Ore i mexü̃ ga Luca ümatüxü̃ 17:34 - Tupanaarü Ore

³⁴ Rü pemaxã nüxü̃ chixu rü ngẽma chütaxü̃gu rü wüxi i ngürücarewa tá nangẽxmagü i taxre i duü̃xü̃gü. Rü wüxi tá niga, rü ngẽma to rü tá ngéma nata̱x.

Ore i mexü̃ ga Luca ümatüxü̃ 17:34 Referans Kwoze

Norü taxre ga popera ga Pedru ümatüxü̃ 2:9

Rü nüma ya Tupana, rü nüxü̃́ natauxcha nax tüxü̃ ínanguxü̃xẽẽxü̃ i ngẽxguma Chataná tüxna ĩnügu ya yíxema mea maxẽxe. Rü ngẽma chixexü̃ ügüxü̃, rü Tupanaaxü̃́ natauxcha nax napoxcueãxü̃ i ngẽma ngunexü̃ i nagu duü̃xü̃güxü̃ yacagüxü̃.

Ore i mexü̃ ga Matéu ümatüxü̃ 24:25

Dücax, naxü̃pa nax nangupetüxü̃ i guxü̃ma i ngẽma ngúxü̃, rü choma rü marü pemaxã nüxü̃ chixu i ngẽma.

Ore i mexü̃ ga Luca ümatüxü̃ 13:24

—Dauxü̃guxü̃ i naanearü ĩã̱x rü naxíraxüchi. ¡Rü paxa naxca̱x pedau nax nawa pichocuxü̃ca̱x! Erü pemaxã nüxü̃ chixu rü muxũchixü̃ma i duü̃xü̃gü tá nüxü̃́ nangúchaü̃ nax nawa yachocuxü̃, natürü taxũtáma nawa nangu nax nawa yachocuxü̃.

Ore i mexü̃ ga Márcu ümatüxü̃ 13:23

¡Pexũãxẽgü! Erü guxü̃ma i ngẽma tá ngupetüxü̃, rü marü naxü̃pa pemaxã nüxü̃ chixu.

Yeremía 45:5

¿Ẽ̱xna cuma naxca̱x ícuca̱xaxü̃ i ta̱xacü i cugüca̱xicatama ixĩxü̃? ¡Rü taxṹ i naxca̱x ícuca̱xaxü̃! Erü choma rü tá íchananguxẽxẽ i taxü̃ i guxchaxü̃gü naxca̱x i guxü̃ma i duü̃xü̃gü. Natürü i cuma rü tá cuxna chadau nax tama cuyuxü̃ca̱x i ngextá ícuxũxü̃wa. Rü chomatama ya Tupana nixĩ i ngẽma ñachaxü̃ cuxü̃”, ñanagürü —ñanagürü ya Yeremía.

Ichaía 42:9

Rü dücax, rü marü ningu ga yema ü̃pa nüxíra nüxü̃ chixuxü̃. Rü ñu̱xma rü tá pemaxã nüxü̃ chixu i ngexwaca̱xü̃xü̃ i oregü naxü̃pa i ngẽma tá ínguxü̃ —ñanagürü ya Tupana.

Wiyaegü 28:3

Rü tama chanaxwa̱xe i choxü̃ cupoxcu wüxigu namaxã i ngẽma chixexü̃ ügüxü̃. Rü nümagü rü mea tümamaxã naxãmücügüneta ya duẽxẽgü, natürü naãẽwa rü nagu narüxĩnüe nax ñuxãcü tüxü̃ yama̱xgüchaü̃xü̃.

Wiyaegü 26:9

Rü tama chanaxwa̱xe i choxü̃ quima̱x wüxigu namaxã i ngẽma pecaduã̱xgüxü̃. Rü tama chanaxwa̱xe i ngẽma máetagüxü̃rüxü̃ chomaxã quixĩ.

Ore i mexü̃ ga Luca ümatüxü̃ 13:5

Pemaxã nüxü̃ chixu rü tama nixĩ. Rü ngẽxguma chi pema rü tama nüxü̃ perüxoegu i pecüma i chixexü̃, rü guxãma i pema rü tá ipeyarütauxe —ñanagürü ga Ngechuchu.

Ore i mexü̃ ga Luca ümatüxü̃ 13:3

Pemaxã nüxü̃ chixu rü tama nixĩ. Rü ngẽxguma chi pema rü tama nüxü̃ perüxoegu i pecüma i chixexü̃, rü guxãma i pema rü tá ipeyarütauxe.

Ore i mexü̃ ga Márcu ümatüxü̃ 14:29

Rü yexguma ga Pedru rü ñanagürü nüxü̃: —Woo guxü̃ma i togü cuxü̃ íta̱xgu, rü choma rü taxũtáma cuxü̃ íchata̱x —ñanagürü.

Ore i mexü̃ ga Luca ümatüxü̃ 17:33

Erü yíxema tama cha̱u̱xca̱x inaxãxẽ i tümaarü maxü̃ rü tá itanatauxẽxẽ. Natürü texé ya cha̱u̱xca̱x inaxãxẽ i tümaarü maxü̃ rü tá tanayaxu i maxü̃ i taguma gúxü̃.

Ore i mexü̃ ga Luca ümatüxü̃ 17:35

Rü taxre i ngexü̃gü tá nügümaxã ínacaegü. Rü wüxi tá niga rü ngẽma to rü tá ngéma nata̱x.