Biblia Todo Logo
Bib sou entènèt

- Piblisite -




Ore i mexü̃ ga Luca ümatüxü̃ 18:14 - Tupanaarü Ore

14 Rü pemaxã nüxü̃ chixu rü gumá yatü ga Rómaarü ãẽ̱xgacüca̱x diẽru ngĩxü̃ decü rü yexguma napataca̱x nataeguxgu rü Tupana rü marü nüxü̃́ narüngüma i norü pecadugü. Natürü yema Parichéu rü Tupana rü tama nüxü̃́ narüngüma i norü pecadugü. Erü texé ya tügü icua̱xüxü̃xe rü Tupana tá tüxü̃ naxãnexẽxẽ. Natürü texé ya tama tügü icua̱xüxü̃xe rü Tupana rü tá tüxü̃ nicua̱xüxü̃ —ñanagürü ga Ngechuchu.

Gade chapit la Kopi




Ore i mexü̃ ga Luca ümatüxü̃ 18:14
39 Referans Kwoze  

Erü texé ya tügü írütaxe rü Tupana tá tüxü̃ naxãnexẽxẽ. Natürü texé ya tügü írüxíraxe rü Tupana tá tüxü̃ nicua̱xüxü̃ —ñanagürü ga Ngechuchu.


Rü yexguma ga Ngechuchu rü ñanagürü nüxü̃: —Pema rü duü̃xü̃güpe̱xewa mea pemaxẽneta, natürü Tupana pexü̃ nacua̱x nax ta̱xacügu perüxĩnüexü̃. Rü woo duü̃xü̃gü pexü̃ nicua̱xüü̃gü naxca̱x i ngẽma pexüxü̃, natürü Tupana rü naãxẽwa nangu̱x i ngẽma —ñanagürü ga Ngechuchu.


Rü name nixĩ i Cori ya Tupanape̱xegu pegü íperüxíragü. Rü nüma rü tá pexü̃ nicua̱xüxü̃ rü pexü̃ nataxẽxẽ.


Erü yíxema tügü írütaxe rü Tupana tá tüxü̃ naxãnexẽxẽ. Natürü yíxema tügü írüxíraxe, rü Tupana tá tüxü̃ nicua̱xüxü̃.


Ngẽma nügü icua̱xüxü̃xü̃ rü tá tanaxãnexẽxẽ. Natürü yíxema tama tügü icua̱xüxü̃xẽ, rü duü̃xü̃gü rü tá tümamaxã nataãẽgü.


Natürü Tupana rü tüxü̃ narüngü̃xẽxẽ nax tama nagu iyixü̃ca̱x i ngẽma ngúchaü̃gü i chixexü̃gü i ñoma i naanewa ngẽxmagüxü̃. Rü ngẽmaca̱x norü orewa rü ñanagürü: “Tupana rü tümamaxã nanu ya yíxema tügü icua̱xüü̃güxe, natürü tüxü̃ narüngü̃xẽxẽ ya yíxema tügüna daugüxe nax tama tügü ticua̱xüü̃güxü̃ca̱x”, ñanagürü.


Rü marü ínanawoxü̃ ga yema ãẽ̱xgacügü ga nügü icua̱xüü̃güxü̃. Natürü guxema duü̃xẽgü ga tama tügü icua̱xüü̃güxe, rü poraãcü tüxü̃ narüngü̃xẽxẽ.


Rü woo dauxü̃wa nax nangemaxü̃ ya Cori ya Tupana, natürü ngéma nüxü̃ nadawenü i ngẽma tama nügü icua̱xüü̃xü̃. Natürü ngẽma nügü icua̱xüü̃xü̃ rü Tupana rü yáxü̃gutama nüxü̃ nadawenü rü nüxü̃ nacua̱x i ñuxãcü nax yixĩxü̃.


“Tataãẽgü ya yíxema nüxü̃ icua̱xãchitanüxe i tümaarü pecadu rü Tupanawe rüxĩxe, erü tümaca̱x nixĩ i daxũguxü̃ i naane ya Tupana ãẽ̱xgacü ixĩxü̃wa.


