Ore i mexü̃ ga Luca ümatüxü̃ 18:11 - Tupanaarü Ore

¹¹ Rü yema Parichéu rü yexma nachi, rü ñaaãcü nayumüxẽ: “Pa Tupanax, moxẽ cuxna chaxã erü tama togürüxü̃ chixexü̃ chaxü, rü tama ngẽmagürüxü̃ changĩ́ta̱a̱x, rü tama chixri chamaxü̃, rü tama nai i ngexü̃maxã ichape. Rü bai i ñaa yatü i Rómaarü ãẽ̱xgacüca̱x diẽru ngĩxü̃ dexü̃rüxü̃ chixĩ.

Ore i mexü̃ ga Luca ümatüxü̃ 18:11 Referans Kwoze

Ore i mexü̃ ga Matéu ümatüxü̃ 6:5

Rü ngẽxguma peyumüxẽgügu, rü tama name i ngẽma nügü írümegünetaxü̃rüxü̃ pixĩgü. Erü nümagü rü ngẽxguma nayumüxẽgügu, rü norü me nixĩ nax chiãcü nayumüxẽgüxü̃ i ngutaque̱xepataü̃güwa rü ĩanegüarü namagüwa nax duü̃xü̃gü nüxü̃ daugüxü̃ca̱x. Rü aixcüma pemaxã nüxü̃ chixu rü ngẽma nax duü̃xü̃gü nüxü̃ daugüxü̃xicatama nixĩ i norü ãmare.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:17

Rü cuma cugü quixuxgu rü cumuarü diẽruã̱x, rü cumuarü ngẽmaxü̃ã̱x, rü meama cuxü̃ naxüpetü, rü taxuxü̃ma cuxü̃́ nataxu. Natürü i cuma rü tama nüxna cucua̱xãchi nax chope̱xewa rü wüxi i taxúema cumaxã taãẽxü̃ quixĩxü̃, rü wüxi ngechaü̃tümüxü̃ nax quixĩxü̃, rü wüxi i taxuxü̃ma cuxü̃́ ngẽxmaxe quixĩxü̃, rü ñoma wüxi i ngexetüxü̃rüxü̃ quixĩxü̃, rü ñoma wüxi i ngexchiruxü̃rüxü̃ quixĩxü̃.

Ichaía 65:5

Rü ngẽma duü̃xü̃gü rü ñanagürügü: “Taxṹ i toxna cungaicamaxü̃ erü duü̃xü̃gü i üünexü̃ tixĩgü”, ñanagürügü. Natürü ngẽma duü̃xü̃gü rü ñoma üxü i guxü̃ i ngunexü̃ iyaa̱u̱xraxü̃rüxü̃ nixĩgü. Rü choxü̃ nachixewe ñoma üxüema i taxmaraü̃gu cáixcuemaxü̃rüxü̃.

Yeremía 2:35

Natürü guxü̃ma i ngẽma chixexü̃ i cuxüxü̃étüwa rü cugü ícupoxü̃ rü ñacurügü: “Choma rü taxuxü̃ma i chixexü̃ chaxü, rü Tupana rü tama chomaxã nanu”, ñacurügü. Rü ñu̱xma nax nüxü̃ quixuxü̃ nax taxuxü̃ma i chixexü̃ cuxüxü̃, rü choma rü tá cuxna chaca rü cuxü̃ íchaxuaxü̃ naxca̱x i ngẽma chixexü̃ i cuxüxü̃.

Ore i mexü̃ ga Márcu ümatüxü̃ 11:25

Rü ngẽxguma peyumüxẽgügu, natürü nangẽxmagu i ta̱xacürü guxchaxü̃ i toguemaxã pexü̃́ ngẽxmaxü̃, rü name i tüxü̃́ nüxü̃ perüngü̃ma i ngẽma nax Penatü ya daxũgucü rü ta pexü̃́ nüxü̃ iyanangümaxü̃ca̱x i perü pecadugü.

Gálatas 3:10

Natürü chixexü̃wa nangẽxmagü i guxü̃ma i ngẽma nagu rüxĩnüexü̃ nax mugü yanguxẽẽgüxü̃gagu Tupanape̱xewa yamexü̃. Erü Tupanaarü ore i ümatüxü̃wa rü ñanagürü: “Rü guxü̃ma i duü̃xü̃gü i tama aixcüma yanguxẽẽgüxü̃ i guxü̃ma i ngẽma mugü i ümatüxü̃, rü chixexü̃wa nangẽxmagü”, ñanagürü.

Ore i mexü̃ ga Luca ümatüxü̃ 20:47

Rü tüxü̃ nawomüxẽẽgüãcüma tüxna nanapuxü̃ ya tümapatagü ya yíxema yutegüxe. Rü ñu̱xũchi nanama̱xẽxẽ i norü yumüxẽgü nax duü̃xü̃gü nagu rüxĩnüexü̃ca̱x nax aixcüma mexü̃gü yixĩgüxü̃. Natürü nümagü tá nixĩ i yexeraãcü napoxcuexü̃ —ñanagürü.

