Ore i mexü̃ ga Luca ümatüxü̃ 19:23 - Tupanaarü Ore

²³ ¿Natürü tü̱xcüü̃ tama bancugu choxü̃́ ngĩmaxã cunguxü̃ i chorü diẽru nax ngéma choxü̃́ ngĩxü̃ yamuxẽẽgüxü̃ca̱x, rü ngẽmaãcü mucü ngĩxü̃ nax chayaxuxü̃ca̱x i ngẽxguma íchanguxgu?” ñanagürü.

Ore i mexü̃ ga Luca ümatüxü̃ 19:23 Referans Kwoze

Ore i mexü̃ ga Matéu ümatüxü̃ 25:27

Rü yemaca̱x narümemae chi nixĩ ga bancugu choxü̃́ ngĩmaxã nax cunguxü̃xü̃ ga chorü diẽru nax ngéma choxü̃́ ngĩxü̃ yamuxẽẽgüxü̃ca̱x, rü ngẽmaãcü mucü ngĩxü̃ nax chayaxuxü̃ca̱x i ngẽxguma íchanguxgu”, ñanagürü.

Ore i mexü̃ ga Luca ümatüxü̃ 19:22

Rü yexguma ga gumá ãẽ̱xgacü rü ñanagürü nüxü̃: “Wüxi i chorü duü̃xü̃ i chixexü̃ quixĩ i cumax. Rü curü oretama nixĩ i cuxü̃ ixuxü̃ nax cuchixexü̃. Marü nüxü̃ cucua̱xchire̱x nax chaxaüxü̃, rü chanayauxtanüxü̃ i ngẽma tama choxrü ixĩxü̃, rü tama ichatoexü̃wa chanayaxu i nanetüarü o.

Ore i mexü̃ ga Luca ümatüxü̃ 19:24

Rü yexguma ga nüma ga yema ãẽ̱xgacü rü yema yexmagüxü̃maxã nüxü̃ nixu, rü ñanagürü: “¡Nüxna ngĩxü̃ peyaxu i ngẽma diẽru, rü ngẽma 10 i diẽru nüxü̃́ ngẽxmaxü̃wa ngĩxü̃ pexã!” ñanagürü.