Ore i mexü̃ ga Luca ümatüxü̃ 17:22 - Tupanaarü Ore

²² Rü yexguma norü ngúexü̃güxü̃ ñanagürü: —Rü tá pexca̱x ínangu i ngunexü̃ i nagu tá nüxü̃ pedaugüchaü̃xü̃ ya Tupana Nane ya duü̃xü̃xü̃ ixĩcü woo wüxi i paxaãchica̱x yixĩxgu. Natürü taxũtáma nüxü̃ pedaugü i ngẽxguma.

Ore i mexü̃ ga Luca ümatüxü̃ 17:22 Referans Kwoze

Ore i mexü̃ ga Luca ümatüxü̃ 5:35

Natürü wüxi i ngunexü̃ rü ngẽma yatü i ngexwaca ãmaxü̃, rü tá namücügüna nayagagü. Rü ngẽma ngunexü̃gu tá nixĩ i aixcüma naxaureexü̃ i namücügü —ñanagürü.

Ore i mexü̃ ga Matéu ümatüxü̃ 9:15

Rü Ngechuchu nanangãxü̃ rü ñanagürü: —¿Ẽ̱xna wüxi i ngĩgüarü petawa rü pexca̱x namexü̃ nax nangechaü̃güxü̃ rü naxaureexü̃ i ngẽma nüxna naxugüxü̃ ega natanüwa nangẽxmagu i ngẽma ngexwaca ãmaxü̃? Natürü wüxi i ngunexü̃gu rü ngẽma yatü i ngexwaca ãmaxü̃ rü tá namücügüna nayagagü. Rü ngẽma ngunexü̃gu tá nixĩ i aixcüma naxaureexü̃ i namücügü.

Ore i mexü̃ ga Cuáü̃ ümatüxü̃ 13:33

Pa Chauxacügüx, taxũtáma muxü̃ i ngunexü̃ petanüwa changexma. Rü pema rü tá cha̱u̱xca̱x pedaugü, natürü ngẽma choma íchaxũxü̃wa rü taxucürüwama ngéma pexĩ. Rü ñaatama ore nixĩ ga marü Yudíugümaxã nüxü̃ chixuxü̃, rü ñu̱xma rü pemaxã rü ta nüxü̃ chixu.

Ore i mexü̃ ga Márcu ümatüxü̃ 2:20

Natürü wüxi i ngunexü̃ rü ngẽma yatü i ngexwaca ãmaxü̃ rü namücügüna tá nayagagü. Rü ngẽma ngunexü̃gu tá nixĩ i naxaureexü̃.

Ore i mexü̃ ga Cuáü̃ ümatüxü̃ 12:35

Rü yexguma ga Ngechuchu rü ñanagürü nüxü̃: —Choma rü paxaãchica̱xicatama petanüwa changexma nax ñoma wüxi i omürüxü̃ pexü̃ chabáxixü̃ca̱x. Rü ñoma rü ta petanüwa changexmaxü̃ rü name nixĩ nax choxü̃́ peyaxõgüxü̃ naxü̃pa nax ẽanexü̃wa pengẽxmagüxü̃. Erü yíxema ẽanexü̃wa ngẽxmaxe rü tama nüxü̃ tacua̱x nax ngextá taxuxü̃.

Ore i mexü̃ ga Luca ümatüxü̃ 13:35

Dücax ya perü ĩane, rü Tupana tá ínanata̱x. Rü pemaxã nüxü̃ chixu rü taxũtáma wena choxü̃ pedau ñu̱xmatáta ngẽma ngunexü̃ i nagu ñapegügüxü̃: “Namexẽchi nixĩ ya yimá Cori ya Tupanaégagu núma ũcü”, ñapegügü —ñanagürü ga Ngechuchu.