Ore i mexü̃ ga Luca ümatüxü̃ 18:13 - Tupanaarü Ore

¹³ Natürü ga gumá yatü ga Rómaarü ãẽ̱xgacüca̱x diẽru ngĩxü̃ decü, rü yáxü̃gu narüxã̱ũ̱x. Rü namuü̃ ga daxũ nax nadawenüxü̃, rü yema norü ngechaü̃maxã nügü napaxremü, rü ñanagürü: “Pa Tupanax, ¡Cuxü̃́ changechaü̃tümüxü̃! Erü wüxi i pecaduã́xü̃ chixĩ”, ñanagürü ga gumá yatü.

Ore i mexü̃ ga Luca ümatüxü̃ 18:13 Referans Kwoze

Édra 9:6

Rü ñachagürü nüxü̃: —Pa Chorü Tupanax, Pa Chorü Tupanax, rü poraãcü chaxãnexü̃chi i cupe̱xewa. Rü tama nüxü̃ chacua̱x nax ta̱xacü chaxüxü̃ rü ñuxãcü cumaxã chidexaxü̃. Erü ngẽma torü chixexü̃ rü marü nangupetüxüchiama rü ngẽma torü pecadugü rü marü ñoma i naane namaxã nanapá.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:15

Rü ñaa ore i pemaxã nüxü̃ chixuxü̃ rü aixcümaxü̃chi nixĩ, rü name nax guxãma yaxõgüxü̃. Rü aixcüma Ngechuchu ya Cristu rü ñoma ga naanewa nangu nax namaxẽxẽẽãxü̃ca̱x i pecaduã̱xgüxü̃. Rü ngẽmatanüwa rü choma nixĩ ga guxü̃arü yexera nax chixexü̃ chaxüxü̃.

Wiyaegü 41:4

Rü choma rü ñaãcü chayumüxẽ: —Pa Corix ¡cumaxã nüxü̃ chixu i chorü pecadugü, rü chanaxwa̱xe i cuxü̃́ changechaü̃tümüxü̃ rü cha̱u̱xca̱x cuyataanexẽxẽ! —ñachagürü.

Ore i mexü̃ ga Luca ümatüxü̃ 23:48

Rü guxü̃ma ga yema duü̃xü̃gü ga yéma yexmagüxü̃ rü nüxü̃ daugüxü̃ ga yema ngupetüxü̃, rü norü ngechaü̃maxã nügü napaxremügü rü yemaacü napataca̱x nawoegu.

Popera ga Yudíugü ga yaxõgüxü̃ca̱x ümatüxü̃ 8:12

Rü choma rü tá nüxü̃́ nüxü̃ charüngüma i norü chixexü̃gü, rü taxũtáma nagu charüxĩnüecha i norü pecadugü”, ñanagürü ga Tupana.

Ngechuchuarü ngúexü̃gü ga yamugüxü̃arü puracüchiga 2:37

Rü yexguma yemaxü̃ naxĩnüegu ga yema duü̃xü̃gü ga yéma yexmagüxü̃, rü poraãcü nanaxĩ̱xãchiãẽgü. Rü Pedruna nacagüe, rü yema togü ga Pedrumücügüna rü ta nacagüe, rü ñanagürügü: —Pa Toenexẽgüx, ¿ta̱xacü tá taxüexü̃ i ñu̱xmax? —ñanagürügü.

Popera ga Yudíugü ga yaxõgüxü̃ca̱x ümatüxü̃ 4:16

Rü ñu̱xma nax tüxü̃́ nangẽxmaxü̃ ya tórü ngü̃xẽẽruxü̃ ya Ngechuchu, rü tüxü̃́ natauxcha nax tama imuü̃eãcüma nüxna ingaicamaxü̃ ya tórü Tupana ya tüxü̃ ngechaü̃cü nax ngẽmaãcü nüma nüxü̃́ ingechaü̃tümüxü̃güxü̃ca̱x rü tüxü̃ nangechaü̃ãcüma tüxü̃ nangü̃xẽẽxü̃ca̱x i ngẽxguma guxchaxü̃gü taxca̱x ínguxgu.

