Ore i mexü̃ ga Luca ümatüxü̃ 19:26 - Tupanaarü Ore

²⁶ Rü gumá ãẽ̱xgacü nanangãxü̃, rü ñanagürü: “Pemaxã nüxü̃ chixu rü yíxema tüxü̃́ nangẽxmacü rü yexera tá tüxna ngĩxü̃ taxã. Natürü yíxema tüxü̃́ natau̱xcü rü woo ngẽma noxre i tüxü̃́ ngẽxmacü rü tá tüxna ngĩxü̃ tayaxu.

Ore i mexü̃ ga Luca ümatüxü̃ 19:26 Referans Kwoze

Norü taxre ga popera ga Cuáü̃ ümatüxü̃ 1:8

¡Pexũãẽgü nax taxúema pexü̃ womüxẽxẽgüxü̃ca̱x nax tama natüca̱xma yixĩxü̃ca̱x i torü puracü i petanüwa taxüxü̃! Rü name nixĩ i peyaxõgüama nax penayaugüxü̃ca̱x i ngẽma ãmare ya Tupana pexna ãxchaü̃xü̃.

Ore i mexü̃ ga Luca ümatüxü̃ 8:18

¡Mea iperüxĩnüe i ñu̱xmax! Erü texé ya nüxü̃ cuáxe rü naga ĩnüxe i ngẽma ore i mexü̃, rü Tupana rü tá yexeraxü̃ i cua̱x tüxna naxã. Natürü yíxema tama naga ĩnüxe i ngẽma ore, rü woo ngẽma cua̱x i nagu tarüxĩnüxü̃ nax tüxü̃́ nangẽxmaxü̃ rü tá tüxna nanayaxu —ñanagürü.

Ore i mexü̃ ga Matéu ümatüxü̃ 21:43

Rü ngẽmaca̱x pemaxã nüxü̃ chixu rü taxũtáma pexãchica ya Tupana ãẽ̱xgacü ixĩxü̃wa, rü ngẽma duü̃xü̃gü i aixcüma Tupanaga ĩnüexü̃ rü nüxü̃́ puracüexü̃na tá naxã i ngẽma nachica ya Tupana ãẽ̱xgacü ixĩxü̃wa.

Ore i mexü̃ ga Matéu ümatüxü̃ 13:12

Rü yíxema aixcüma naga ĩnüxe i chorü ore, rü tá yexera i cua̱x tüxü̃́ nangẽxma. Rü ngẽmaãcü tá nata i tümaarü cua̱x. Natürü yíxema tama naga ĩnüxe i ñaa ore rü tá tüxna nanayaxu i ngẽma íxraxü̃ i cua̱x i tüxü̃́ ngẽxmachiréxü̃.

Ore i mexü̃ ga Márcu ümatüxü̃ 4:25

Rü pemaxã nüxü̃ chixu, rü texé ya aixcüma naga ĩnüxẽ i ñaa ore i mexü̃ rü Tupana rü yexeraãcü tá tüxü̃ nüxü̃ nacua̱xẽxẽ. Natürü yíxema tama naga ĩnüxe i ñaa ore rü Tupana rü tá tüxna nanayaxu i ngẽma íxraxü̃ i cua̱x i tüxü̃́ ngẽxmachiréxü̃ —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:3

Rü woo guxchaxü̃gü cuxca̱x ínguxgu, natürü cunaxüama i ngẽma puracü i cha̱u̱xca̱x cuxüxü̃. Rü woo chaugagu ngúxü̃ quinge, natürü yáxna namaxã cuxĩnü, rü tama nüxü̃ curüchau.

1 Chamué 15:28

Rü yexguma ga Chamué rü Chaúxü̃ ñanagürü: —Ñu̱xmatatama nixĩ i cuxna naya̱u̱xãxü̃ nax Iraétanüxü̃arü ãẽ̱xgacü quixĩxü̃, rü tá to i Iraétanüxü̃ i cuxü̃ rü yexera rümemaexü̃na nanaxã.

1 Chamué 2:30

Rü choma ya Cori i Iraétanüxü̃arü Tupana rü marü ü̃pa nüxü̃ chixu rü cuma rü cutanüxü̃ rü guxü̃gutáma choxü̃́ pepuracüe. Natürü i ñu̱xma rü ngẽma chixexü̃ i cunegü ügüxü̃gagu rü chanaxuegu rü tagutáma chanangexrü i ngẽma ñu̱xma ngupetüxü̃. Erü tüxü̃ chicua̱xü̃xü̃ ya yíxema choxü̃ icua̱xüxü̃güxe rü yíxema choxü̃ oexe rü choma rü tá tüxü̃ chaxãneexẽxẽ.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:11

Rü paxa tá chataegu. Rü chanaxwa̱xe i ñu̱xma mea cumaxü̃xü̃rüxü̃ mea cumaxecha nax taxúema cuxna nanapuxü̃ca̱x i ngẽma curü ãmare.

Ore i mexü̃ ga Luca ümatüxü̃ 16:3

Rü yexguma ga yema coriarü duü̃xü̃ rü nagu narüxĩnü, rü nügüãẽwa ñanagürü: “¿Ta̱xacü tá chaxü i ñu̱xmax, erü chorü cori rü marü choxü̃ ínata̱xüchi i ngẽma chorü puracüwa? Tama chapora nax naanewa chapuracüxü̃ca̱x, rü chaxãne nax diẽruca̱x íchaca̱xaxü̃ nüxna i togü.

2 Chamué 7:15

Natürü tagutáma nüxü̃ charüchau nax nüxü̃ changechaü̃xü̃, rü tagutáma íchanamuxũchi yema Chaúxü̃ íchamuxuchixü̃rüxü̃ nax nachicüxü cuxü̃ chimucuchixü̃ca̱x.

Ngechuchuarü ngúexü̃gü ga yamugüxü̃arü puracüchiga 1:20

Rü Wiyaegüarü poperawa yemachiga nanaxümatü ga Dabí, rü ñanagürü: “Yixrüma rü ngéma natá ya napata, rü taxúema nagu pex”, ñanagürü. Rü tóxnamana i ngẽma poperawa rü ñanagürü ta: “Rü name nixĩ nax toguxe nayaxuxü̃ i nachica”, ñanagürü i Wiyaegüpanewa.

Wiyaegü 109:8

¡Rü nanuxẽxẽ i norü maxü̃ rü noxtacüma nayu̱x nax ngẽmaãcü togü noxtacüma nayaxuxü̃ca̱x i norü puracü!

Ore i mexü̃ ga Luca ümatüxü̃ 19:25

Rü nümagü rü nanangãxü̃gü, rü ñanagürügü: “Natürü, Pa Corix, nüma rü marü nüxü̃́ ingẽxma i 10 i diẽru”, ñanagürügü.