Ore i mexü̃ ga Luca ümatüxü̃ 18:35 - Tupanaarü Ore

³⁵ Rü yexguma Ngechuchu Yericúxü̃ ingaicagu, rü yéma namacüwawa narüto ga wüxi ga yatü ga ngexetücü ga diẽruca̱x yéma iwémecü.

Ore i mexü̃ ga Luca ümatüxü̃ 18:35 Referans Kwoze

Ore i mexü̃ ga Cuáü̃ ümatüxü̃ 9:8

Rü yexguma ga yema duü̃xü̃gü ga gumá ngexetücüpataarü ngaicamagu pegüxü̃ rü yema duü̃xü̃gü ga ü̃paacü nüxü̃ daugüxü̃ ga nax nangexetüxü̃, rü ñanagürügü: —¿Taux ẽ̱xna i ñaa yixĩxü̃ i ngẽma yatü i ngexetüchiréxü̃ i duü̃xü̃güxü̃ diẽruca̱x ca̱a̱xü̃xü̃? —ñanagürügü.

1 Chamué 2:8

Tupana rü tümaarü guxchaxü̃wa tüxü̃ narüngü̃xẽxẽ ya yíxema ngearü diẽruã̱xgüxe. Rü guxchirepáü̃wa tüxü̃ ínayaxuchi ya yíxema diẽruca̱x caxaxü̃wa̱xegüxe rü ãẽ̱xgacüxü̃ tüxü̃ nixĩxẽxẽ nax ngẽmaãcü tachigaxü̃ i yatügütanüwa tarütoxü̃ca̱x rü ãẽ̱xgacütanüwa tangexmaxü̃ca̱x. Erü Cori ya Tupana nixĩ i norü yora i ngẽma nagu naxǘnagüxü̃ i ñoma i naane, yerü nüma nixĩ ga nagu naxǘnagüãxü̃.

Ore i mexü̃ ga Luca ümatüxü̃ 19:1

Rü Ngechuchu rü Yericúgu naxücu rü nawa naxüpetü.

Ngechuchuarü ngúexü̃gü ga yamugüxü̃arü puracüchiga 3:2

Rü yéma gumá Tupanapatawa nayexma ga wüxi ga yatü ga norü bucümatama chixeparacü. Rü guxü̃ ga ngunexü̃gu rü natanüxü̃ rü gumá Tupanapataarü ĩã̱x ga Mexẽchixü̃gu ãégaxü̃gu nayamugüxü̃, nax yéma diẽruca̱x ínaca̱xaxü̃ca̱x nüxna ga duü̃xü̃gü ga gumá Tupanapata ga taxü̃negu chocuxü̃.

Ore i mexü̃ ga Matéu ümatüxü̃ 13:4

Rü yexguma triguchiremaxã natoegu rü namaxã nagüaneãgu, rü ñuxre ga gumá triguchire rü namacüwagu nayi. Rü ínangugü ga werigü, rü nanawecu.

Ore i mexü̃ ga Luca ümatüxü̃ 18:36

Rü yexguma gumá ngexetücü nüxü̃ ĩnügu ga muxü̃ma ga duü̃xü̃gü nax yéma chopetüxü̃, rü duü̃xü̃güna naca ga ta̱xacü nax ngupetüxü̃.