Ore i mexü̃ ga Luca ümatüxü̃ 19:13 - Tupanaarü Ore

¹³ Rü naxü̃pa nax inaxũãchixü̃, rü naxca̱x nangema ga 10 ga norü duü̃xü̃gü. Rü wüxichigüna ngĩxü̃ naxã ga tacü ga diẽru. Rü ñanagürü nüxü̃: “¡Ngĩmaxã pepuracüe rü ngĩxü̃ pimuxẽxẽ i ñaa diẽru ñu̱xmatáta chataegu!” ñanagürü.

Ore i mexü̃ ga Luca ümatüxü̃ 19:13 Referans Kwoze

Ore i mexü̃ ga Cuáü̃ ümatüxü̃ 12:26

Rü ngẽxguma texé choxü̃́ puracüchaü̃gu rü name nixĩ i chowe tarüxũ. Rü ngẽma choma tá íchangexmaxü̃wa rü ngéma rü tá ta tangexma i tümax. Rü ngẽxguma texé choxü̃́ puracügu rü Chaunatü ya Tupana rü tá tümamaxã nataãxẽ —ñanagürü.

Norü taxre ga popera ga Pedru ümatüxü̃ 1:1

Pa Chauenexẽgüx, choma i Chimóü̃ i Pedru ya Ngechuchu ya Cristuarü puracütanüxü̃ chixĩ, rü nüma nixĩ ga choxü̃ namuxü̃ nax nüxü̃ chixuxü̃ca̱x i norü ore. Rü ñu̱xma i choma rü pexü̃ charümoxẽ i pema i toxrüxü̃ mea yaxõgüxe erü tórü Tupana ya Ngechuchu ya Cristu ya tórü Maxẽxẽẽruxü̃ rü pemaxã namecümaxüchi.

Popera ga Chantiágu ümatüxü̃ 1:1

Pa Chautanüxü̃ i 12 i Iraétücumügü i Ngechuchuaxü̃́ Yaxõgüxü̃ i Guxü̃ i Naanewa Nawogüxü̃x, choma i Chantiágu pexü̃ charümoxẽ. Rü choma nixĩ i Tanatü ya Tupanaaxü̃́ rü tórü Cori ya Ngechuchu ya Cristuaxü̃́ chapuracüxü̃.

Gálatas 1:10

Rü choma rü tama naxca̱x chadau nax duü̃xü̃gü chomaxã taãẽgüxü̃, natürü Tupana chomaxã taãẽxü̃ca̱x nixĩ i chadauxü̃. Erü ngẽxguma chi duü̃xü̃güxü̃ chataãẽxẽẽchaü̃gu, rü taxũchima Cristuarü puracütanüxü̃ chixĩ.

Ore i mexü̃ ga Matéu ümatüxü̃ 25:16

Rü yema norü duü̃xü̃ ga 5,000 tachinü ga diẽru ngĩxü̃ yaxuxü̃, rü ngĩmaxã napuracü, rü nai ga 5,000 tachinü ngĩmaxã nayaxu.

Ore i mexü̃ ga Matéu ümatüxü̃ 25:20

Rü yéma naxũ ga yema norü duü̃xü̃ ga 5,000 tachinü ga diẽru ngĩxü̃ yaxuxü̃. Rü yema diẽruétü ngĩxü̃ inaxã ga nai ga 5,000 tachinü ga diẽru. Rü ñanagürü: “Pa Corix, cuma rü choxna cunaxã ga 5,000 tachinü ga diẽru. Marü ngĩmaxã chapuracü rü ngĩmaxã cuxü̃́ ngĩxü̃ chayaxu i ñaa nai i 5,000 tachinü”, ñanagürü.

Ore i mexü̃ ga Matéu ümatüxü̃ 25:22

Rü yemawena ínangu ga yema to ga norü duü̃xü̃ ga 2,000 tachinü ga diẽru ngĩxü̃ yaxuxü̃. Rü ñanagürü: “Pa Corix, ñaa iyixĩ ga yema 2,000 tachinü ga diẽru ga choxna ngĩxü̃ cuxãcü. Marü ngĩmaxã chapuracü rü ngĩmaxã cuxü̃́ ngĩxü̃ chayaxu i nai i 2,000 tachinü. Rü ñaa iyixĩ”, ñanagürü.

Ore i mexü̃ ga Matéu ümatüxü̃ 25:24

Natürü yexguma norü corixü̃tawa nanguxgu ga yema norü duü̃xü̃ ga 1,000 tachinü ga diẽru ngĩxü̃ yaxuxü̃, rü norü corixü̃ ñanagürü: “Pa Corix, choma nüxü̃ chacua̱x rü wüxi i yatü i aüxü̃ quixĩ. Rü cunayaxu i nanetüarü o i ngextá tama ícutoexü̃wa, rü cunabuxarü oõ̱x i nanetü i tama icutoxü̃.

Ore i mexü̃ ga Luca ümatüxü̃ 19:12

Rü yexguma ga Ngechuchu rü ñanagürü nüxü̃: —Nayexma ga wüxi ga yatü ga ãẽ̱xgacü nane ixĩcü. Rü nüma rü yáxü̃wa naxũ ga to ga nachixü̃anewa nax yéma nüxü̃ yaxǘcuchigüãxü̃ca̱x ga norü nga̱xcueruxü̃ nax nüma rü gumá nawa ne naxũxü̃ne ga ĩanearü ãẽ̱xgacü yixĩxü̃ca̱x.

Ore i mexü̃ ga Luca ümatüxü̃ 19:14

Natürü yema ĩanecüã̱x ga duü̃xü̃gü rü naxchi naxaie ga gumá yatü. Rü yemaca̱x nawenaãma nayamugü ga ñuxre ga orearü ngeruü̃gü nax nachixü̃anearü ãẽ̱xgacümaxã nüxü̃ yanaxugüxü̃ca̱x nax tama nanaxwa̱xegüxü̃ nax norü ãẽ̱xgacüxü̃ nax yixĩxü̃ca̱x ga gumá yatü.