Ore i mexü̃ ga Luca ümatüxü̃ 19:22 - Tupanaarü Ore

²² Rü yexguma ga gumá ãẽ̱xgacü rü ñanagürü nüxü̃: “Wüxi i chorü duü̃xü̃ i chixexü̃ quixĩ i cumax. Rü curü oretama nixĩ i cuxü̃ ixuxü̃ nax cuchixexü̃. Marü nüxü̃ cucua̱xchire̱x nax chaxaüxü̃, rü chanayauxtanüxü̃ i ngẽma tama choxrü ixĩxü̃, rü tama ichatoexü̃wa chanayaxu i nanetüarü o.

Ore i mexü̃ ga Luca ümatüxü̃ 19:22 Referans Kwoze

2 Chamué 1:16

Rü yexguma yema Amaréxtanüxü̃xü̃ yama̱xyane, rü nüma ga Dabí rü ñanagürü nüxü̃: —Cugagutama nixĩ i cuyuxü̃ erü cugütama quixu nax cuyamáxü̃ ya yimá ãẽ̱xgacü ga Cori ya Tupana nüxü̃ unetacü —ñanagürü.

Ore i mexü̃ ga Matéu ümatüxü̃ 22:12

Rü ñanagürü nüxü̃: “Pa Chomücüx ¿ñuxãcü i tama petachirugu icúãcü nuxã cuxücu?” ñanagürü. Natürü nüma ga yema yatü rü nangea̱xmare.

Ore i mexü̃ ga Matéu ümatüxü̃ 12:37

Erü curü dexa i mexü̃ca̱x rü Tupana tá cumaxã nanaxuegu nax tama chixexü̃ cuxüxü̃, natürü curü dexa i chixexü̃ca̱x rü tá cuxü̃ napoxcu —ñanagürü ga Ngechuchu.

Romanos 3:19

Rü nüxü̃ tacua̱x rü guxü̃ma i ngẽma Tupanaarü mugü nüxü̃ ixuxü̃ rü guxü̃ma i duü̃xü̃güca̱x nixĩ erü guxü̃ma rü Tupanaarü mugütüxü̃wa nangẽxmagü. Rü ngẽmaca̱x taxucürüwa texé tügüétüwa tachogü i ngẽxguma Tupana tüxü̃ icagügu i tümaarü pecaduchiga.

Ore i mexü̃ ga Luca ümatüxü̃ 19:21

Yerü cuxca̱x chamuü̃, erü wüxi i yatü i aüxü̃ quixĩ. Rü cunayauxtanü i ngẽma tama cuxrü ixĩxü̃, rü cunayaxu i nanetüarü o i ngextá tama cuma ícutoexü̃wa”.

Ore i mexü̃ ga Luca ümatüxü̃ 19:23

¿Natürü tü̱xcüü̃ tama bancugu choxü̃́ ngĩmaxã cunguxü̃ i chorü diẽru nax ngéma choxü̃́ ngĩxü̃ yamuxẽẽgüxü̃ca̱x, rü ngẽmaãcü mucü ngĩxü̃ nax chayaxuxü̃ca̱x i ngẽxguma íchanguxgu?” ñanagürü.