Romanos 5:8

Natürü Tupana tüxü̃ nüxü̃ nadauxẽxẽ nax tüxü̃ nangechaü̃xü̃ yerü yexguma ipecaduã̱xgügu nixĩ ga taxca̱x nayuxü̃ ga Cristu.

Ore i mexü̃ ga Luca ümatüxü̃ 5:8

Rü yexguma yemaxü̃ nada̱u̱xgu ga Chimóü̃ ga Pedru, rü Ngechuchupe̱xegu nayacaxã́pü̱xü, rü ñanagürü nüxü̃: —¡Choxna ixũgachi! Pa Corix. Erü choma rü wüxi i duü̃xü̃ i pecaduã́xü̃ chixĩ —ñanagürü.

Ichaía 6:5

Rü yexguma ga chomax rü ñaxü̃gu charüxĩnü: —Ñu̱xmawaxix rü chaugümaxã changechaü̃ erü tá chayu. Erü choma nax duü̃xü̃ chixĩxü̃ rü chauxetümaxã nüxü̃ chadau ya yimá ãẽ̱xgacü ya Cori ya Guxãétüwa Ngẽxmacü. Rü chaua̱x rü naxãũãchi rü duü̃xü̃gü i ãũãchiarü dexaã̱xgǘxü̃tanüwa chamaxü̃ —ñaxü̃gu charüxĩnü.

Wiyaegü 25:11

Pa Cori Pa Tupanax, nata i chorü chixexü̃ i cupe̱xewa chaxüxü̃ ¡Rü choxü̃́ nüxü̃ irüngüma i ngẽma nax taxúema chixri cuchiga idexaxü̃ca̱x!

Yox 42:6

Rü ngẽmaca̱x i ñu̱xma rü marü nüxü̃ charüxo ga yema noxri cumaxã nagu charüxĩnüxü̃. Rü ngẽmaca̱x nua waixü̃müte̱xewa rü tanimacate̱xewa charüto —ñanagürü ga Yox.

2 Corintios 7:11

Rü yema ngechaü̃ ga Tupana pexca̱x íngu̱xẽẽxü̃ nawa ga yema popera ga pexca̱x chaxümatüxü̃, rü dücax i ngẽma mexü̃ i nawa ínguxuchixü̃. Yerü yema perü ngechaü̃gagu rü aixcüma nagu perüxĩnüe ga yema chixexü̃ ga petanüwa ngupetüxü̃, rü meama chomaxã nüxü̃ pixu ga yema. Rü yema perü ngechaü̃gagu rü peãẽwa nangu̱x ga yema chixexü̃, rü poraãcü Tupanaxü̃ pemuü̃e. Rü yemaca̱x penaxwa̱xe nax yéma chaxũxü̃ nax pexü̃ chayarüngü̃xẽẽxü̃ca̱x, yerü penamexẽẽgüchaü̃ ga yema chixexü̃. Rü yemaca̱x ípenamuxuchi ga yema duü̃xü̃ ga chixexü̃ üxü̃. Rü guxü̃ ga yemawa rü ipenawe̱x nax tama pegagu yixĩxü̃ ga yema chixexü̃ ga ngupetüxü̃.

Wiyaegü 25:7

¡Natürü taxṹ i nüxna cucua̱xãchixü̃ i ngẽma chorü pecadugü rü yema chixexü̃gü ga chaxüxü̃ ga yexguma changextü̱xügu! Pa Cori Pa Tupanax ¡choxna nacua̱xãchi, erü curü ngechaü̃ rü curü mecüma rü nataxüchi!

