Ore i mexü̃ ga Luca ümatüxü̃ 18:42 - Tupanaarü Ore

⁴² Rü Ngechuchu ñanagürü nüxü̃ —¡Idauuchi! Rü marü cuxca̱x nitaane erü cuyaxõ —ñanagürü.

Ore i mexü̃ ga Luca ümatüxü̃ 18:42 Referans Kwoze

Ore i mexü̃ ga Luca ümatüxü̃ 17:19

Rü ñu̱xũchi gumá yatüxü̃ ñanagürü: —¡Inachi rü íixũ! Cuxca̱x nitaane, erü cuyaxõ —ñanagürü.

Ore i mexü̃ ga Luca ümatüxü̃ 8:48

Rü yexguma ga Ngechuchu rü ñanagürü ngĩxü̃: —Pa Chauxacüx, cuxca̱x nitaane, erü cuyaxõ. ¡Rü taãẽãcü íixũ! —ñanagürü.

Ore i mexü̃ ga Matéu ümatüxü̃ 8:3

Rü yexguma ga Ngechuchu rü nüxü̃ ningõgü, rü ñanagürü nüxü̃: —Ngü̃, chanaxwa̱xe. ¡Rüme! —ñanagürü. Rü yexguma yema ñaxgu ga Ngechuchu, rü naxca̱x nitaane ga gumá yatü ga rüchaxünecü.

Ore i mexü̃ ga Luca ümatüxü̃ 7:50

Natürü ga Ngechuchu rü ñanagürü ngĩxü̃ ga yema ngecü: —Curü õgagu rü marü nüxna ícunguxuchi i curü pecadugü. ¡Rü taãẽãcüma nataegu! —ñanagürü.

Ore i mexü̃ ga Matéu ümatüxü̃ 9:22

Natürü nüma ga Ngechuchu rü nügü ínidau, rü ngĩxü̃ nadau ga yema nge. Rü ñanagürü ngĩxü̃: —¡Nataãxẽ, Pa Chauxacüx! Marü cuxca̱x nitaane, erü cuyaxõ —ñanagürü. Rü yexgumatama ngĩxca̱x nitaane.

Wiyaegü 107:20

Rü namaxã nanaxuegu nax naxca̱x yataanegüxü̃. Rü naxca̱x nitaanegü. Rü yemaacü ga Tupana rü yuwa ínananguxü̃xẽxẽ ga yema duü̃xü̃gü.

Ore i mexü̃ ga Matéu ümatüxü̃ 15:28

Rü yexguma ga Ngechuchu rü ñanagürü ngĩxü̃: —Pa Ngecüx, aixcümaxü̃chi cuyaxõ. Marü tá chanaxü i ngẽma cuma cunaxwa̱xexü̃ —ñanagürü. Rü yexgumatama ngĩxca̱x nitaane ga ngĩxacü.

Wiyaegü 33:9

Yerü nüma rü norü dexamaxã guxü̃ma naxü. Rü nanamu rü guxü̃ma mea inanu.

Ore i mexü̃ ga Luca ümatüxü̃ 18:41

—¿Ta̱xacü i cunaxwa̱xexü̃ nax cuxca̱x chanaxüxü̃? —ñanagürü. Rü gumá ngexetücü nanangãxü̃ rü ñanagürü: —Pa Corix, chanaxwa̱xe nax choxü̃ quidauuchixẽẽxü̃ —ñanagürü.