Ore i mexü̃ ga Luca ümatüxü̃ 18:16 - Tupanaarü Ore

¹⁶ Natürü Ngechuchu rü nügüxü̃tawa tümaca̱x naca ga guxema buã̱xta rü ñanagürü norü ngúexü̃güxü̃: —Chanaxwa̱xe i chauxü̃tawa naxĩ i buxü̃gü. ¡Rü taxṹ i nüxna penachu̱xuxü̃! Erü Tupana ãẽ̱xgacü ixĩxü̃wa rü tümaca̱x nixĩ ya yíxema ñaa buxü̃gürüxü̃ ixĩgüxe.

Ore i mexü̃ ga Luca ümatüxü̃ 18:16 Referans Kwoze

1 Corintios 14:20

Pa Chauenexẽgüx, tama name i ñoma buxü̃gürüxü̃ nagu perüxĩnüe i ngẽma ore i pemaxã nüxü̃ chixuxü̃. Rü narümemae nixĩ i ñoma buxü̃gürüxü̃ pegü pixĩgüxẽxẽ na̱xcha̱xwa i ngẽma chixexü̃. Natürü ngẽma perü ĩnüwa rü penaxwa̱xe i duü̃xü̃gü i marü yáxü̃rüxü̃ mea nagu perüxĩnüe rü nagu pexĩ i ngẽma ore i pemaxã nüxü̃ chixuxü̃.

1 Corintios 7:14

Rü yimá yatü ya tama yaxõcü, rü naxma̱x i yaxõ̱xcügagu Tupana nüxü̃ nacua̱x. Rü ngẽma ngecü i tama yaxõ̱xcü, rü ngĩte ya yaxõcügagu Tupana ngĩxü̃ nacua̱x. Erü ngẽxguma chi tama ngẽmaãcü yixĩxgu, rü chi ngẽma naxacügü rü Tupanape̱xewa rü duü̃xü̃gü i tama yaxõgüxü̃ãcügürüxü̃ tá nixĩgü. Natürü i ñu̱xma ya naxacügü rü marü Tupana tüxü̃ nacua̱x.

Nüxíraxü̃xü̃ ga popera ga Pedru ümatüxü̃ 2:2

Rü ñoma wüxi i õxchana i ngexwaca buxü̃ i naégünenixü̃ nüxü̃́ ngúchaü̃xü̃rüxü̃ penaxwa̱xe i poraãcü pexü̃́ nangúchaü̃ i Tupanaarü ore nax ngẽmawa peporaexü̃ca̱x rü mea peyaexü̃ca̱x i perü õwa nax ngẽmaãcü guxü̃wama namexü̃ca̱x i perü maxü̃ i taguma gúxü̃.

Wenaxarü naxümatü ga Tupanaarü mugü 31:12

Rü ngẽma ngunexü̃gu rü guxü̃táma i duü̃xü̃gü i yatüxü̃gü, rü ngexü̃gü, rü buxü̃gü, rü duü̃xü̃gü i to i nachixü̃anecüã̱x i perü ĩanegügu ãchiü̃güxü̃, rü tá nangutaque̱xegü nax nüxü̃ naxĩnüexü̃ca̱x i ngẽma Tupanaarü mugü nax ngẽmaãcü nangúexü̃ca̱x nax nüxü̃ nangechaü̃güxü̃ca̱x ya tórü Cori ya Tupana, rü nagu namaxẽxü̃ca̱x i guxü̃ma i ngẽma mugü nüxü̃ ixuxü̃.

Ngechuchuarü ngúexü̃gü ga yamugüxü̃arü puracüchiga 2:39

Rü ñaa Tupanaarü uneta, rü pexca̱x nixĩ, rü pexacügüca̱x, rü guxü̃ i duü̃xü̃gü i yáxü̃wa ngẽxmagüxü̃ca̱x nixĩ. Erü guxü̃ i duü̃xü̃gü i tórü Cori ya Tupana nügüxü̃tawa naxca̱x ca̱xaxü̃ca̱x nixĩ i ngẽma uneta —ñanagürü ga Pedru.

Naanearü ügüchiga 21:4

Rü yexguma 8 ga ngunexü̃ nüxü̃́ yexmagu ga nax naxíraxü̃, rü Abraáü̃ ínanawíecha̱xmüü̃pe̱xechiraü̃ yema Tupana namuxü̃rüxü̃.

Norü taxre ga to ga popera ga ãẽ̱xgacügüchiga ümatüxü̃ 20:13

Rü yexguma rü guxü̃ma ga Yudáanecüã̱xgü ga yatüxü̃gü rü ngexü̃gü rü buxü̃gü rü Tupanapatape̱xegu nachigü.

Yeremía 32:39

Rü tá mea nagu chanaxĩnüexẽxẽ, rü mexü̃ i nacüma tá nüxna chaxã nax guxü̃guma choxü̃xicatama yacua̱xüü̃güxü̃ca̱x nax ngẽmaãcü mexü̃wa nangẽxmagüxü̃ca̱x i nümagü rü nanegü rü naxacügü rü nataagü.

Ore i mexü̃ ga Matéu ümatüxü̃ 19:14

Natürü ga Ngechuchu rü norü ngúexü̃güxü̃ ñanagürü: —¡Taxṹ i nüxna penachu̱xuxü̃! Erü Tupana ãẽ̱xgacü ixĩxü̃wa rü tümaca̱x nixĩ ya yíxema ñaa buxü̃gürüxü̃ ixĩgüxe —ñanagürü.

Ore i mexü̃ ga Luca ümatüxü̃ 18:15

Rü yéma Ngechuchuxü̃tawa tüxü̃ tagagü ta ga buã̱xgü nax tüxü̃ yangõgüchigüxü̃ca̱x. Natürü yexguma norü ngúexü̃gü yemaxü̃ daugügu rü tüxü̃ ningagü ga guxema tümaxacüegü Ngechuchuxü̃tawa tüxü̃ gagüxe.

Ore i mexü̃ ga Luca ümatüxü̃ 18:17

Aixcüma pemaxã nüxü̃ chixu rü texé ya tama wüxi i buxü̃rüxü̃ Tupanaxü̃ yaxúxe nax tümaarü ãẽ̱xgacü yixĩxü̃ca̱x, rü tagutáma nagu taxücu ya Tupana ãẽ̱xgacü ixĩxü̃wa —ñanagürü ga Ngechuchu.