Ore i mexü̃ ga Matéu ümatüxü̃ 9:13

¡Rü ípixĩ, rü nawa pengúe i Tupanaarü ore i ümatüxü̃ i ñaxü̃: “Choma rü tama chanaxwa̱xe i cha̱u̱xca̱x peyama̱x rü peyagu i carnérugü, natürü ngẽma chanaxwa̱xexü̃ nixĩ nax togü pexü̃́ ngechaxü̃tümüxü̃güxü̃”, ñaxü̃! Choma rü tama núma chaxũ nax naxca̱x chayaca̱xaxü̃ca̱x i ngẽma ingearü pecaduã́xü̃, natürü núma chaxũ nax naxca̱x chayaca̱xaxü̃ca̱x i ngẽma pecaduã̱xgüxü̃ —ñanagürü.

Echequié 16:63

Rü ngẽxguma cuxü̃́ nüxü̃ charüngümagu i guxü̃ma i ngẽma chixexü̃ i cuxüxü̃ rü cuma rü tá cuxãnexü̃chi, rü tá cungechaxü̃, rü taxũtáma wena cugü quicua̱xüxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma” —ñanagürü.

Ichaía 1:18

¡Ẽcü nua pexĩ rü ngĩxã perü chixexü̃chiga tidexagü! Rü ngẽxguma chi perü maxü̃ rü woo nadauxuchigu namaxã i perü chixexü̃, natürü i choma rü ñoma gáuxü̃chara i cómüxü̃chixü̃rüxü̃ tá chayaxĩxẽxẽ. Rü ngẽxguma chi woo wüxi i naxchiru i waxüchixü̃rüxü̃ yixĩxgu i perü pecadugü, natürü i choma rü ñoma wüxi i carnéruta̱xa i cómüxü̃chixü̃rüxü̃ tá chanacómüxẽxẽ.

Ore i mexü̃ ga Luca ümatüxü̃ 17:12

Rü yexguma wüxi ga ĩanexacüwa nanguxgu, rü yexma nape̱xegu nayayi ga 10 ga yatügü ga chaxünemaxã ida̱xaweexü̃. Rü yáxü̃gu nüxü̃́ nachigü.

Danié 9:5

Rü toma rü poraãcü pecadu cupe̱xewa taxüe rü chixexü̃ taxüe. Rü tamaxẽmare rü tama cugu tarüxĩnüe. Rü nüxü̃ tarüxoe i curü mugü rü curü ucu̱xẽgü.

Wiyaegü 119:41

Pa Cori Pa Tupanax ¡ngẽma icuxunetaxü̃rüü̃tama choxü̃ nangechaü̃ rü choxü̃ ínanguxuchixẽxẽ nax tama chayuxü̃ca̱x!

Wiyaegü 106:6

Rü toma rü cupe̱xewa poraãcü chixexü̃ taxü torü o̱xigürüü̃tama. Rü nüxna ítachocu i curü mugü nax tóxrütama ngúchaü̃ i chixexü̃gu tamaxẽxü̃ca̱x.

Wiyaegü 40:12

Rü ngẽma muxũchixü̃ i chorü pecadugü rü choxü̃ niyauxgü rü taxucürüwama nüxna chiña. Rü ngẽma chorü pecadugü rü chauyaexü̃ narümumae rü ngẽmagagu ichayanguãxẽ.

Norü taxre ga to ga popera ga ãẽ̱xgacügüchiga ümatüxü̃ 33:23

Natürü nanatü ga Manaché rü Tupanape̱xegu nügü ínarüxíxra natürü nüma ga Amóü̃ rü taguma Tupanape̱xegu nügü ínarüxíxra rü yexeraxü̃ ga chixexü̃ nixüchigüama

Norü taxre ga to ga popera ga ãẽ̱xgacügüchiga ümatüxü̃ 33:19

Rü norü yumüxẽchiga, rü norü yumüxẽarü ngãxü̃chiga, rü ñuxãcü nax chixexü̃ naxüxü̃chiga, rü ñuxãcü ma̱xpǘnegügu tupananetagüca̱x ínaxüxü̃ãxü̃ ga ngutaque̱xechicagüchiga, rü ñuxãcü yemagu yanuaxü̃ ga Acheráchicüna̱xã rü togü ga tupananetachicüna̱xãgüchiga, rü yema naxü naxü̃pa ga nax Cori ya Tupanamaxã nüxü̃ yaxuxü̃ ga norü chixexü̃ rü nape̱xegu nügü ínaxíraxü̃, rü guxü̃ma i ngẽma rü Tupanaarü orearü uruü̃gü ümatüxü̃ i poperagu naxümatü.

