanegü ga Bexchagué rü Betánia ga Oribunecüarü Ma̱xpǘnearü ngaicamana yexmagüne, rü Ngechuchu nanamu ga taxre ga norü ngúexü̃gü.

Ore i mexü̃ ga Luca ümatüxü̃ 19:29 Referans Kwoze

Ore i mexü̃ ga Matéu ümatüxü̃ 21:17

Rü yexguma ga Ngechuchu rü nüxna yéma nixũ, rü ñu̱xũchi ínaxũxũ ga guma ĩanewa. Rü ĩane ga Betániawa naxũ, rü yexma nayape.

Ngechuchuarü ngúexü̃gü ga yamugüxü̃arü puracüchiga 1:12

Rü yema ngúexü̃gü ga Ngechuchu imugüxü̃ nax Tupanaarü puracü naxügüxü̃ca̱x, rü nüxna ínixĩ ga guma ma̱xpǘne ga Oribunecügu ãégane. Rü Yerucharéü̃ca̱x nawoegu. Rü guma ĩanearü yáxü̃ nüxna ga guma ma̱xpǘne rü wüxi ga quirumétru nixĩ.

Chacaría 14:4

Rü ngẽma ngunexü̃gu rü nüma ya Cori ya Tupana rü nagu tá nachi ya yima Oribuarü Ma̱xpǘne ya Yerucharéü̃arü to̱xma̱xtawa ngẽxmane i norü éstecüwawa. Rü tá narüngüte ya yima ma̱xpǘne. Rü wüxi i norü ngãxü̃ rü tá nórtewaama naxũgachi rü ngẽma to i norü ngãxü̃ rü tá súrwaama naxũgachi. Rü ngẽmaãcü tá nango̱x i wüxi i taxü̃ i ngate i éstewaama ne daxü̃ rü oéstewaama daxü̃.

Ore i mexü̃ ga Luca ümatüxü̃ 24:50

Rü yexguma ga Ngechuchu rü Yerucharéü̃arü tóxnamana norü ngúexü̃güxü̃ nagagü, ñu̱xmata Betániaarü ngaicamana nangugü. Rü yéma norü ngúexü̃güétü nawéme̱x, rü Tupanana naca nax nüxü̃ nangü̃xẽẽxü̃ca̱x.

Ore i mexü̃ ga Luca ümatüxü̃ 22:39

Rü yexguma ga Ngechuchu rü ínaxũxũ ga guma ĩanewa. Rü Oribunecüarü Ma̱xpǘnewa naxũ, yerü woetama nacüma nixĩ ga yéma nax naxũũxü̃. Rü norü ngúexü̃gü rü nawe narüxĩ.

Ore i mexü̃ ga Luca ümatüxü̃ 21:37

Rü nüma ga Ngechuchu rü guxü̃ ga ngunexü̃gügu Tupanapata ga taxü̃newa duü̃xü̃güxü̃ nangúexẽxẽ. Rü chütacü rü guma Ma̱xpǘne ga Oribunecügu ãéganegu nayapeexü̃.

Ore i mexü̃ ga Luca ümatüxü̃ 19:37

Rü yexguma inaxügüãgu nax ínaxĩgüxü̃ nawa ga yema nama ga Oribunecüarü Ma̱xpǘnewa yarüdaexü̃, rü guxü̃ma ga yema duü̃xü̃gü ga nawe rüxĩxü̃ rü inanaxügü ga taãẽãcüma aita nax naxüexü̃ rü tagaãcü Tupanaxü̃ nax yacua̱xüü̃güxü̃ naxca̱x ga guxü̃ma ga yema cua̱xruü̃gü ga taxü̃ ga nüxü̃ nadaugüxü̃ ga Tupanaarü poramaxã naxüxü̃ ga Ngechuchu.

Ore i mexü̃ ga Luca ümatüxü̃ 19:30

Rü ñanagürü nüxü̃: —¡Gua ĩanexacüwa pexĩ! Rü ngẽxma tá nüxü̃ peyangau i wüxi i búru i ngexwaca yáxü̃ i ngẽxma ngãxü̃xü̃ i taguma texé natagu aunagüxü̃. ¡Rü peyawẽxü̃, rü nua penaga!