Ore i mexü̃ ga Luca ümatüxü̃ 18:1 - Tupanaarü Ore

¹ Ngechuchu rü wüxi ga to ga cua̱xruxü̃ namaxã nixu nax yemawa nangúexẽẽãxü̃ca̱x nax taguma nüxü̃ naxoexü̃ca̱x nax nayumüxẽgüxü̃.

Ore i mexü̃ ga Luca ümatüxü̃ 18:1 Referans Kwoze

Colosenses 4:2

¡Rü guxü̃guma peyumüxẽgü! ¡Rü pexuãxẽgü nax tama nüxü̃ iperüngümaexü̃ca̱x nax Tupanana moxẽ pexãgüxü̃!

Romanos 12:12

Rü name nixĩ i taãẽãcü ípenangu̱xẽxẽ ñu̱xmata penayaxu i ngẽma Cristu nüxü̃ unetaxü̃. Rü ngẽxguma ngúxü̃ pexca̱x ínguxgu, rü name nixĩ i yáxna namaxã pexĩnüe. Rü name nixĩ i guxü̃guma peyumüxẽgü.

1 Tesalonicenses 5:17

¡Rü guxü̃guma peyumüxẽgü!

Filipenses 4:6

¡Rü taxuca̱xma penaxĩ̱xãchiãẽgü! ¡Rü perü yumüxẽwa Tupanamaxã nüxü̃ pixu i guxü̃ma i ngẽma pexü̃ ngupetüxü̃! ¡Rü naxca̱x ípeca rü moxẽ nüxna pexã!

Efesios 6:18

Rü name i guxü̃guma peyumüxẽgüxü̃. ¡Rü guxü̃guma Tupanaãxẽ i Üünexü̃arü ngü̃xẽẽmaxã Tupanana peca! ¡Rü pexuãxẽ nax taguma nüxü̃ perüxoexü̃ca̱x! Rü ngẽmaãcü name i naxca̱x peyumüxẽgü i guxü̃ma i duü̃xü̃gü i Tupanaaxü̃́ yaxõgüxü̃.

Yeremía 29:12

Rü ngẽxguma marü wena naxca̱x pewoegu̱xgux i ngẽma naane i pexna chaxãxü̃, rü ngéma perü yumüxẽwa tá choxna pecagügu, rü choma rü tá pexü̃ chaxĩnü.

Ore i mexü̃ ga Luca ümatüxü̃ 21:36

Rü ngẽmaca̱x name nixĩ i pegü ípemexẽẽgü. ¡Rü guxü̃guma peyumüxẽgü nax ngẽmaãcü tama pexü̃ naxüpetüxü̃ca̱x i guxü̃ma i ngẽma ãũcümaxü̃gü i tá íngugüxü̃, rü aixcüma pimexü̃ca̱x i ngẽxguma nape̱xewa pengugügu ya Tupana Nane ya duü̃xü̃xü̃ ixĩcü! —ñanagürü ga Ngechuchu.

Gálatas 6:9

Rü ngẽmaca̱x tama name nax nüxü̃ rüchauexü̃ nax mexü̃ ixüexü̃. Rü ngẽxguma tama nüxü̃ rüchauegu nax mexü̃ ixügüxü̃, rü ngẽxguma Tupanaxü̃tawa ingugügu rü mexü̃ tá tayaxu.

Wiyaegü 86:3

¡Pa Cori Pa Tupanax, cuxü̃́ changechaü̃tümüxü̃! Erü guxü̃ma i oragu rü chorü yumüxẽwa rü cuxna chacaecha.

Wiyaegü 102:17

Rü nüma ya Cori ya Tupana rü tá nüxü̃ naxĩnü i norü yumüxẽ i ngẽma ngéma wogümarexü̃, rü taxũtáma nüxü̃ naxo i ngẽma naxca̱x ínacagüxü̃.

2 Corintios 4:1

Rü ngẽmaca̱x taguma nüxü̃ tarüchau i ñaa puracü, erü Tupana ya nüxü̃́ tangechaü̃tümüü̃cü nixĩ ga toxü̃ mucü nax tanaxüxü̃ca̱x i ñaa puracü nax nüxü̃ tixuxü̃ca̱x i norü ore.

Colosenses 4:12

Rü ngẽxgumarüxü̃ ta pexü̃ narümoxẽ i Epáparu. Rü nüma rü petanüxü̃ nixĩ, rü aixcüma nanaxü i Cristuarü puracü. Rü nüma rü guxü̃guma norü yumüxẽwa Tupanaxü̃ naca̱xaxü̃ pexca̱x nax tama nüxna pixĩgachixü̃ca̱x i norü ore rü peyaxõgüamaxü̃ca̱x rü aixcüma penaxüxü̃ca̱x i ngẽma Tupanaarü ngúchaü̃.

Yoná 2:7

Rü yexguma nagu charüxĩnügu ga marü nax chingo̱xochixü̃ nax chayuxü̃ca̱x, rü cuxna chacua̱xãchi, Pa Cori Pa Tupanax, rü cumaxã chidexa. Rü yema chorü yumüxẽ rü yima cupata ya üünene ya nawa cungexmanewa nangu.

Wiyaegü 65:2

Erü cuma rü nüxü̃ cuxĩnü i torü yumüxẽ. Rü guxü̃ma i duü̃xü̃gü rü cuxca̱x naxĩ nax curü ngü̃xẽẽca̱x íyacagüxü̃ca̱x.

Wiyaegü 27:13

Natürü i choma rü chayaxõ nax nüxü̃ tá chadauxü̃ nax aixcüma choxü̃ nangechaü̃xü̃ ya Cori ya Tupana i guxü̃ma i ngẽma ngunexü̃gü i nagu chamaxü̃xü̃gu.

Ichaía 40:31

Natürü yíxema aixcüma Cori ya Tupanaaxü̃́ yaxṍxe rü guxü̃gutáma tüxü̃́ ningexwaca̱xü̃chigü i tümaarü pora. Rü ñoma ĩyügürüxü̃ rü tá taporaama. Rü woo ngẽxguma poraãcü itañaãchigu rü taxũtáma nagu̱x i tümaarü pora. Rü woo ngẽxguma yáxü̃wa taxũxgu, rü taxũtáma tipa.

1 Chamué 1:12

Rü ngĩma ga Ána rü imáarü yumüxẽã̱x nax Tupanamaxã yadexaxü̃, rü nüma ga Erí rü ngĩã̱xgu nadawenü.

Ore i mexü̃ ga Luca ümatüxü̃ 11:10

Erü guxãma ya yíxema naxca̱x íca̱xe rü tanayaxu, rü guxãma ya naxca̱x dauxe rü nüxü̃ itayangau. Rü guxãma ya ĩã̱xwa nüxna cagüxe, rü tümaca̱x tá nayawãxna i ĩã̱x.