Erü choma ya Tupana ya Guxü̃étüwa Ngẽxmacü rü guxü̃guma chamaxü̃ rü chauéga rü Üünecü nixĩ. Rü ñachagürü: “Choma rü daxũwa chamaxü̃ i ngextá ínaxüünexü̃wa. Natürü tüxü̃ charüngü̃xẽẽxü̃ rü tüxü̃ chaporaxẽxẽ ya yíxema ngearü diẽruã̱xgüxe rü yíxema naxĩ̱xãchiãẽgüxe”.


Rü nüma ya Cori rü nüxü̃ nacugü i ngẽma dauxcüraxü̃wa̱xegüxü̃, natürü tümamaxã namecüma ya yíxema tama tügü icua̱xüü̃güxe.


¿Rü wüxi i duü̃xü̃ rü ñuxãcü tá Tupanape̱xewa nügü nixu nax nangearü pecaduã́xü̃? ¿Rü wüxi i duü̃xü̃ i wüxi ya ngexewa buxü̃ rü ñuxãcü tá nügü nixu nax nataxuxũma i norü chixexü̃?


Rü nüxü̃ tacua̱xgü rü yema mugü ga Moiché ümatüxü̃ rü tama aixcüma tüxü̃ nimexẽxẽ i Tupanape̱xewa, yerü taxúema aixcüma naga taxĩnüe ga yema mugü. Natürü i ñu̱xma rü Tupana tüxü̃ nadau nax imexü̃ erü Ngechuchu ya Cristuaxü̃́ tayaxõgü. Rü yemaca̱x i yixema rü Ngechuchu ya Cristuaxü̃́ tayaxõgü nax ngẽmagagu Tupana tüxü̃ nadauxü̃ nax imexü̃. Rü ngẽmawa nüxü̃ tacua̱xgü rü tama ngẽma mugügagu nixĩ nax Tupanape̱xewa imexü̃, erü taxúema aixcüma naga taxĩnü i ngẽma mugü nax ngẽmaãcü Tupanape̱xewa imexü̃ca̱x.


Rü ngẽmaca̱x ngẽxguma texé yaxõ̱xgu, rü tama ta̱xacürü mexü̃ nax naxüxü̃ca̱x nixĩ i Tupanape̱xewa tamexü̃, natürü Tupanape̱xewa tame erü tayaxõ. Rü ngẽmaãcü Tupana tüxü̃ nayaxu ya yíxema yaxṍxe woo taxuxü̃ma i ta̱xacürü mexü̃ taxü̱xgu.


Rü ñu̱xma nax taxúema aixcüma naga ĩnüexü̃ i ngẽma mugü, rü ngẽmaca̱x taxucürüwama texé tügü tixu nax ngẽma mugü taxaurexü̃gagu Tupanape̱xewa tamexü̃. Erü ngẽma mugü tüxü̃ nüxü̃ cua̱xẽẽxü̃ nixĩ nax ipecaduã̱xgüxü̃.


Natürü ga yema ngúexẽẽruxü̃ ga Moichéarü mugüwa ngu̱xẽẽtaexü̃, rü nügüétüwa nachogüchaü̃. Rü yemaca̱x Ngechuchuna naca, rü ñanagürü: —¿Rü texé tixĩ ya chomücü? —ñanagürü.


Ngẽma yigü nax icua̱xüü̃xü̃ rü guxchaxü̃ taxca̱x ínanguxẽxẽ, natürü ngẽma tama nügü icua̱xüü̃xü̃, rü duü̃xü̃gü rü tá namaxã nataãxẽ.


Ngẽma nax Cori ya Tupanaga ixĩnüexü̃, rü cua̱x tüxna naxã. Rü ngẽxguma cunaxwa̱xegu nax duü̃xü̃gü cuxü̃ icua̱xüü̃güxü̃, name nixĩ i cugüna cudau nax tama cugütama quicua̱xüü̃xü̃ca̱x.


Erü nüma ya Tupana rü nanaxãnexẽxẽ i ngẽma nügü icua̱xüü̃xü̃, natürü tüxü̃ ínapoxü̃ ya yíxema tama tügü írütaxe.


Rü ngĩma ga Ána rü inangãxü̃ rü ngĩgürügü: —Moxẽxü̃chi naxca̱x i ngẽma dexa —ngĩgürügü. Rü ñu̱xũchi itaegu rü iyachibü rü marü taguma wena ingechaü̃.