2 Chamué 12:13

Rü nüma ga Dabí rü Natáü̃xü̃ nangãxü̃ rü ñanagürü: —Tupanape̱xewa chixexü̃ chaxü —ñanagürü. Rü nüma ga Natáü̃ nanangãxü̃ rü ñanagürü: —Ngẽmáacüx, natürü Tupana rü cuxü̃ nangechaü̃, rü taxũtáma ngẽma chixexü̃gagu cuyu.

Ichaía 66:2

¡Rü choma nixĩ i chanaxüxü̃ i guxü̃ma i ñoma i naanewa nüxü̃ idauxü̃ rü yemaacü nixĩ ga nangóexü̃! Rü choma ya Cori nixĩ i ngẽma ñachaxü̃. Rü choma rü tüxü̃ chadawenü ya yíxema ngearü diẽruã̱xgüxe rü yíxema naxĩ̱xãchiãẽgüxe ya naga ĩnüexe i chorü ore.

Ore i mexü̃ ga Matéu ümatüxü̃ 6:5

Rü ngẽxguma peyumüxẽgügu, rü tama name i ngẽma nügü írümegünetaxü̃rüxü̃ pixĩgü. Erü nümagü rü ngẽxguma nayumüxẽgügu, rü norü me nixĩ nax chiãcü nayumüxẽgüxü̃ i ngutaque̱xepataü̃güwa rü ĩanegüarü namagüwa nax duü̃xü̃gü nüxü̃ daugüxü̃ca̱x. Rü aixcüma pemaxã nüxü̃ chixu rü ngẽma nax duü̃xü̃gü nüxü̃ daugüxü̃xicatama nixĩ i norü ãmare.

Ore i mexü̃ ga Matéu ümatüxü̃ 10:3

Rü togü nixĩ ga Ferípe, rü Barturumé, rü Tumáchi, rü Matéu ga Rómaarü ãẽ̱xgacüca̱x diẽruarü yauxwa puracüchirécü. Rü togü nixĩ ga Chantiágu ga Arupéu nane, rü Tadéu.

Ore i mexü̃ ga Márcu ümatüxü̃ 11:25

Rü ngẽxguma peyumüxẽgügu, natürü nangẽxmagu i ta̱xacürü guxchaxü̃ i toguemaxã pexü̃́ ngẽxmaxü̃, rü name i tüxü̃́ nüxü̃ perüngü̃ma i ngẽma nax Penatü ya daxũgucü rü ta pexü̃́ nüxü̃ iyanangümaxü̃ca̱x i perü pecadugü.

Ore i mexü̃ ga Luca ümatüxü̃ 22:41

Rü yexguma ga Ngechuchu rü yéamaxü̃ra norü ngúexü̃güna naxũ. Rü yexma nacaxã́pü̱xü rü nayumüxẽ.

Ínachoxü̃xü̃chiga 33:10

Rü yexguma duü̃xü̃gü nüxü̃ daugügu ga yema caixanexü̃ nax guma tügümüne ga nawa Tupanamaxã yadexánearü ĩã̱xwa nax yachaxãchiemaxü̃, rü wüxichigü ga yema duü̃xü̃ rü guma noxrütama tügümünearü ĩã̱xgu nacaxã́pü̱xügü. Rü yemaacü Cori ya Tupanaxü̃ nicua̱xü̃gü.