Miquéa 3:11

Rü daa ĩanearü guxchaxü̃arü mexẽẽruü̃gü rü ngẽma nüxü̃́ naxütanüxü̃ga nixĩ i naxĩnüexü̃. Rü ngẽma chacherdótegü rü ngẽxguma nüxü̃́ tanaxütanüguxicatama tüxü̃ nangúexẽxẽ. Rü ngẽma orearü uruü̃güneta rü ngẽxguma nüxü̃́ naxãtanüguxicatama tamaxã nüxü̃ nixu i ta̱xacü tá yixcüra naxüpetü. Rü nüxü̃ nixu nax Tupanaégagu yixĩxü̃ nax yadexagüxü̃, rü ñanagürügü: “Cori ya Tupana rü nataxü̃tagu rü taxuxü̃táma i chixexü̃ tüxü̃ nangupetü”, ñanagürügü.

Echequié 33:31

Rü ngẽmaãcü i chorü duü̃xü̃gü rü cuxca̱x naxĩ, rü cupe̱xewa nayarütogü guxü̃gurüxü̃ nax yanaxĩnüexü̃ca̱x i ngẽma ore i nüxü̃ quixuxü̃. Natürü woo nüxü̃ naxĩnüegu i ngẽma ore natürü tama aixcüma nagu namaxẽ. Rü naã̱xmaxã choxü̃ nicua̱xüü̃gü, natürü norü maxü̃wa rü yexeraãcü diẽruguama narüxĩnüe.

Yeremía 2:28

Pa Yudátanüxü̃x, ¿ngexü̃gü nixĩ i ngẽma tupananetachicüna̱xãgü ga pematama pexügüxü̃? Pema rü perü ĩanegüe̱xpü̱x nixĩ i ngẽma perü tupananetachicüna̱xãgü. ¡Ẽcü nua naxĩ i ngẽma naxchicüna̱xãgü nax nüxü̃ pedauxü̃ca̱x rü tá aixcüma pexü̃ yanangü̃xẽẽgü i ngẽxguma guxchaxü̃ pexca̱x ínguxgu!

Ichaía 58:2

Rü nümagü rü guxü̃ i ngunexü̃gu cha̱u̱xca̱x nadaugü rü chomaxã nüxü̃ nixugü nax chauga naxĩnüechaü̃xü̃ ñoma mea namaxẽxü̃rüxü̃ rü chorü mugügu naxĩnüexü̃rüxü̃. Rü nümagü rü choxna naxca̱x nacagü i mexü̃ i mugü rü choxna nangaicamagüchaü̃.

Wiyaegü 134:1

Pa Duü̃xü̃güx i Cori ya Tupanaarü Puracütanüxü̃ Ixĩgüxe ¡rü nüxü̃ picua̱xüü̃gü i guxãma i pemax i chütacü napatawa nax pengẽxmagüxü̃!

Filipenses 3:6

Rü yema nax mea chayanguxẽẽchaü̃xü̃ca̱x ga yema Yudíugüarü mugü, rü yemaca̱x nawe chingẽchigü ga yema duü̃xü̃gü ga Ngechuchuaxü̃́ yaxõgüxü̃. Rü yema nax aixcüma mea chanaxaurexü̃ca̱x ga yema mugü, rü yemaca̱x taxucürüwama texé choxü̃ tixu nax tama chaxaurexü̃.

Ichaía 1:15

Rü ngẽxguma pema pexunagüme̱xẽgüãcü peyumüxẽgügu, rü choma rü pexcha̱xwa chidaugachi. Rü woo namuxgu i perü yumüxẽ natürü i choma rü taxũtáma pexü̃ chaxĩnü, erü pema rü pemáeta rü pexme̱xgü rü nagümaxã nixãũãchi.

Ucu̱xẽgüchiga 20:6

Nangexma i muxü̃ma i duü̃xü̃gü i nügü ixugüxü̃ nax mexü̃gü yixĩgüxü̃, natürü bai i wüxi ingẽxmaxü̃ i nüxna rüyoexü̃.

Ucu̱xẽgüchiga 30:12

Rü nangẽxma i duü̃xü̃gü i nügü írümearü maxü̃ã̱xgüxü̃, natürü tama nüxü̃ narüxoe i nacüma i chixexü̃.

Ore i mexü̃ ga Matéu ümatüxü̃ 5:20

Rü pemaxã nüxü̃ chixu, rü ngẽxguma tama Parichéugüxü̃ perüyexeragu rü tama mugüwa ngu̱xẽẽtaegüxü̃xü̃ perüyexeragu nax Tupanaga pexĩnüexü̃, rü tagutáma Tupana íngẽxmaxü̃wa pichocu.

Ore i mexü̃ ga Matéu ümatüxü̃ 10:3

Rü togü nixĩ ga Ferípe, rü Barturumé, rü Tumáchi, rü Matéu ga Rómaarü ãẽ̱xgacüca̱x diẽruarü yauxwa puracüchirécü. Rü togü nixĩ ga Chantiágu ga Arupéu nane, rü Tadéu.

Ore i mexü̃ ga Luca ümatüxü̃ 22:41

Rü yexguma ga Ngechuchu rü yéamaxü̃ra norü ngúexü̃güna naxũ. Rü yexma nacaxã́pü̱xü rü nayumüxẽ.