Rü ñu̱xmax rü nüxü̃ chacua̱x nax nüma ya Cori ya Tupana rü guxü̃ma i tupananetagüétüwa nangẽxmaxü̃, yerü nüma ya Tupana rü Iraétanüxü̃xü̃ ínanguxü̃xẽxẽ naxme̱xwa ga yema duü̃xü̃gü ga nagu idaucüraxü̃güxü̃ —ñanagürü.


¿Rü ñu̱xma rü texé tá Tupanape̱xewa tüxü̃ tixugü nax ichixexü̃? Erü Tupanatama nixĩ ya nügüpe̱xewa tüxü̃ imexẽẽcü.


Rü ñu̱xma rü Tupanape̱xewa time erü tayaxõgü. Rü ngẽmaca̱x marü tama Tupanamaxã taxuanüã̱xgü i ñu̱xmax, erü tórü Cori ya Ngechuchu ya Cristu rü marü tamaxã nanangüxmüexẽxẽ ya Tupana.


Rü ngẽmaca̱x i ñu̱xmax i chomax i Nabucudonochó rü nüxü̃ chicua̱xüxü̃ rü chanataxẽxẽ ya yimá Tupana i dauxü̃guxü̃ i naanewa ãẽ̱xgacü ixĩcü. Erü guxü̃ma i ngẽma naxüxü̃ rü aixcüma name, rü nüxü̃́ natauxcha nax tüxü̃ naxãnexẽẽxü̃ ya yíxema tügü írütagüxe” —ñachagürü.


Natürü nawena nax ngúxü̃ yangexü̃, rü tá nataãxẽ erü nüxü̃ nacua̱x nax norü yugagu muxü̃ma i duü̃xü̃gü tá nanayauxgü i maxü̃ i taguma gúxü̃. Rü nüma ya Cori ya Tupanaarü duü̃ ya mecü rü tá Tupanape̱xewa nayamexẽxẽ i muxü̃ma i duü̃xü̃gü rü tá nayange i norü pecadugü.


Rü guxü̃ma i Iraétanüxü̃ rü chaugagu tá narüporamaegü rü tá chomaxã nügü nicua̱xüü̃gü —ñanagürü.


Rü ngẽxguma chi chaugü chixuxgu nax mea chamaxü̃xü̃ rü taxuxü̃ma i chixexü̃ chowa ngẽxmaxü̃, natürü nüma rü tá nüxü̃ nixuama nax chixexü̃ chaxüxü̃ rü chachixecümaxü̃.


¡Rü naxümatü i ñaa ore! “Ngẽma duü̃xü̃gü i chixexü̃ ügüxü̃ rü nügü nicua̱xüü̃gü. Natürü yíxema chope̱xewa imexe rü tá tamaxẽ erü chomaxã tixaixcümagü” —ñanagürü.


Rü ngẽmaca̱x, ¡taãẽãcüma nangõ̱x i paũ rü yaxaxü ya bínu! Erü Cori ya Tupana rü namaxã nataãxẽ i guxü̃ma i ngẽma mexü̃ i ñoma i naanewa cuxüxü̃.


¡Rü taxṹ i choxna naxca̱x cucaxü̃ i chorü chixexü̃gü nax poxcu chomaxã cuxueguxü̃ca̱x! Erü cupe̱xewa rü tataxuma ya texé ya tama nüxü̃ cuáxe nax chixexü̃ taxüxü̃.


¡Rü choma nixĩ i chanaxüxü̃ i guxü̃ma i ñoma i naanewa nüxü̃ idauxü̃ rü yemaacü nixĩ ga nangóexü̃! Rü choma ya Cori nixĩ i ngẽma ñachaxü̃. Rü choma rü tüxü̃ chadawenü ya yíxema ngearü diẽruã̱xgüxe rü yíxema naxĩ̱xãchiãẽgüxe ya naga ĩnüexe i chorü ore.


Erü ngẽxguma ngéma curütoxgu rü ngürüãchi tá wixwe üxü̃ i nachicawa cuxü̃ narütoxẽxẽ. Rü ngẽmaãcü ãne tá quinge nape̱xewa i ngẽma corigü. Rü narümemae nax icuyangu̱xuxẽẽxü̃ nax nüma ya ãẽ̱xgacü cuxna uxü̃ nax naxü̃tawa curütoxü̃ca̱x.


Swiv nou:

Piblisite


Piblisite